ষষ্ঠ শ্ৰেণী বিজ্ঞান অধ্যায় ৪ – খাদ্যৰ পৰিষ্কৰণ – সম্পূৰ্ণ পাঠ্যভিত্তিক সমাধান | AJB
ষষ্ঠ শ্ৰেণী বিজ্ঞান অধ্যায় ৪ – খাদ্যৰ পৰিষ্কৰণ সম্পূৰ্ণ পাঠ্যভিত্তিক প্ৰশ্নোত্তৰ আৰু সমাধান (AJB)
ষষ্ঠ শ্ৰেণীৰ বিজ্ঞান (Science) পাঠ্যক্ৰমৰ চতুৰ্থ অধ্যায় ‘খাদ্যৰ পৰিষ্কৰণ’ এখন অতি গুৰুত্বপূৰ্ণ পাঠ। অসম জাতীয় বিদ্যালয় (AJB) ৰ নতুন পাঠ্যক্ৰমৰ আধাৰত এই অধ্যায়ৰ সম্পূৰ্ণ পাঠ্যভিত্তিক প্ৰশ্নোত্তৰ (Class 6 Science Chapter 4 Textual Question Answer) প্ৰস্তুত কৰা হৈছে। এই বিশেষ সংকলনটিত পাঠভিত্তিক অতি চমু প্ৰশ্ন, চমু প্ৰশ্ন, দীঘলীয়া প্ৰশ্ন, অতিৰিক্ত প্ৰশ্ন (Additional Questions), আৰু MCQ পুংখানুপুংখভাৱে অন্তৰ্ভুক্ত কৰা হৈছে। অস্পীন একেডেমী (Ospin Academy) ত এই সমাধানসমূহ সহজ, নিৰ্ভুল আৰু সম্পূৰ্ণ পৰীক্ষামুখীভাৱে উপলব্ধ কৰোৱা হৈছে।
‘খাদ্যৰ পৰিষ্কৰণ’ নামৰ এই পাঠটিত খাদ্যবস্তুৰ পৰা অপ্ৰয়োজনীয় আৰু ক্ষতিকাৰক পদাৰ্থসমূহ পৃথক কৰাৰ বিভিন্ন পদ্ধতি যেনে— হাতেৰে বাছি উলিওৱা, জৰা, চালনীৰে চলা, চেকা আদি প্ৰক্ৰিয়াসমূহৰ বিষয়ে বিস্তাৰিতভাৱে বৰ্ণনা কৰা হৈছে। ছাত্ৰ-ছাত্ৰীসকলৰ বাবে এই পাঠৰ মূল বিষয়বস্তু বুজি পোৱাটো অতি প্ৰয়োজনীয়। আমাৰ এই পাঠ্যভিত্তিক সমাধানত (Textual Solutions) কেৱল পাঠ্যপুথিৰ অনুশীলনীৰ প্ৰশ্নসমূহেই নহয়, বৰঞ্চ পৰীক্ষাত আহিব পৰা অতিৰিক্ত গুৰুত্বপূৰ্ণ প্ৰশ্ন-উত্তৰসমূহো সামৰি লোৱা হৈছে যাতে ছাত্ৰ-ছাত্ৰীসকলে সুন্দৰভাৱে প্ৰস্তুতি চলাব পাৰে।
এই পাঠ্যভিত্তিক সমাধানৰ পৰা আপুনি কি কি শিকিব আৰু পাব:
- খাদ্যৰ পৰিষ্কৰণ পাঠৰ মূল বিষয়বস্তু আৰু পদাৰ্থ পৃথকীকৰণ পদ্ধতিসমূহৰ সৰল আলোচনা।
- পাঠভিত্তিক অনুশীলনীৰ সকলো প্ৰশ্নৰ নিৰ্দোষ আৰু মান্য উত্তৰ।
- খাদ্য পৰিষ্কাৰ কৰি ৰখাৰ প্ৰয়োজনীয়তাৰ সঠিক বিশ্লেষণ।
- নতুন পাঠ্যক্ৰমৰ আৰ্হি অনুসৰি গুৰুত্বপূৰ্ণ অতিৰিক্ত প্ৰশ্নসমূহৰ (Additional Questions) লগতে শেহতীয়া আৰ্হিৰ MCQ প্ৰশ্নৰ সমাধান।
অস্পীন একেডেমীৰ এই প্ৰশ্নোত্তৰসমূহৰ বিশেষ সুবিধা:
- শেহতীয়া AJB নতুন পাঠ্যক্ৰমৰ আধাৰত প্ৰস্তুত কৰা সম্পূৰ্ণ পাঠ্যভিত্তিক সমাধান।
- ১০০% নিৰ্ভুল আৰু ছাত্ৰ-ছাত্ৰীয়ে মুখস্থ কৰিবলৈ সহজ হোৱাকৈ সৰল অসমীয়া ভাষাত লিখা উন্নত মানৰ নোটছ (Class 6 Science Notes)।
- পৰীক্ষাৰ পূৰ্বে দ্ৰুত ৰিভিজনৰ (Quick Revision) বাবে বিশেষভাৱে যুগুতোৱা সহজ-সৰল উত্তৰ।
- এই অধ্যায়ৰ পৰা পৰীক্ষাত আহিব পৰা অতিৰিক্ত গুৰুত্বপূৰ্ণ প্ৰশ্নৰ বিশেষ সংকলন।
ছাত্ৰ-ছাত্ৰীসকলৰ শৈক্ষিক উত্তৰণৰ প্ৰতি লক্ষ্য ৰাখি অস্পীন একেডেমীয়ে এই বিশেষ পাঠ্যভিত্তিক সমাধান আগবঢ়াইছে। আপোনাৰ পৰীক্ষাৰ প্ৰস্তুতি এতিয়াই আৰম্ভ কৰক আৰু বিজ্ঞান বিষয়ত সৰ্বোচ্চ নম্বৰ লাভ কৰাৰ দিশত আগবাঢ়ক।
Class 6 বিজ্ঞান (Science) Textbook Solutions & MCQs | AJB New Syllabus
New Updated Version!
According to Latest AJB New Syllabus & Updated Book
Get comprehensive preparation for Class 6 বিজ্ঞান (Science) with this complete Textual Solution & MCQs package.
Includes Chapter-wise textbook solutions, additional Q&A, and MCQs precisely structured as per the latest Assam Jatiya Bidyalay (AJB) syllabus and new version of the book.
Perfect for building a strong foundation and mastering your school assessments! Download as an easy-to-use ZIP file.
অসম জাতীয় বিদ্যালয়, ষষ্ঠ শ্ৰেণী: বিজ্ঞান
খাদ্যৰ পৰিষ্কৰণ
পাঠভিত্তিক প্রশ্নোত্তৰ
১ । খালী ঠাঁই পূৰ কৰাঁ।
(a) মিশ্রত থকা প্রতিবিধ বস্তুৱেই হ’ল ইয়াৰ ____।
উত্তৰঃ মিশ্রত থকা প্রতিবিধ বস্তুৱেই হ’ল ইয়াৰ উপাদান।
(b) অক্সিজেন, নাইট্র’জেন আদি গেছৰ মিশ্রন হ’ল ____।
উত্তৰঃ অক্সিজেন, নাইট্র’জেন আদি গেছৰ মিশ্রন হ’ল বায়ু।
২ । ঘেঁহুৰ বাকলি আৰু আটা কি পদ্ধতিত পৃথক কৰিব পাৰি?
উত্তৰঃ আটাখিনি এখন মিহি চালনীৰ সহায়ত চালি ল’লে, আটাৰ গুড়িবোৰ সৰকি গৈ তলত জমা হয় আৰু ঘেঁহুৰ বাকলিবোৰ চালনীত থাকি যায়। এনেদৰেই আটাৰ পৰা ঘেঁহুৰ বাকলি পৃথক কৰা হয়।
২। মিশ্র কি?
উত্তৰঃ দুবিধ বা তাতোকৈ অধিক পদাৰ্থ একেলগে মিহলি হৈ থকা অৱস্থাকে মিশ্ৰ বুলি কোৱা হয়।
৩। ঘৰত শাক-পাচলিৰ খেতি কৰোঁতে মাটিত থকা শিলৰ টুকুৰাবোৰ কেনেদৰে আঁতৰ কৰিবা?
উত্তৰঃ শাক-পাচলিৰ খেতি আৰম্ভ কৰাৰ পূৰ্বে মাটিখিনি ভালদৰে চাঁহ কৰি ল’ব লাগে। এনে কৰিলে মাটিত সোমাই থকা শিলৰ টুকুৰাবোৰ ওপৰলৈ ওলাই আহে। তাৰ পাছত আমি সহজে মাটিৰ পৰা সেই শিলবোৰ বাছি আঁতৰাই পেলাব পাৰোঁ।
৫। পানী আৰু চেনিৰ দ্ৰৱৰ পৰা উপাদানবোৰ কেনেকৈ পৃথক কৰিবা?
উত্তৰঃ পানী আৰু চেনিৰ মিশ্ৰণৰ পৰা আমি উপাদান দুবিধ বেলেগ কৰিব পাৰোঁ। ইয়াৰ বাবে এটা পৰীক্ষা তলত উল্লেখ কৰা হ’ল।
প্ৰথমে এটা পাত্ৰত অলপ পানী লৈ তাত দুচামুচমান চেনি দি ভালদৰে মিহলাই লোৱা হ’ল। চেনিখিনি পানীত সম্পূৰ্ণৰূপে দ্ৰৱীভূত হৈ যাব। তাৰ পাছত চেনি মিহলি পানীৰ পাত্ৰটো জুইৰ ওপৰত থৈ দিয়া হ’ল। জুইৰ তাপত লাহে লাহে পানীখিনি ভাপলৈ ৰূপান্তৰিত হৈ উৰি যাব। কিন্তু চেনিখিনি পাত্ৰটোৰ তলিত ৰৈ যাব।
এনেদৰে পানী আৰু চেনিৰ মিশ্ৰণৰ পৰা উপাদান দুটা পৃথক কৰিব পাৰি।
৬। সাগৰৰ পানীৰ পৰা কিদৰে নিমখ আহৰণ কৰা হয় চমুকৈ লিখাঁ।
উত্তৰঃ সাগৰৰ পানীৰ সোৱাদ লুণীয়া। নিমখ আহৰণ কৰিবলৈ প্ৰথমে সাগৰৰ পাৰত গাঁত খান্দি তাত সাগৰৰ পানী আৱদ্ধ কৰি ৰখা হয়। পৰৱৰ্তী সময়ত সূৰ্যৰ তাপত পানীখিনি ভাপ হৈ উৰি যোৱাৰ পাছত গাঁতবোৰত কেৱল নিমখখিনি ৰৈ যায়। তাৰ পাছত সেই নিমখ পৰিষ্কাৰ আৰু শোধন কৰি খোৱাৰ উপযোগী কৰি তোলা হয়।
৭। ময়দা-লোৰ গুডিৰ মিশ্ৰৰ পৰা লোৰ গুড়ি কিদৰে পৃথক কৰিবা?
উত্তৰঃ ময়দা আৰু লোৰ গুড়িৰ মিশ্ৰণখিনি এখন পৰিষ্কাৰ বগা কাগজত লৈ লোৱা হ’ল। তাৰ পাছত এডাল চুম্বকৰ সহায়ত মিশ্ৰণখিনিৰ ওপৰত অলপ সময় ঘূৰাই থাকিলে লোৰ গুড়িবোৰ আহি চুম্বকডালত লাগি ধৰিব। এনে পদ্ধতিৰে ময়দা আৰু লোৰ গুড়িৰ মিশ্ৰণৰ পৰা লোৰ গুড়িখিনি পৃথক কৰিব পাৰি।
৮ । যি পদ্ধতিৰে গেছীয় পদার্থক জুলীয়া অৱস্থালৈ পৰিৱৰ্তন কৰা হয়, সেই পদ্ধতিটোক কি বোলে?
উত্তৰঃ যি প্ৰক্ৰিয়াৰ জৰিয়তে কোনো গেছীয় পদাৰ্থক জুলীয়া অৱস্থালৈ ৰূপান্তৰ কৰা হয়, তাক ঘণীভৱন (condensation) প্ৰক্ৰিয়া বুলি কোৱা হয়।
৯ । শস্যৰ লগত বিভিন্ন অলাগতিয়াল পদার্থ মিহলি হৈ থাকিলে কিদৰে পৃথক কৰিবা?
উত্তৰঃ সাধাৰণতে শস্যৰ লগত নানা ধৰণৰ অলাগতিয়াল বস্তু মিহলি হৈ থাকে। আমি কেইবাটাও পদ্ধতি অৱলম্বন কৰি এইবোৰ পৃথক কৰিব পাৰোঁ।
জৰা পদ্ধতি (winnowing): শস্যবোৰ কুলাৰ সহায়ত জাৰিলে বতাহৰ কোবত পাতল অলাগতিয়াল পদাৰ্থবোৰ উৰি গৈ আঁতৰি যায়।
আকৌ, শস্যত মিহলি হৈ থকা ডাঙৰ আকাৰৰ অলাগতিয়াল বস্তুবোৰ চালনীৰে চালি সহজে পৃথক কৰিব পাৰি।
১০ । মৰণা মৰা আৰু জৰা পদ্ধতি উদাহৰণৰ সৈতে ব্যাখ্যা কৰাঁ।
উত্তৰঃ মৰণা মৰা পদ্ধতিঃ খেতিয়কসকলে পথাৰৰ পৰা ধান, ঘেঁহু, সৰিয়হ আদি শস্যবোৰ আধা অংশত কাটি মুঠি বান্ধি লয়। তাৰ পাছত এই মুঠিবোৰ চোতালত ঘূৰণীয়াকৈ পাৰি লৈ তাৰ ওপৰেৰে গৰু বা ম’হ ঘূৰোৱা হয়। গৰু বা ম’হৰ ভৰিৰ গছকত শস্যৰ গুটিবোৰ গছৰ পৰা এৰাই পৰে। এই প্ৰক্ৰিয়াটোকেই মৰণা মৰা বুলি কোৱা হয়।
জৰা পদ্ধতিঃ শস্যৰ লগত প্ৰায়েই বিভিন্ন পাতল আৰু অলাগতিয়াল বস্তু মিহলি হৈ থাকে। উদাহৰণস্বৰূপে, ধানৰ লগত পতান আৰু তুঁহ মিহলি হৈ থাকে। কুলাৰ সহায়ত ধানখিনি জাৰিলে বতাহৰ ফলত এই পতান আৰু তুঁহবোৰ উৰি গৈ ধানৰ পৰা আঁতৰি যায়।
১১ । দৈনন্দিন জীবনত ছেকন-পদ্ধতিৰ ব্যৱহাৰৰ উদাহৰণ দিয়া।
উত্তৰঃ পানী আমাৰ জীৱনৰ আধাৰ। পানী নহ’লে আমি বৰ্তি থাকিব নোৱাৰোঁ। কিন্তু প্ৰকৃতিৰ পৰা পোৱা পানীত প্ৰায়েই বিভিন্ন অপকাৰী আৰু বিষাক্ত উপাদান মিহলি হৈ থাকে। আমি ফিল্টাৰ ব্যৱহাৰ কৰি পানীৰ পৰা এই বীজাণু আৰু লেতেৰা পদাৰ্থবোৰ আঁতৰাব পাৰোঁ। ফিল্টাৰৰ সহায়ত পানী পৰিষ্কাৰ কৰাৰ এই পদ্ধতিটোকেই ছেকন পদ্ধতি বুলি জনা যায়।
১২ । নিমখ-পানীৰপৰা কেনেকৈ নিমখ আৰু পানী পৃথক কৰি সংগ্ৰহ কৰিবা লিখা।
উত্তৰঃ ঘণীভৱন (condensation) পদ্ধতি প্ৰয়োগ কৰি নিমখ আৰু পানীৰ মিশ্ৰণৰ পৰা নিমখ আৰু পানী দুয়োটাকে বেলেগে বেলেগে আহৰণ কৰিব পাৰি। প্ৰথমে নিমখ-পানীৰ মিশ্ৰণটো গৰম কৰিব লাগিব, তেতিয়া ইয়াৰ পানীখিনি জলীয় বাষ্পলৈ ৰূপান্তৰিত হ’ব। তাৰ পাছত এই বাষ্পবোৰক চেঁচা কৰিলে ই পুনৰ পানীলৈ পৰিৱৰ্তিত হ’ব।
এইদৰে বাষ্পখিনি ঘণীভূত হৈ টোপাল টোপাল পানীৰূপে আন এটা পাত্ৰত জমা হ’ব। আনহাতে, নিমখখিনি প্ৰথম পাত্ৰটোতেই ৰৈ যাব। এনেদৰেই নিমখ আৰু পানী দুয়োটাকে পৃথকভাৱে পাব পাৰি।
১৩। পৰিস্ৰাৱণ কি?
উত্তৰঃ পানীৰ লগত মাটি মিহলি হ’লে পানীখিনি ঘোলা আৰু লেতেৰা হৈ পৰে। এই মাটি মিহলি পানীখিনি এখন ফিল্টাৰ কাগজৰ মাজেৰে পাৰ হ’বলৈ দিলে, পানীখিনি সৰকি গৈ তলত জমা হয়। আনহাতে, মাটিৰ কণিকাবোৰ ফিল্টাৰ কাগজখনতে ৰৈ যায়। পানী পৰিষ্কাৰ কৰাৰ এই পদ্ধতিটোক পৰিস্ৰাৱণ বুলি কোৱা হয়।
