সপ্তম শ্ৰেণী বিজ্ঞান অধ্যায় ৬ – জলবায়ু পৰিৱৰ্তন আৰু ইয়াৰ প্ৰভাৱ – সম্পূৰ্ণ পাঠ্যভিত্তিক সমাধান | ASSEB Assam (Assamese Medium)V

Class 7 Science Chapter 6 জলবায়ু পৰিৱৰ্তন আৰু ইয়াৰ প্ৰভাৱ Solutions | ASSEB Assam | Assamese Medium

সপ্তম শ্ৰেণী বিজ্ঞান অধ্যায় ৬ – জলবায়ু পৰিৱৰ্তন আৰু ইয়াৰ প্ৰভাৱ সম্পূৰ্ণ পাঠ্যভিত্তিক প্ৰশ্নোত্তৰ আৰু সমাধান (ASSEB Assam – Assamese Medium)

সপ্তম শ্ৰেণীৰ বিজ্ঞান (Science) পাঠ্যক্ৰমৰ ষষ্ঠ অধ্যায় ‘জলবায়ু পৰিৱৰ্তন আৰু ইয়াৰ প্ৰভাৱ’ বৰ্তমান সময়ৰ প্ৰেক্ষাপটত আৰু পৰীক্ষাৰ দৃষ্টিকোণৰ পৰা অতি গুৰুত্বপূৰ্ণ এটা পাঠ। নতুন ASSEB (Assam State School Education Board) পাঠ্যক্ৰম আৰু নৱ্য শিক্ষা নীতিৰ (NEP) শেহতীয়া নিৰ্দেশনাৰ আধাৰত এই অধ্যায়ৰ সম্পূৰ্ণ পাঠ্যভিত্তিক প্ৰশ্নোত্তৰ (Class 7 Science Chapter 6 Textual Question Answer) প্ৰস্তুত কৰা হৈছে। এই বিশেষ সংকলনটিত পাঠভিত্তিক অতি চমু প্ৰশ্ন (VSA), চমু প্ৰশ্ন (Short Questions), দীঘলীয়া প্ৰশ্ন (Long Answers), অতিৰিক্ত প্ৰশ্ন (Additional Questions) আৰু বহুবিকল্পী প্ৰশ্নৰ (MCQs) পুংখানুপুংখ সমাধান অন্তৰ্ভুক্ত কৰা হৈছে। অস্পীন একেডেমী (Ospin Academy) ত এই সমাধানসমূহ সহজ, নিৰ্ভুল আৰু সম্পূৰ্ণ পৰীক্ষামুখীভাৱে উপলব্ধ কৰোৱা হৈছে।

‘জলবায়ু পৰিৱৰ্তন আৰু ইয়াৰ প্ৰভাৱ’ নামৰ এই পাঠটিত বতৰ আৰু জলবায়ুৰ পাৰ্থক্য, সেউজগৃহ প্ৰভাৱ (Greenhouse Effect), গোলকীয় উত্তাপ বৃদ্ধি (Global Warming), আৰু পৰিৱেশৰ ওপৰত ইয়াৰ বিৰূপ প্ৰভাৱৰ বিষয়ে সুন্দৰভাৱে দাঙি ধৰা হৈছে। পৰীক্ষাৰ্থীসকলৰ বাবে এই পাঠৰ প্ৰতিটো ধাৰণা স্পষ্ট হোৱাটো অতি প্ৰয়োজনীয়। আমাৰ এই পাঠ্যভিত্তিক সমাধানত (Textual Solutions) কেৱল পাঠ্যপুথিৰ অনুশীলনীৰ প্ৰশ্নসমূহেই নহয়, বৰঞ্চ পৰীক্ষাত আহিব পৰা অতিৰিক্ত গুৰুত্বপূৰ্ণ প্ৰশ্ন-উত্তৰসমূহো সামৰি লোৱা হৈছে যাতে ছাত্ৰ-ছাত্ৰীসকলে সুন্দৰভাৱে প্ৰস্তুতি চলাব পাৰে।

এই পাঠ্যভিত্তিক সমাধানৰ পৰা আপুনি কি কি শিকিব আৰু পাব:

• বতৰ আৰু জলবায়ুৰ মূল ধাৰণা আৰু পৰিৱৰ্তনশীল জলবায়ুৰ কাৰণসমূহৰ বিস্তৃত পৰিচয়।
• সেউজগৃহ প্ৰভাৱ আৰু গোলকীয় উত্তাপ বৃদ্ধিৰ কাৰণ আৰু প্ৰভাৱৰ সহজ বিশ্লেষণ।
• জলবায়ু পৰিৱৰ্তন ৰোধ কৰাৰ উপায়সমূহৰ নিৰ্দোষ আৰু পৰীক্ষামুখী উত্তৰ।
• ১ নম্বৰৰ অতি চমু (VSA), বহু-বিকল্পী (MCQ) আৰু ২-৩ নম্বৰৰ চমু প্ৰশ্নৰ পৰীক্ষামুখী সমাধান।
• নতুন পাঠ্যক্ৰমৰ আৰ্হি অনুসৰি গুৰুত্বপূৰ্ণ প্ৰশ্নসমূহৰ লগতে শেহতীয়া আৰ্হিৰ অতিৰিক্ত প্ৰশ্নৰ (Additional Questions) সমাধান।

অস্পীন একেডেমীৰ এই প্ৰশ্নোত্তৰসমূহৰ বিশেষ সুবিধা:

• শেহতীয়া ASSEB নতুন পাঠ্যক্ৰমৰ আধাৰত প্ৰস্তুত কৰা সম্পূৰ্ণ পাঠ্যভিত্তিক সমাধান।
• ১০০% নিৰ্ভুল আৰু ছাত্ৰ-ছাত্ৰীয়ে মুখস্থ কৰিবলৈ সহজ হোৱাকৈ সৰল অসমীয়া ভাষাত লিখা উন্নত মানৰ নোটছ (Class 7 Science Notes)।
• পৰীক্ষাৰ পূৰ্বে দ্ৰুত ৰিভিজনৰ (Quick Revision) বাবে বিশেষভাৱে যুগুতোৱা সহজ-সৰল উত্তৰ।
• পৰীক্ষাত আহিব পৰা অতিৰিক্ত গুৰুত্বপূৰ্ণ MCQ আৰু চমু প্ৰশ্নৰ বিশেষ সংকলন।

ছাত্ৰ-ছাত্ৰীসকলৰ শৈক্ষিক উত্তৰণৰ প্ৰতি লক্ষ্য ৰাখি অস্পীন একেডেমীয়ে এই বিশেষ পাঠ্যভিত্তিক সমাধান আগবঢ়াইছে। আপোনাৰ পৰীক্ষাৰ প্ৰস্তুতি এতিয়াই আৰম্ভ কৰক আৰু বিজ্ঞান বিষয়ত সৰ্বোচ্চ নম্বৰ লাভ কৰাৰ দিশত আগবাঢ়ক।

V

 SCERT, অসম — সপ্তম শ্ৰেণী: বিজ্ঞান

অধ্যায়-6                                                           অস্পিন একাডেমী

জলবায়ু পৰিৱৰ্তন আৰু ইয়াৰ প্ৰভাৱ

পাঠভিত্তিক প্রশ্নোত্তৰ

EXERCISE (অনুশীলনী)

1. শুদ্ধ উত্তৰৰ গোলটো সম্পূৰ্ণকৈ পূৰ কৰা।

(i) কোনটো গেছে গোলকীয় উষ্ণতা বৃদ্ধি কৰে?
(a) অক্সিজেন।
(b) কার্বন ডাই অক্সাইড।
(c) হাইড্র’জেন।
(d) নাইট্র’জেন।
Answer: (b)

(ii) তলৰ কোনটো সেউজগৃহ গেছ নহয়?
(a) কার্বন ডাইঅক্সাইড।
(b) মিথেন।
(c) নাইট্ৰাছ অক্সাইড।
(d) অক্সিজেন।
Answer: (d)

(iii) (জলবায়ু পৰিবৰ্তনে মূলতঃ তলৰ কোনটো বুজায়—
(a) দৈনিক বতৰৰ পৰিবর্তন।
(b) সাপ্তাহিক বতৰৰ পৰিবর্তন।
(c) উষ্ণতা আৰু বৰষুণৰ দীর্ঘম্যাদী পৰিবৰ্তন।
(d) ঋতুৰ লগে লগে জলবায়ুৰ পৰিবর্তন।
Answer: (c)

(iv) তলৰ কোনটোক অধিক বৃক্ষৰোপণে সহায় কৰে—
(a) গোলকীয় উষ্ণতা বৃদ্ধিত।
(b) অক্সিজেনৰ পৰিমাণ হ্রাস কৰাত।
(c) অজ’ন বিন্ধাৰ বৃদ্ধিত।
(d) কাৰ্বন ডাইঅক্সাইডৰ পৰিমাণ হ্ৰাস কৰাত।
Answer: (d)

(v) জলবায়ু পৰিৱৰ্তনৰ কাৰণে হিমবাহ গলনৰ ফলত কি ঘটে?
(a) ভূমিকম্প।
(b) আগ্নেয়গিৰিৰ উদগীৰণ।
(c) বানপানী আৰু সাগৰপৃষ্ঠৰ উচ্চতা বৃদ্ধি।
(d) ভূমিস্খলন।
Answer: (c)

2. খালী ঠাই পূৰ কৰা —
(a) পৃথিৱীৰ গড় উষ্ণতাৰ ক্ৰমান্বয়ে বৃদ্ধি হোৱাক ______ বুলি কোৱা হয়।
Answer: গোলকীয় উষ্ণতা বৃদ্ধি।

(b) ______ হৈছে যান-বাহনৰপৰা নিৰ্গত হোৱা প্রধান সেউজগৃহ গেছ।
Answer: কাৰ্বন ডাইঅক্সাইড।

(c) বনাঞ্চলৰ গছ-গছনি কাটি পেলোৱাটোকে ______ বুলি কোৱা হয়।
Answer: নিৰ্বনানীকৰণ।

(d) বৃক্ষৰোপণে বায়ুমণ্ডলত ______ বৃদ্ধি কৰে।
Answer: অক্সিজেন।

(e) নিৰ্বনানীকৰণৰ ফলত বায়ুমণ্ডলত ______ ৰ পৰিমাণ বৃদ্ধি হয়।

Answer: কাৰ্বন ডাইঅক্সাইড

3. শুদ্ধ নে অশুদ্ধ লিখা —
(a) জলবায়ু পৰিৱৰ্তনে কেৱল মানুহক প্ৰভাৱিত কৰে। শুদ্ধ/অশুদ্ধ
Answer: অশুদ্ধ

(b) জীৱাশ্ম ইন্ধন জ্বলালে বায়ুমণ্ডললৈ সেউজগৃহ গেছ নিৰ্গত হয়। শুদ্ধ/অশুদ্ধ
Answer: শুদ্ধ

(c) নিৰ্বনানীকৰণে গোলকীয় উষ্ণতা হ্ৰাস কৰাত সহায় কৰে। শুদ্ধ/অশুদ্ধ
Answer: অশুদ্ধ

(d) গোলকীয় উষ্ণতা বৃদ্ধিৰ সৈতে সাগৰৰ জলপৃষ্ঠৰ উচ্চতা বৃদ্ধিৰ কোনো সম্পৰ্ক নাই। শুদ্ধ/অশুদ্ধ
Answer: অশুদ্ধ

(e) জলবায়ু পৰিৱৰ্তন হ্ৰাস কৰাৰ এটা সমাধান হ’ল বৃক্ষৰোপণ। শুদ্ধ/অশুদ্ধ
Answer: শুদ্ধ

4. তলত দিয়াবোৰ মিলোৱাঃ

স্তম্ভ A	স্তম্ভ B
(a) মিথেন	(i) জীৱাশ্ম ইন্ধনৰ দহনত ওলায়।
(b) সাগৰৰ জলপৃষ্ঠৰ উচ্চতা বৃদ্ধি	(ii) পৃথিৱীৰ উষ্ণতা বৃদ্ধি।
(c) গোলকীয় উষ্ণতা বৃদ্ধি	(iii) হিমবাহৰ গলন।
(d) কাৰ্বন ডাইঅক্সাইড	(iv) গৰু-ম’হৰ গোবৰৰ পৰা সৃষ্ট সেউজ গৃহ গেছ।

Answer: 

স্তম্ভ A	স্তম্ভ B
(a) মিথেন)	(iv) গৰু-ম’হৰ গোবৰৰ পৰা সৃষ্ট সেউজ গৃহ গেছ
(b) সাগৰৰ জলপৃষ্ঠৰ উচ্চতা বৃদ্ধি	(iii) হিমবাহৰ গলন
(c) গোলকীয় উষ্ণতা বৃদ্ধি	(ii) পৃথিৱীৰ উষ্ণতা বৃদ্ধি
(d) কাৰ্বন ডাইঅক্সাইড	(i) জীৱাশ্ম ইন্ধনৰ দহনত ওলায়।

5. ভাৰতৰ বিভিন্ন জলবায়ু অঞ্চলসমূহৰ নাম লিখা আৰু চমুকৈ বৰ্ণনা কৰা।
Answer: ভাৰতবৰ্ষৰ প্ৰধান জলবায়ু অঞ্চলসমূহ আৰু সিহঁতৰ বৰ্ণনা তলত দিয়া হ’ল—
(ক) ক্ৰান্তীয় সেমেকা: এই অঞ্চলসমূহত প্ৰায় গোটেই বছৰজুৰি প্ৰচুৰ পৰিমাণে বৰষুণ হয়। বায়ুৰ আৰ্দ্ৰতা সদায় বেছি থাকে, বৰ্ষাকাল অতি দীঘলীয়া হয় আৰু খৰালিকাল তেনেই চুটি হয়। এনে জলবায়ুৰ বাবেই ইয়াত ঘন চিৰসেউজীয়া অৰণ্য দেখা যায়।
(খ) ক্ৰান্তীয় সেমেকা আৰু শুকান: এই অঞ্চলবোৰত মূলতঃ বৰ্ষাকালতহে মধ্যমীয়াৰ পৰা ধাৰাষাৰ বৰষুণ হয়। ইয়াৰ গ্ৰীষ্মকাল অতিশয় গৰম আৰু খৰালিকাল যথেষ্ট দীঘলীয়া হয়, যাৰ বাবে ইয়াত পৰ্ণপাতী অৰণ্য গজে।
(গ) উপ-ক্ৰান্তীয় আৰ্দ্ৰ: এই অঞ্চলৰ বৰ্ষাকালতো ভাল বৰষুণ হয়। ইয়াৰ গ্ৰীষ্মকাল অতিপাত গৰম আৰু সেমেকা হোৱাৰ বিপৰীতে শীতকাল বৰ ঠাণ্ডা আৰু শুকান হয়। ইয়াতো পৰ্ণপাতী গছ-গছনি দেখা যায়।
(ঘ) অৰ্ধ-শুষ্ক: এই অঞ্চলসমূহত বৰষুণৰ পৰিমাণ কম। গ্ৰীষ্মকালত অত্যাধিক গৰম পৰে কিন্তু শীতকালত ইমান বেছি ঠাণ্ডা নপৰে। সেয়েহে ইয়াত প্ৰধানকৈ কাঁইটীয়া জোপোহা আৰু বনৰীয়া ঘাঁহনি দেখিবলৈ পোৱা যায়।
(ঙ) শুষ্ক মৰুভূমি: এই অঞ্চলত বৰষুণ একেবাৰে কম হয় আৰু বতাহ সদায় শুকান থাকে। দিনৰ ভাগত প্ৰচণ্ড গৰম আৰু ৰাতিৰ ভাগত প্ৰচণ্ড ঠাণ্ডা পৰাটো ইয়াৰ প্ৰধান বৈশিষ্ট্য। বৰষুণৰ অভাৱত ইয়াত গছ-গছনি প্ৰায় নাথাকেই।
(চ) পাৰ্বত্য (আলপাইন): সাগৰপৃষ্ঠৰ পৰা বহু ওখত অৱস্থিত হোৱাৰ বাবে এই অঞ্চলৰ জলবায়ু সদায় ঠাণ্ডা হৈ থাকে। শীতকালত ইয়াত বৰফ পৰে আৰু গ্ৰীষ্মকালো শীতল হয়। এনে ঠাণ্ডা পৰিৱেশত প্ৰধানকৈ পাইন গছৰ দৰে সৰলবৰ্গীয় অৰণ্য পোৱা যায়।)

6. জলবায়ু পৰিৱৰ্তন কি? উদাহৰণসহ ব্যাখ্যা কৰা।
Answer: জলবায়ু পৰিৱৰ্তন বুলিলে কোনো এক অঞ্চলৰ বা সমগ্ৰ পৃথিৱীৰ বতৰৰ অৱস্থাত ঘটা দীৰ্ঘম্যাদী আৰু স্থায়ী পৰিৱৰ্তনক বুজায়। ই কোনো এদিনৰ বতৰৰ সলনি হোৱাটো নুবুজায়, বৰঞ্চ দশক দশক ধৰি চলি থকা পৰিৱৰ্তনকহে বুজায়। ইয়াৰ কিছুমান স্পষ্ট উদাহৰণ হ’ল— পৃথিৱীৰ গড় উষ্ণতা ক্ৰমাগতভাৱে বৃদ্ধি পোৱা, উত্তৰ আৰু দক্ষিণ মেৰুৰ বৰফ তথা পৰ্বতৰ হিমবাহবোৰ অস্বাভাৱিকভাৱে গলি যোৱা, সাগৰৰ জলপৃষ্ঠৰ উচ্চতা বৃদ্ধি হোৱা, আৰু সঘনাই হোৱা অনাবৃষ্টি (খৰাং) বা অতিবৃষ্টিৰ ফলত হোৱা ভয়ংকৰ বানপানী আদি।

7. বর্তমান পৃথিৱীয়ে সন্মুখীন হোৱা আটাইতকৈ ডাঙৰ প্ৰত্যাহ্বানসমূহৰ ভিতৰত জলবায়ু পৰিৱৰ্তনও এটা বুলি কিয় গণ্য কৰা হয়?
Answer: জলবায়ু পৰিৱৰ্তনক বৰ্তমান বিশ্বৰ সৰ্ববৃহৎ প্ৰত্যাহ্বান হিচাপে গণ্য কৰা হয় কাৰণ ইয়াৰ কু-প্ৰভাৱ পৃথিৱীৰ সকলো দিশতে বিয়পি পৰিছে। ইয়াৰ ফলত পৃথিৱীৰ উষ্ণতা ভয়ংকৰভাৱে বাঢ়ি গৈছে আৰু মাৰাত্মক উষ্ণ প্ৰবাহৰ সৃষ্টি হৈছে। মেৰুৰ বৰফ আৰু হিমবাহ গলি যোৱাৰ ফলত সাগৰৰ পানী বাঢ়ি উপকূলীয় অঞ্চলবোৰ বুৰ যোৱাৰ উপক্ৰম হৈছে। তদুপৰি, বতৰৰ অস্বাভাৱিক আচৰণৰ বাবে কেতিয়াবা প্ৰলয়ংকাৰী বানপানী আৰু কেতিয়াবা ভয়ংকৰ খৰাং পৰিস্থিতিৰ সৃষ্টি হৈছে। এনে পৰিৱৰ্তনে সমগ্ৰ বিশ্বৰ কৃষি উৎপাদন ব্যাহত কৰিছে, প্ৰাকৃতিক ভাৰসাম্য নষ্ট কৰিছে আৰু মানুহৰ স্বাস্থ্য তথা অস্তিত্বৰ প্ৰতি এক চৰম ভাবুকি কঢ়িয়াই আনিছে।

8. গোলকীয় উষ্ণতা বৃদ্ধি কি? সেউজগৃহ প্ৰভাৱৰ সৈতে ইয়াৰ সম্পৰ্ক ব্যাখ্যা কৰা।
Answer: পৃথিৱীৰ বায়ুমণ্ডল আৰু পৃষ্ঠভাগৰ গড় উষ্ণতা ক্ৰমান্বয়ে আৰু অস্বাভাৱিকভাৱে বৃদ্ধি পোৱা প্ৰক্ৰিয়াটোকেই গোলকীয় উষ্ণতা বৃদ্ধি বুলি কোৱা হয়। ইয়াৰ লগত “সেউজগৃহ প্ৰভাৱ”ৰ পোনপটীয়া সম্পৰ্ক আছে। আমাৰ বায়ুমণ্ডলত থকা কাৰ্বন ডাইঅক্সাইড, মিথেন আৰু নাইট্ৰাছ অক্সাইড আদি সেউজগৃহ গেছবোৰে এটা কাঁচৰ ঘৰৰ (সেউজগৃহ) দৰে কাম কৰে। এই গেছবোৰে সূৰ্যৰ পোহৰক পৃথিৱীলৈ আহিবলৈ দিয়ে, কিন্তু পৃথিৱী পৃষ্ঠৰ পৰা মহাকাশলৈ উভতি যাব বিচৰা তাপখিনি ধৰি ৰাখে। প্ৰাকৃতিকভাৱে পৃথিৱীক জীয়াই থকাৰ উপযোগী কৰি ৰাখিবলৈ এই প্ৰক্ৰিয়াটো দৰকাৰী। কিন্তু বৰ্তমান মানুহৰ কাৰ্যকলাপৰ বাবে বায়ুমণ্ডলত এই গেছবোৰৰ পৰিমাণ অত্যধিক বৃদ্ধি পাইছে, যাৰ ফলত প্ৰয়োজনতকৈ বহুত বেছি তাপ আৱদ্ধ হৈ পৰিছে। ইয়াৰ পৰিণতিতেই সমগ্ৰ পৃথিৱীৰ উষ্ণতা ক্ৰমাগতভাৱে বৃদ্ধি পাই গৈ আছে।

10. সপ্তম শ্ৰেণীৰ ছাত্ৰ বা ছাত্ৰী হিচাপে গোলকীয় উষ্ণতা বৃদ্ধি হ্ৰাস কৰাত সহায় কৰিবলৈ তুমি ব্যক্তিগত পৰ্যায়ত কি কি পদক্ষেপ ল’ব পাৰা।9. মানুহৰ কাৰ্যকলাপৰ ফলত গোলকীয় উষ্ণতা বৃদ্ধি কেনেকৈ হয় আৰু ইয়াক এক
গুৰুতৰ পৰিৱেশজনিত সমস্যা বুলি কিয় গণ্য কৰা হয়?
Answer: মানুহে কৰা বিভিন্ন অবিবেচক কাৰ্যকলাপৰ বাবেই বায়ুমণ্ডলত সেউজগৃহ গেছৰ পৰিমাণ বাঢ়ি গোলকীয় উষ্ণতা বৃদ্ধি পাইছে। কল-কাৰখানা চলোৱা, বিদ্যুৎ উৎপাদন আৰু যান-বাহনৰ বাবে কয়লা, পেট্ৰ’লিয়াম আদি জীৱাশ্ম ইন্ধনৰ অত্যাধিক দহন, আৰু ব্যাপক হাৰত গছ-গছনি কটাৰ (নিৰ্বনানীকৰণ) ফলত বায়ুমণ্ডলত কাৰ্বন ডাইঅক্সাইডৰ পৰিমাণ ভয়ংকৰভাৱে বাঢ়িছে। ইয়াৰ উপৰিও, আৱৰ্জনা জ্বলোৱা আৰু ফ্ৰীজ তথা এয়াৰ কণ্ডিচনাৰৰ অত্যধিক ব্যৱহাৰৰ ফলত মিথেন আৰু ক্ল’ৰ’ফ্ল’ৰ’কাৰ্বনৰ দৰে মাৰাত্মক গেছ নিৰ্গত হৈছে।
ইয়াক এক গুৰুতৰ পৰিৱেশজনিত সমস্যা বুলি গণ্য কৰা হয় কাৰণ ই সমগ্ৰ পৃথিৱীৰ প্ৰাকৃতিক ভাৰসাম্য একেবাৰে নষ্ট কৰি পেলাইছে। ইয়াৰ ফলত পৃথিৱীৰ উষ্ণতা ইমানেই বাঢ়িছে যে সঘনাই মাৰাত্মক উষ্ণ প্ৰবাহ আৰু বনজুইৰ দৰে ঘটনা ঘটিব ধৰিছে। মেৰু অঞ্চলৰ বৰফ আৰু পাহাৰৰ হিমবাহবোৰ গলি যোৱাৰ বাবে সাগৰৰ জলপৃষ্ঠ বাঢ়ি আহি উপকূলীয় অঞ্চলবোৰলৈ ভাবুকি কঢ়িয়াই আনিছে। তদুপৰি, ই বতৰৰ স্বাভাৱিক চক্ৰ সলনি কৰি সঘনাই প্ৰলয়ংকাৰী বানপানী আৰু ভয়ংকৰ খৰাং পৰিস্থিতিৰ সৃষ্টি কৰিছে, যিয়ে পৃথিৱীৰ জীৱকুল আৰু মানুহৰ অস্তিত্বৰ প্ৰতি চৰম সংকট মাতি আনিছে।

Answer: সপ্তম শ্ৰেণীৰ এজন দায়িত্বশীল ছাত্ৰ/ছাত্ৰী হিচাপে গোলকীয় উষ্ণতা বৃদ্ধি ৰোধ কৰিবলৈ মই ব্যক্তিগত পৰ্যায়ত তলত দিয়া সৰু সৰু কিন্তু গুৰুত্বপূৰ্ণ পদক্ষেপবোৰ গ্ৰহণ কৰিব পাৰোঁ—
(ক) মই জীৱাশ্ম ইন্ধনৰে (যেনে- পেট্ৰ’ল, ডিজেল) চলা যান-বাহনৰ ব্যৱহাৰ যিমান পাৰি কম কৰিম। ওচৰৰ ঠাইলৈ যাবলৈ মই গাড়ী-মটৰৰ সলনি খোজকঢ়া বা চাইকেল চলোৱাৰ অভ্যাস গঢ়ি তুলিম, যাতে বায়ুমণ্ডললৈ কম ধোঁৱা নিৰ্গত হয়।
(খ) মই সদায় বিদ্যুতৰ অপচয় ৰোধ কৰিবলৈ চেষ্টা কৰিম। কোঠাত মানুহ নথকা অৱস্থাত বা প্ৰয়োজন নহ’লে মই সদায় লাইট, ফেন, টিভি আৰু আন বৈদ্যুতিক সঁজুলিবোৰ বন্ধ কৰি ৰাখিম।
(গ) কাৰ্বন ডাইঅক্সাইড শোষিত কৰিবলৈ গছ-গছনিয়ে প্ৰধান ভূমিকা লয়, সেয়েহে মই মোৰ ঘৰৰ আশে-পাশে আৰু খালী ঠাইত অধিক সংখ্যাত গছপুলি ৰুম আৰু সেইবোৰৰ সঠিক যতন ল’ম।

Multiple Choice Questions (MCQs)

1. তলৰ কোনটো গোলকীয় উষ্ণতা বৃদ্ধিৰ পৰিণাম নহয়?
(A) হিমবাহৰ গলন।
(B) সাগৰৰ জলপৃষ্ঠৰ উচ্চতা বৃদ্ধি।
(C) ভূমিকম্পৰ সঘনাই বৃদ্ধি।
(D) চৰম বতৰৰ পৰিঘটনা।
Answer: (C)

2. সেউজগৃহ গেছ মিথেনৰ প্ৰধান উৎস কি?
(A) নিৰ্বনানীকৰণ।
(B) কৃষিকৰ্ম আৰু গৰু-ম’হৰ পাচন ক্ৰিয়া।
(C) কয়লাৰ দহন।
(D) যান-বাহনৰ ধোঁৱা।
Answer: (B)

3. সূৰ্যৰ পোহৰ পৃথিৱীলৈ আহিবলৈ দি, পৃথিৱীৰ পৰা বিকিৰিত হোৱা তাপক বায়ুমণ্ডলত আৱদ্ধ কৰি ৰখা প্ৰক্ৰিয়াটোক কি বোলা হয়?
(A) সৌৰ বিকিৰণ।
(B) অ’জ’ন স্তৰৰ ক্ষয়।
(C) সেউজগৃহ প্ৰভাৱ।
(D) গোলকীয় ম্লানীকৰণ।
Answer: (C)

4. মানুহৰ কোনটো কাৰ্যকলাপৰ ফলত বায়ুমণ্ডলত কাৰ্বন ডাইঅক্সাইডৰ পৰিমাণ আটাইতকৈ বেছিকৈ বৃদ্ধি পায়?
(A) গছ ৰোৱা।
(B) চাইকেল চলোৱা।
(C) জীৱাশ্ম ইন্ধন দহন কৰা।
(D) সৌৰশক্তি উৎপাদন কৰা।
Answer: (C)

5. নিৰ্বনানীকৰণে গোলকীয় উষ্ণতা বৃদ্ধিত কেনেদৰে পোনপটীয়া প্ৰভাৱ পেলায়?
(A) ই অক্সিজেনৰ পৰিমাণ বঢ়ায়।
(B) ই কাৰ্বন ডাইঅক্সাইড শোষণ কৰা গছৰ সংখ্যা কমাই দিয়ে।
(C) ই পৃথিৱীৰ পৃষ্ঠভাগ ঠাণ্ডা কৰে।
(D) ই বৰষুণ বন্ধ কৰে।
Answer: (B)

6. জলবায়ু পৰিৱৰ্তন হ্ৰাস কৰিবলৈ তলৰ কোনটো এক সৰল ব্যক্তিগত পদক্ষেপ?)
(A) কোঠা এৰাৰ সময়ত লাইট জ্বলাই থোৱা।
(B) ৰাজহুৱা পৰিবহণ বা কাৰপুলিং ব্যৱহাৰ কৰা।
(C) ঘৰৰ পিছফালৰ গছ কটা।
(D) প্লাষ্টিকৰ আৱৰ্জনা জ্বলোৱা।
Answer: (B)

7. ভাৰতৰ কোনটো জলবায়ু অঞ্চলত প্ৰধানকৈ ঘন চিৰসেউজীয়া অৰণ্য পোৱা যায়?
(A) শুষ্ক মৰুভূমি।
(B) অৰ্ধ-শুষ্ক।
(C)পাৰ্বত্য।
(D) ক্ৰান্তীয় সেমেকা।
Answer: (D)

8. ‘অৰ্ধ-শুষ্ক’ জলবায়ু অঞ্চলৰ উদ্ভিদৰ প্ৰধান বৈশিষ্ট্য কি?
(A) ওখ পাইন গছ।
(B) ঘন চিৰসেউজীয়া অৰণ্য।
(C) কাঁইটীয়া জোপোহা আৰু ঘাঁহনি।
(D) মেংগ্ৰুভ।
Answer: (C)

9. পৃথিৱীৰ বায়ুমণ্ডল আৰু সাগৰৰ গড় উষ্ণতা লাহে লাহে আৰু ক্ৰমাগতভাৱে বৃদ্ধি পোৱা পৰিঘটনাক কি বোলে?
(A) বতৰৰ তাৰতম্য।
(B) জলবায়ু চক্ৰ।
(C) গোলকীয় উষ্ণতা বৃদ্ধি।
(D) তাপীয় বিলোমন।
Answer: (C)

10. তলৰ কোনটোৱে শক্তিশালী সেউজগৃহ গেছ ক্ল’ৰ’ফ্ল’ৰ’কাৰ্বন (CFC) নিৰ্গত কৰে?
(A) পৰম্পৰাগত খৰিৰ চৌকা।
(B) এয়াৰ কণ্ডিচনাৰ আৰু ৰেফ্ৰিজাৰেটৰ।
(C) বতাহ কল।
(D) চাইকেল।
Answer: (B)

11. গোলকীয় উষ্ণতা বৃদ্ধিৰ ফলত মেৰু অঞ্চলত কি প্ৰভাৱ পৰিছে?
(A) বৰফৰ তৰপ ডাঠ হৈছে ।
(B) অধিক বৰফ পৰিছে।
(C) হিমবাহ আৰু বৰফৰ আৱৰণ দ্ৰুতগতিত গলিছে।
(D) কোনো পৰিৱৰ্তন হোৱা নাই।
Answer: (C)

12. ‘বতৰ’ৰ পৰা ‘জলবায়ু’ কেনেকৈ পৃথক?
(A) জলবায়ু হ্ৰস্বম্যাদী; বতৰ দীৰ্ঘম্যাদী।
(B) জলবায়ুৱে দীৰ্ঘম্যাদী গড় অৱস্থাক বুজায়; বতৰ হ’ল দিনটোৰ অৱস্থা।
(C) দুয়োটাৰে অৰ্থ একেই।
(D) জলবায়ু কেৱল মৰুভূমিত প্ৰযোজ্য।
Answer: (B)

13. জলবায়ু পৰিৱৰ্তনে সাধাৰণতে কৃষি উৎপাদনত কেনেদৰে প্ৰভাৱ পেলায়?
(A)ই বিশ্বজুৰি শস্যৰ অধিক উৎপাদন নিশ্চিত কৰে।
(B) ইয়াৰ ফলত হোৱা অনিয়মীয়া বৰষুণ আৰু খৰাঙে শস্য উৎপাদনত বিৰূপ প্ৰভাৱ পেলায়।
(C) ই খেতিৰ সকলো কীট-পতংগ নাশ কৰে।
(D) কৃষিকাৰ্যত ইয়াৰ কোনো প্ৰভাৱ নাই।
Answer: (B)

14. গোলকীয় উষ্ণতা বৃদ্ধিৰ ফলত হোৱা সাগৰৰ জলপৃষ্ঠৰ উচ্চতা বৃদ্ধিৰ দ্বাৰা কোনবোৰ অঞ্চল আটাইতকৈ বেছি ভাবুকিৰ সন্মুখীন হৈছে।
(A) ওখ পৰ্বতমালাসজ্জা।
(B) ভিতৰুৱা মৰুভূমি।
(C) দ উপকূলীয় অঞ্চল আৰু দ্বীপসমূহ।
(D) ঘোৰ অৰণ্যৰ ভিতৰভাগ।
Answer: (C)

15. ভাৰতৰ ‘শুষ্ক মৰুভূমি’ জলবায়ু অঞ্চলৰ প্ৰধান বৈশিষ্ট্য হ’ল:
(A) অতি গৰম দিন, ঠাণ্ডা ৰাতি আৰু অতি কম বৰষুণ।
(B) গোটেই বছৰ ধাৰাষাৰ বৰষুণ।
(C) সেমেকা গ্ৰীষ্মকাল আৰু বৰফ পৰা শীতকাল।
(D) ঘন অৰণ্য।
Answer: (A)

Long Questions with Answers

1. সেউজগৃহ প্ৰভাৱৰ কাৰ্যপ্ৰণালী বুজাই লিখা আৰু ইয়াক গোলকীয় উষ্ণতা বৃদ্ধিৰ পৰা পৃথক কৰা।
Answer: সেউজগৃহ প্ৰভাৱ হৈছে এক প্ৰাকৃতিক প্ৰক্ৰিয়া য’ত পৃথিৱীৰ বায়ুমণ্ডলত থকা কিছুমান বিশেষ গেছে (যেনে কাৰ্বন ডাইঅক্সাইড আৰু মিথেন) পৃথিৱী পৃষ্ঠৰ পৰা বিকিৰিত হোৱা তাপক মহাকাশলৈ ঘূৰি যোৱাত বাধা দি আৱদ্ধ কৰি ৰাখে। এই প্ৰক্ৰিয়াটোৱেই পৃথিৱীখনক জীৱ জীয়াই থকাৰ বাবে প্ৰয়োজনীয় পৰিমাণৰ গৰম কৰি ৰাখে। আনহাতে, গোলকীয় উষ্ণতা বৃদ্ধি মানে হ’ল পৃথিৱীৰ গড় উষ্ণতাৰ অস্বাভাৱিক, দ্ৰুত আৰু ধাৰাবাহিক বৃদ্ধি। মানুহে অত্যাধিক মাত্ৰাত এই তাপ আৱদ্ধকাৰী গেছবোৰ নিৰ্গত কৰাৰ ফলত প্ৰাকৃতিক সেউজগৃহ প্ৰভাৱৰ তীব্ৰতা অতিমাত্ৰা বাঢ়ি যোৱাৰ পৰিণতিয়েই হ’ল গোলকীয় উষ্ণতা বৃদ্ধি।

2. জলবায়ু পৰিৱৰ্তনক ভয়ংকৰ কৰি তোলা প্ৰধান মানৱীয় কাৰ্যকলাপসমূহৰ বিষয়ে আলোচনা কৰা।
Answer: বৰ্তমানৰ দ্ৰুত জলবায়ু পৰিৱৰ্তনৰ মূল কাৰণ হৈছে মানুহৰ ঔদ্যোগিক আৰু উন্নয়নমূলক কাৰ্যকলাপসমূহ। ইয়াৰ ভিতৰত আটাইতকৈ প্ৰধান কাৰণটো হ’ল বিদ্যুৎ উৎপাদন, কল-কাৰখানা চলোৱা আৰু যান-বাহনৰ বাবে কয়লা, পেট্ৰ’লিয়াম আৰু প্ৰাকৃতিক গেছৰ দৰে জীৱাশ্ম ইন্ধনৰ নিৰন্তৰ দহন, যিয়ে বায়ুমণ্ডললৈ প্ৰচুৰ পৰিমাণে কাৰ্বন ডাইঅক্সাইড নিৰ্গত কৰে। দ্বিতীয়তে, ব্যাপক হাৰত হোৱা নিৰ্বনানীকৰণে কাৰ্বন ডাইঅক্সাইড শোষণ কৰা গছ-গছনিবোৰ চিৰদিনৰ বাবে ধ্বংস কৰিছে। তদুপৰি, আধুনিক কৃষিকৰ্ম, পশুপালন আৰু আৱৰ্জনাৰ অবৈজ্ঞানিক ব্যৱস্থাপনাই বায়ুমণ্ডললৈ মিথেন নামৰ এবিধ অতি শক্তিশালী সেউজগৃহ গেছ নিৰ্গত কৰি পৰিস্থিতি অধিক ভয়াৱহ কৰি তুলিছে।

3. বিশ্বৰ মহাসাগৰ আৰু উপকূলীয় অঞ্চলসমূহৰ ওপৰত গোলকীয় উষ্ণতা বৃদ্ধিৰ ভয়াৱহ প্ৰভাৱসমূহ বিতংভাৱে লিখা।
Answer: গোলকীয় উষ্ণতা বৃদ্ধিয়ে সাগৰ আৰু উপকূলীয় অঞ্চলবোৰত প্ৰলয়ংকাৰী প্ৰভাৱ পেলাইছে। পৃথিৱীৰ উষ্ণতা ক্ৰমাগতভাৱে বাঢ়ি যোৱাৰ লগে লগে এন্টাৰ্কটিকা আৰু গ্ৰীণলেণ্ডৰ বিশাল বৰফৰ স্তৰ তথা পাহাৰৰ হিমবাহবোৰ অতি দ্ৰুতগতিত গলিবলৈ ধৰিছে আৰু সেই প্ৰচুৰ পৰিমাণৰ পানী গৈ মহাসাগৰত পৰিছেহি। তদুপৰি, পানী গৰম হ’লে ইয়াৰ আয়তন বৃদ্ধি পায় (তাপীয় সম্প্ৰসাৰণ)। এই দুয়োটা কাৰণতে সাগৰৰ জলপৃষ্ঠ ভয়ংকৰভাৱে বাঢ়ি আহিছে। এই বৰ্ধিত পানীয়ে দ উপকূলীয় চহৰ আৰু দ্বীপসমূহ সম্পূৰ্ণৰূপে বুৰাই পেলোৱাৰ ভাবুকি কঢ়িয়াই আনিছে, উপকূলৰ তীব্ৰ খহনীয়াৰ সৃষ্টি কৰিছে, সাগৰীয় জীৱৰ আৱাসস্থল ধ্বংস কৰিছে আৰু কোটি কোটি মানুহক স্থানান্তৰিত হ’বলৈ বাধ্য কৰিছে।

4. জলবায়ু পৰিৱৰ্তনে কৃষি খণ্ড আৰু খাদ্য সুৰক্ষাত কেনেদৰে প্ৰভাৱ পেলায় বিশ্লেষণ কৰা।
Answer: কৃষি খণ্ডটো জলবায়ুৰ পৰিৱৰ্তনৰ প্ৰতি অতিশয় স্পৰ্শকাতৰ। জলবায়ু পৰিৱৰ্তনে বতৰৰ স্বাভাৱিক আৰু পৰিচিত চক্ৰ সলনি কৰি দিয়ে, যাৰ ফলত বৰষুণৰ বিতৰণ সম্পূৰ্ণ অনিয়মীয়া হৈ পৰে। এই অনিশ্চয়তাৰ বাবে কোনো কোনো অঞ্চলত দীঘলীয়া আৰু ভয়াৱহ খৰাং পৰিস্থিতিৰ সৃষ্টি হয়, আনহাতে আন কিছুমান অঞ্চলত অস্বাভাৱিক আৰু প্ৰলয়ংকাৰী বানপানী হয়; এই দুয়োটাই খেতি-বাতি সম্পূৰ্ণৰূপে ধ্বংস কৰে। তদুপৰি, চৰম গৰমে শস্য আৰু পশুধনৰ ওপৰত বিৰূপ প্ৰভাৱ পেলায়, আৰু পৰিৱৰ্তিত জলবায়ুৱে খেতিৰ অনিষ্টকাৰী কীট-পতংগ আৰু ৰোগক নতুন অঞ্চললৈ বিয়পিবলৈ সুবিধা কৰি দিয়ে। ফলস্বৰূপে, বিশ্বজুৰি কৃষি উৎপাদন মাৰাত্মকভাৱে হ্ৰাস পায়, যিয়ে সমগ্ৰ বিশ্বৰ খাদ্য সুৰক্ষাত চৰম সংকট মাতি আনে আৰু কৃষকসকলক অৰ্থনৈতিকভাৱে জুৰুলা কৰে।

5. গোলকীয় উষ্ণতা বৃদ্ধিৰ বিৰুদ্ধে যুঁজিবলৈ গছ ৰোৱাটোক কিয় এক প্ৰধান কৌশল হিচাপে তীব্ৰভাৱে সমৰ্থন কৰা হয়?
Answer: গোলকীয় উষ্ণতা বৃদ্ধি ৰোধ কৰাৰ বাবে গছ ৰোৱাটো এক অতি কাৰ্যকৰী আৰু প্ৰাকৃতিক উপায়, কাৰণ গছ-গছনিয়ে প্ৰাকৃতিক “কাৰ্বন ছিংক” বা কাৰ্বন শোষক হিচাপে কাম কৰে। সালোক সংশ্লেষণ নামৰ জৈৱিক প্ৰক্ৰিয়াৰ জৰিয়তে খাদ্য প্ৰস্তুত কৰোঁতে গছ-গছনিয়ে বায়ুমণ্ডলৰ পৰা আটাইতকৈ বেছি পৰিমাণত থকা সেউজগৃহ গেছ কাৰ্বন ডাইঅক্সাইড শোষণ কৰি লয়। সিহঁতে কাৰ্বনখিনি নিজৰ ডাল, পাত আৰু শিপাত আৱদ্ধ কৰি ৰাখে আৰু একে সময়তে আমাৰ প্ৰাণদায়ক অক্সিজেন গেছ বায়ুমণ্ডললৈ এৰি দিয়ে। সেয়েহে, ব্যাপক হাৰত গছ ৰুলে বায়ুমণ্ডলত আৱদ্ধ হৈ থকা তাপ ধৰি ৰখা গেছৰ পৰিমাণ পোনপটীয়াকৈ হ্ৰাস পায়, যিয়ে পৃথিৱীখনক ঠাণ্ডা কৰাত আৰু পাৰিপাৰ্শ্বিক ভাৰসাম্য ঘূৰাই অনাত সক্ৰিয়ভাৱে সহায় কৰে।