Class 12 Geography Chapter 1 (i) মানৱ ভূগোল (ii) প্ৰকৃতি আৰু পৰিসৰ – All Question Solutions | ASSEB (AHSEC) Assamese Medium
দ্বাদশ শ্ৰেণী ভূগোল অধ্যায় ১ – (i) মানৱ ভূগোল আৰু (ii) প্ৰকৃতি আৰু পৰিসৰৰ আটাইবোৰ অনুশীলনী সমাধান (ASSEB – AHSEC, Assamese Medium)
এই অধ্যায়ৰ প্ৰথম ভাগত মানৱ ভূগোলৰ পৰিভাষা, গুৰুত্ব আৰু উপাদানসমূহ আলোচনা কৰা হৈছে, য’ত মানৱ সমাজৰ ভৌগোলিক অধ্যয়নৰ ক্ষেত্ৰ বিশেষকৈ বুজোৱা হয়। দ্বিতীয় ভাগত প্ৰকৃতি আৰু পৰিসৰৰ ভূমিকা আৰু মানৱ জীৱনত ইয়াৰ প্ৰভাৱৰ ওপৰতো আলোকপাত কৰা হৈছে। এই অধ্যায়ত মানৱ আৰু প্ৰাকৃতিক পৰিসৰৰ সম্পৰ্ক আৰু সেইবোৰৰ মাধ্যমে ভৌগোলিক অধ্যয়নৰ বিস্তাৰ আলোচনা কৰা হৈছে।
✅ কি শিকিব:
- মানৱ ভূগোলৰ পৰিভাষা, লক্ষ্য আৰু ক্ষেত্ৰ
- মানৱ সমাজৰ ভৌগোলিক অধ্যয়ন
- প্ৰকৃতিৰ ধৰণ আৰু পৰিসৰৰ ভূমিকা
- মানৱ জীৱনৰ ওপৰত প্ৰকৃতি আৰু পৰিসৰৰ প্ৰভাৱ
- ভূগোলৰ বৈজ্ঞানিক দৃষ্টিভংগী আৰু তথ্য সংগ্ৰহৰ পদ্ধতি
🎯 অস্পীন একেডেমীৰ সুবিধা:
- ASSEB (পূৰ্বৰ AHSEC)ৰ পাঠ্যক্ৰমৰ গভীৰ আৰু বুজাব পৰা সমাধান
- ভূগোল অধ্যায় ১ (i) আৰু (ii)ৰ প্ৰশ্নৰ বিস্তৃত উত্তর
- অসমীয়া মাধ্যমৰ শিক্ষাৰ্থীৰ বাবে সুবিধাজনক ভাষা ব্যৱহাৰ
- শিক্ষাৰ্থীৰ পৰীক্ষা প্ৰস্তুতি সহজ কৰাৰ বাবে স্পষ্ট বাখ্যা
Class 12 Geography (ভূগোল) | Assamese Medium | All Chapter Solutions PDF
Limited Time Offer!
(For AHSEC Class 12, Latest Syllabus)
Get comprehensive preparation for Class 12 Geography (Assamese Medium) with this chapter-wise solutions PDF.
Includes complete textual answers, definitions, solved problems, maps, and key explanations for every chapter as per latest AHSEC syllabus.
Ideal for home study, homework help, and quick exam revision!
গোট-১
অধ্যায়-১
মানৱ ভূগোল (Human Geography)
প্ৰকৃতি আৰু পৰিসৰ (Nature and Scope)
পাঠভিত্তিক প্রশ্নোত্তৰ
অনুশীলনী
১। নিম্নোল্লিখিত চাৰিটা বিকল্পৰ পৰা শুদ্ধ উত্তৰটো বাছি উলিওৱাঃ—
(i) নিম্নোল্লিখিত উক্তিসমূহৰ কোনটোৱে ভূগোলক বৰ্ণনা নকৰে?
(ক) এক সন্মিলিত শিক্ষণীয় বিষয়ে
(খ) মানুহ আৰু পৰিৱেশৰ মাজৰ আন্তঃসম্বন্ধৰ অধ্যয়নে
(গ) দ্বৈতবাদৰ অধীন হোৱাটোৱে
(ঘ) প্রযুক্তিবিদ্যাৰ উন্নয়নৰ বাবে বৰ্তমান সময়ত প্রাসংগিকতা নোহোৱাটোৱে
উত্তৰঃ (ঘ) প্রযুক্তিবিদ্যাৰ উন্নয়নৰ বাবে বৰ্তমান সময়ত প্ৰাসংগিকতা নোহোৱাটোৱে
(ii) নিম্নোল্লিখিত কোনটো ভৌগোলিক তথ্যৰ উৎস নহয়?
(ক) পৰিভ্ৰমণকাৰীৰ টোকা
(খ) পুৰণি মানচিত্র
(গ) চন্দ্ৰৰ পৰা লোৱা শৈল পদাৰ্থৰ নমুনা
(ঘ) পৌৰাণিক মহাকাব্য
উত্তৰঃ (গ) চন্দ্ৰৰ পৰা লোৱা শৈল পদাৰ্থৰ নমুনা
(iii) নিম্নোল্লিখিত কোনটো, মানুহ আৰু পৰিৱেশৰ মাজত থকা আন্তঃপ্ৰক্ৰিয়াৰ বাবে বহু প্রয়োজনীয় কাৰক?
(ক) মানুহৰ বুদ্ধি
(খ) মানৱ চেতনা
(গ) প্রযুক্তি
(ঘ) মানুহৰ ভাতৃত্ববোধ
উত্তৰঃ (ক) মানুহৰ বুদ্ধি
(iv) নিম্নোল্লিখিত কোনটো মানৱ ভূগোলৰ বিচাৰ পদ্ধতি নহয়?
(ক) আঞ্চলিক বৈষম্য
(খ) স্থানিক সংগঠন
(গ) পৰিমাণগত বিপ্লৱ
(ঘ) অন্বেষণ আৰু বৰ্ণনা
উত্তৰঃ (ক) আঞ্চলিক বৈষম্য
২। নিম্নোল্লিখিত প্রশ্নসমূহৰ ৩০টা মান শব্দৰ ভিতৰত উত্তৰ লিখাঃ
(i) মানৱ ভূগোলৰ সংজ্ঞা দিয়া।
উত্তৰঃ মানৱ ভূগোলৰ বিভিন্ন সংজ্ঞা আগবঢ়োৱা হৈছে, যাৰ কেইটামান তলত দিয়া হ’ল:
(ক) ৰাটজেল (Ratzel): “ভূ-পৃষ্ঠ আৰু মানৱ সমাজৰ মাজত বিদ্যমান সম্পৰ্কৰ সামগ্ৰিক বিশ্লেষণেই হ’ল মানৱ ভূগোল।”
(খ) এলেন চি চেম্প’ল (Ellen C. Semple): “বিৰামহীন মানুহ আৰু গতিশীল পৃথিৱীৰ সলনি হৈ থকা পাৰস্পৰিক সম্পৰ্কৰ অধ্যয়নকে মানৱ ভূগোল বোলে।”
(গ) পল ভিডেল ডি লা ব্লাচি (Paul Vidal de la Blache): “আমাৰ পৃথিৱীখনত প্ৰভুত্ব বিস্তাৰ কৰি থকা প্ৰাকৃতিক নিয়মৰ বহু সমন্বিত জ্ঞানৰ পৰা উদ্ভূত ধাৰণাসমূহ আৰু ইয়াত বসবাস কৰা জীৱসমূহৰ মাজৰ সম্পৰ্ক।”
(ii) মানৱ ভূগোলৰ কিছুমান উপক্ষেত্ৰৰ নাম লিখা।
উত্তৰঃ মানৱ ভূগোলৰ কিছুমান উপক্ষেত্ৰ হৈছে:
(ক) আচৰণভিত্তিক ভূগোল (খ) সমাজ কল্যাণভিত্তিক ভূগোল
(গ) অৱকাশকালীন ভূগোল (ঘ) সাংস্কৃতিক ভূগোল
(ঙ) লিংগভিত্তিক ভূগোল (চ) ঐতিহাসিক ভূগোল
(ছ) চিকিৎসা ভূগোল (জ) নিৰ্বাচন সম্বন্ধীয় ভূগোল
(ঝ) সামৰিক ভূগোল (ঞ) সম্পদ ভূগোল
(ট) কৃষি ভূগোল (ঠ) উদ্যোগ ভূগোল
(ড) বজাৰ ভূগোল (ঢ) পৰ্যটন ভূগোল
(ণ) আন্তঃৰাষ্ট্ৰীয় বাণিজ্য ভূগোল
(iii) মানৱ ভূগোল কেনেভাৱে আন সমাজ বিজ্ঞানৰ লগত জড়িত?
উত্তৰঃ মানৱ ভূগোল এক উচ্চ পৰ্যায়ৰ আন্তঃশিক্ষণীয় দৃষ্টিভংগীৰে আগবাঢ়ে। পৃথিৱী পৃষ্ঠত বিদ্যমান মানৱীয় উপাদানসমূহক সঠিকভাৱে বুজিবলৈ আৰু বৰ্ণনা কৰিবলৈ ই সমাজ বিজ্ঞানৰ আন সহযোগী শিক্ষণীয় বিষয়সমূহৰ সৈতে মিলি বিকশিত হয়।
৩। নিম্নোল্লিখিত প্ৰশ্নসমূহৰ ১৫০টা মান শব্দৰ ভিতৰত উত্তৰ লিখাঃ—
(i) মানৱৰ প্ৰকৃত্যায়ন ব্যাখ্যা কৰা।
উত্তৰঃ আদিম যুগত, প্ৰাকৃতিক পৰিৱেশৰ সৈতে আন্তঃক্ৰিয়া কৰোঁতে, মানুহ প্ৰকৃতিৰ প্ৰভাৱৰ দ্বাৰা প্ৰবলভাৱে নিয়ন্ত্ৰিত হৈছিল। সেই সময়ত মানুহে প্ৰকৃতিয়ে যি দিছিল, তাতেই নিজকে খাপ খুৱাই লৈছিল, কিয়নো সেই সময়ৰ প্ৰযুক্তিবিদ্যা অতি নিম্নস্তৰৰ আছিল আৰু মানৱৰ সামাজিক উন্নয়নৰ স্তৰো পৌৰাণিক আছিল।
প্ৰাচীন মানৱ সমাজ আৰু প্ৰকৃতিৰ অপৰিসীম শক্তিৰ মাজত থকা এনেকুৱা পাৰস্পৰিক ক্ৰিয়াক পাৰিৱেশিক নিৰ্দ্ধাৰণবাদ বুলি কোৱা হয়। নিম্নমানৰ প্ৰযুক্তিবিদ্যাৰ বিকাশে প্ৰাকৃতিককৃত মানুহৰ (man ‘naturalized’) উপস্থিতিৰ সৃষ্টি কৰে, যিয়ে প্ৰকৃতিৰ শক্তিৰ ওচৰত শৰণাপন্ন হয়, প্ৰকৃতিৰ কথা শুনে আৰু প্ৰকৃতিৰ ভয়ংকৰ ৰূপ দেখিলে ভীতিগ্ৰস্ত হৈ ইয়াক উপাসনা কৰে।
মানুহ তেওঁলোকৰ প্ৰাকৃতিক সম্পদৰ বাবে প্ৰকৃতিৰ ওপৰত পোনপটীয়াকৈ নিৰ্ভৰশীল। এনে সমাজৰ বাবে ভৌতিক পৰিৱেশক ‘প্ৰকৃতি মাতৃ’ হিচাপে গণ্য কৰা হয়।
(ii) মানৱ ভূগোলৰ পৰিসৰৰ ওপৰত এটা টোকা লিখা।
উত্তৰঃ মানৱ ভূগোল হৈছে মানুহে পাৰস্পৰিক আন্তঃক্ৰিয়াৰ জৰিয়তে সৃষ্টি কৰা সামাজিক-সাংস্কৃতিক পৰিৱেশ আৰু প্ৰাকৃতিক পৰিৱেশৰ মাজৰ আন্তঃসম্পৰ্কৰ পদ্ধতিগত অধ্য়য়ন।
মানৱ ভূগোলৰ পৰিসৰ অতি বিশাল, কিয়নো ই মানৱ জীৱনৰ প্ৰতিটো দিশ সাঙুৰি লয়। ই মূলতঃ এইসমূহ দিশ সামৰি লয়:
১. প্ৰাকৃতিক সম্পদৰ ব্যৱহাৰ: প্ৰাকৃতিক পৰিৱেশৰ পৰা আহৰণ কৰা সম্পদ ব্যৱহাৰ কৰি মানুহে ঘৰ-দুৱাৰ, গাঁও, মহানগৰ, বাট-পথ, ৰে’লপথ, উদ্যোগ আদিৰ দৰে উপাদানসমূহৰ লগতে অন্যান্য বস্তুনিষ্ঠ সংস্কৃতিৰ উপাদানসমূহৰ সৃষ্টি কৰিছে।
২. মানৱীয় উপাদানসমূহৰ অধ্য়য়ন: জনসংখ্যা, বসতি, কাৰ্যকলাপ, আৰু সাংস্কৃতিক উপাদানৰ বিতৰণ আৰু বৈশিষ্ট্যসমূহৰ স্থানিক আৰু কালিক বিশ্লেষণ।
৩. আন্তঃসম্পৰ্কৰ বিশ্লেষণ: প্ৰাকৃতিক আৰু মানৱীয় পৰিৱেশৰ মাজত হোৱা পাৰস্পৰিক ক্ৰিয়া-প্ৰতিক্ৰিয়াৰ অধ্যয়ন।
৪. সমস্যাসমূহৰ বিচাৰ: যেতিয়া মানুহৰ দ্বাৰা প্ৰাকৃতিক পৰিৱেশক অত্যাধিকভাৱে সংশোধিত কৰা হয় (যেনে- প্ৰদূষণ, গোলকীয় উষ্ণতা বৃদ্ধি), তেতিয়া মানৱ জীৱনত ইয়াৰ বিপৰীতমুখী প্ৰভাৱ পৰে। মানৱ ভূগোলে এই সমস্যাসমূহ আৰু ইয়াৰ সমাধানৰ ওপৰত গুৰুত্ব দিয়ে।
সংক্ষেপে, মানৱ ভূগোলৰ পৰিসৰে মানুহৰ ভৌগোলিক অৱস্থিতি আৰু পাৰিপাৰ্শ্বিক ক্ৰিয়া-কলাপৰ সম্পূৰ্ণ পৰিসৰ সামৰি লয়।
দ্বাদশ শ্ৰেণী ভূগোল অধ্যায় ১ (i) আৰু (ii) – সঘনাই সোধা প্ৰশ্ন
Get Free NCERT PDFs
If you want to download free PDFs of any chapter, click the link below and join our WhatsApp group:
