সপ্তম শ্ৰেণী সমাজ বিজ্ঞান অধ্যায় ১৪ – ভাৰতবৰ্ষৰ সংস্কৃতিৰ ক্ষেত্ৰলৈ মােগলসকলৰ অৱদান – সম্পূৰ্ণ পাঠ্যভিত্তিক প্ৰশ্নোত্তৰ আৰু অতিৰিক্ত সমাধান | শংকৰদেৱ শিশু বিদ্যা নিকেতন (Sankardev Sishu Vidya Niketan)
সপ্তম শ্ৰেণী সমাজ বিজ্ঞান অধ্যায় ১৪ – ভাৰতবৰ্ষৰ সংস্কৃতিৰ ক্ষেত্ৰলৈ মােগলসকলৰ অৱদান সম্পূৰ্ণ পাঠ্যভিত্তিক প্ৰশ্নোত্তৰ আৰু সমাধান (Sankardev Sishu Vidya Niketan – SVN)
শংকৰদেৱ শিশু বিদ্যা নিকেতনৰ (SVN) সপ্তম শ্ৰেণীৰ সমাজ বিজ্ঞান পাঠ্যক্ৰমৰ চতুৰ্দশ অধ্যায় হ’ল ‘ভাৰতবৰ্ষৰ সংস্কৃতিৰ ক্ষেত্ৰলৈ মােগলসকলৰ অৱদান’। নতুন পাঠ্যক্ৰমৰ আধাৰত ছাত্ৰ-ছাত্ৰীসকলৰ সুবিধাৰ বাবে এই অধ্যায়ৰ সম্পূৰ্ণ পাঠ্যভিত্তিক প্ৰশ্নোত্তৰ, অতিৰিক্ত প্ৰশ্ন আৰু MCQ সমাধান (Class 7 Social Science Chapter 14 Question Answers) প্ৰস্তুত কৰা হৈছে। এই বিশেষ সংকলনটিত পাঠভিত্তিক অতি চমু প্ৰশ্ন (VSA), চমু প্ৰশ্ন (Short Questions), দীঘলীয়া প্ৰশ্ন (Long Answers), আৰু খালী ঠাই পূৰণ আদিৰ পুংখানুপুংখ সমাধান অন্তৰ্ভুক্ত কৰা হৈছে। অস্পীন একেডেমী (Ospin Academy) ত এই সমাধানসমূহ সহজ, নিৰ্ভুল আৰু সম্পূৰ্ণ পৰীক্ষামুখীভাৱে উপলব্ধ কৰোৱা হৈছে।
‘ভাৰতবৰ্ষৰ সংস্কৃতিৰ ক্ষেত্ৰলৈ মােগলসকলৰ অৱদান’ নামৰ এই গুৰুত্বপূৰ্ণ পাঠটিত মধ্যযুগীয় মুঘল শাসনকালত ভাৰতীয় সংস্কৃতি, স্থাপত্য (যেনে- তাজমহল, লালকিল্লা, ফতেহপুৰ চিক্ৰী আদি), চিত্ৰকলা, সংগীত, সাহিত্য, সাজ-পোছাক আৰু খাদ্যাভ্যাসলৈ মুঘল সম্ৰাটসকলৰ অমূল্য অৱদান সম্পৰ্কে বিশদভাৱে আলোচনা কৰা হৈছে। নিকেতনৰ পৰীক্ষাৰ্থীসকলৰ বাবে এই পাঠৰ ঐতিহাসিক তথ্যসমূহ স্পষ্টভাৱে বুজি পোৱাটো অতি প্ৰয়োজনীয়। আমাৰ এই সমাধানত কেৱল পাঠ্যপুথিৰ অনুশীলনীৰ প্ৰশ্নসমূহেই নহয়, বৰঞ্চ পৰীক্ষাত আহিব পৰা অতিৰিক্ত গুৰুত্বপূৰ্ণ প্ৰশ্ন-উত্তৰসমূহো সামৰি লোৱা হৈছে যাতে ছাত্ৰ-ছাত্ৰীসকলে সুন্দৰভাৱে প্ৰস্তুতি চলাব পাৰে।
এই পাঠ্যভিত্তিক সমাধানৰ পৰা আপুনি কি কি শিকিব আৰু পাব:
- মুঘল যুগত গঢ়ি উঠা বিশ্ববিখ্যাত স্থাপত্য আৰু শিল্পকলাৰ চমু পৰিচয়।
- মুঘল শাসনকালত সাহিত্য, চিত্ৰকলা আৰু সংগীতৰ বিকাশ আৰু তাৰ গুৰুত্ব।
- ভাৰতীয় সংস্কৃতিৰ ওপৰত মুঘল সংস্কৃতিৰ প্ৰভাৱ আৰু সংমিশ্ৰণৰ ধাৰণা।
- ১ নম্বৰৰ অতি চমু প্ৰশ্ন (VSA objective type) আৰু ২-৩ নম্বৰৰ চমু প্ৰশ্নৰ পৰীক্ষাত লিখিব পৰা নিৰ্দোষ উত্তৰ।
- নতুন পাঠ্যক্ৰমৰ আৰ্হি অনুসৰি গুৰুত্বপূৰ্ণ অতিৰিক্ত প্ৰশ্নসমূহৰ লগতে শেহতীয়া আৰ্হিৰ MCQ প্ৰশ্নৰ সমাধান।
অস্পীন একেডেমীৰ এই প্ৰশ্নোত্তৰসমূহৰ বিশেষ সুবিধা:
- শংকৰদেৱ শিশু বিদ্যা নিকেতনৰ নতুন পাঠ্যক্ৰমৰ আধাৰত প্ৰস্তুত কৰা সম্পূৰ্ণ পাঠ্যভিত্তিক সমাধান।
- ১০০% নিৰ্ভুল আৰু ছাত্ৰ-ছাত্ৰীয়ে বুজি পাবলৈ সহজ হোৱাকৈ সৰল অসমীয়া ভাষাত লিখা উন্নত মানৰ নোটছ (Class 7 Social Science Notes).
- পৰীক্ষাৰ পূৰ্বে দ্ৰুত ৰিভিজনৰ (Quick Revision) বাবে বিশেষভাৱে যুগুতোৱা সহজ-সৰল উত্তৰ।
- মুঘল সংস্কৃতি আৰু স্থাপত্য সম্পৰ্কীয় গুৰুত্বপূৰ্ণ ঘটনাসমূহৰ সৰল প্ৰতিৰূপ।
ছাত্ৰ-ছাত্ৰীসকলৰ শৈক্ষিক উত্তৰণৰ প্ৰতি লক্ষ্য ৰাখি অস্পীন একেডেমীয়ে এই বিশেষ পাঠ্যভিত্তিক সমাধান আগবঢ়াইছে। আপোনাৰ বিদ্যালয় পৰীক্ষাৰ প্ৰস্তুতি এতিয়াই আৰম্ভ কৰক আৰু সমাজ বিজ্ঞান বিষয়ত সৰ্বোচ্চ নম্বৰ লাভ কৰাৰ দিশত আগবাঢ়ক।
Class 7 Social Science (সমাজ বিজ্ঞান) Textbook Solutions & MCQs | SVN New Syllabus
New Updated Version!
According to Latest Sankardev Sishu Vidya Niketan (SVN) New Syllabus & Updated Book
Get comprehensive preparation for Class 7 Social Science (সমাজ বিজ্ঞান) with this complete Textual Solution & MCQs package.
Includes Chapter-wise textbook solutions, additional Q&A, and MCQs precisely structured as per the latest SVN syllabus and new book.
Perfect for building a strong foundation and mastering your school assessments! Download as an easy-to-use ZIP file.
শংকৰদেৱ বিদ্যা নিকেতন, সপ্তম শ্ৰেণী: সমাজ বিজ্ঞান
ভাৰতবৰ্ষৰ সংস্কৃতিৰ ক্ষেত্ৰলৈ মোগলসকলৰ অৱদান
পাঠভিত্তিক প্রশ্নোত্তৰ
১। চমু উত্তৰ দিয়া:
(ক) চম্বলৰ জুমা মছজিদ কোনে নিৰ্মাণ কৰাইছিল?
উত্তৰঃ বাবৰে।
(খ) দিন পানাহৰ নিৰ্মাণকাৰ্য কোনজনা সম্ৰাটে কৰাইছিল?
উত্তৰঃ হুমায়ুনে।
(গ) ফতেহপুৰ চিক্ৰীৰ নিৰ্মাণৰ আঁচনি কোনজন সম্ৰাটে কৰিছিল?
উত্তৰঃ আকবৰে।
(ঘ) ময়ূৰ সিংহাসন তৈয়াৰ কৰা কাৰিকৰজনৰ নাম কি?
উত্তৰঃ বেবদল খাঁ।
(ঙ) তাজমহল কোন নদীৰ পাৰত অৱস্থিত?
উত্তৰঃ যমুনা নদীৰ পাৰত অৱস্থিত।
(চ) লালকিল্লা কোনে সজাইছিল?
উত্তৰঃ ছাহজাহানে।
২। খালী ঠাই পূৰ কৰা:
(ক) পানিপথৰ কাবুলবাগ আৰু চম্বলৰ জুমা মছজিদ বাবৰৰ স্থাপত্য প্ৰেমৰ নিদৰ্শন।
(খ) হুমায়ুনে পাৰ্ছিয়ান আৰ্হিৰ কেইবাটাও অট্টালিকা নিৰ্মাণ কৰোৱাইছিল।
(গ) আফগান নেতা শ্বেৰশ্বাহেও ভাৰতীয় স্থাপত্য-ভাস্কৰ্যলৈ অভূতপূৰ্ব বৰঙণি আগবঢ়াইছিল।
(ঘ) জাহাংগীৰ এজন ভাল চিত্ৰকৰ আৰু চিত্ৰ সমালোচক আছিল।
(ঙ) সংগীত ভাৰতীয় শিল্পকলাৰ এক অবিচ্ছেদ্য অংগ।
(চ) ভাৰতবৰ্ষ এখন ধৰ্মনিৰপেক্ষ দেশ।
৩। উত্তৰ দিয়া (৫০টামান শব্দৰ ভিতৰত):
(ক) আকবৰৰ সময়ৰ স্থাপত্য কলা:
উত্তৰঃ বহুমুখী প্ৰতিভাৰ অধিকাৰী আকবৰে স্থাপত্য কলাৰ দিশত বহুখিনি অৱদান আগবঢ়াই গৈছে। উদাৰ দৃষ্টিভংগীৰ আকবৰ ইছলাম ধৰ্মাৱলম্বী হ’লেও তেওঁ হিন্দু আৰু আন ধৰ্ম-সংস্কৃতিক সমদৃষ্টিৰে চাইছিল। তেওঁৰ সময়ৰ স্থাপত্য কৃতিবোৰত হিন্দু আৰু আন স্থানীয় শৈলীৰ প্ৰভাৱ দেখা যায়। তেওঁৰ পৃষ্ঠপোষকতাত নিৰ্মিত স্থাপত্যসমূহত পাৰ্ছী, জৈন, বৌদ্ধ আৰু হিন্দু শিল্পৰ স্পষ্ট প্ৰভাৱ দেখা যায়। ফতেহপুৰ চিক্ৰী, লাহোৰ আৰু আগ্ৰা দুৰ্গকে ধৰি ভালেমান অট্টালিকাৰ আঁচনি আকবৰে নিজেই তৈয়াৰ কৰিছিল। বিশেষকৈ ফতেহপুৰ চিক্ৰীত সকলো সংস্কৃতিৰ এক অপূৰ্ব সমন্বয় পৰিলক্ষিত হয়। উত্তৰ প্ৰদেশৰ আগ্ৰাৰ ওচৰৰ ছিকান্দ্ৰাত অৱস্থিত আকবৰৰ সমাধি নামেৰে বিখ্যাত স্মৃতিসৌধটোৰ কাম আকবৰেই আৰম্ভ কৰিছিল আৰু তেওঁ বহুখিনি কাম সম্পূৰ্ণও কৰিছিল। ১৬০৫ চনত তেওঁৰ মৃত্যু হোৱাত তেওঁক ইয়াতে সমাধিস্থ কৰা হয় আৰু পুত্ৰ জাহাংগীৰে সমাধিসৌধৰ বাকীখিনি কাম সম্পূৰ্ণ কৰে।
(খ) মোগল যুগৰ স্থাপত্য কলালৈ ছাহজাহানৰ বৰঙণি:
উত্তৰঃ মোগল যুগৰ স্থাপত্য কলালৈ ছাহজাহানে অতুলনীয় বৰঙণি আগবঢ়াইছিল। স্থাপত্যবিদসকলে তেওঁক ‘স্থাপত্য শিল্পৰ ৰাজপুত্ৰ’ বুলি অভিহিত কৰিছে। উল্লেখযোগ্য যে তেওঁৰ ৰাজত্বৰ আগৰ মোগল স্থাপত্যতকৈ তেওঁৰ দিনত নিৰ্মিত স্থাপত্যৰ পাৰ্থক্য দেখা যায়। ছাহজাহানৰ পৃষ্ঠপোষকতাত নিৰ্মিত স্থাপত্যসমূহত নান্দনিক সৌন্দৰ্যৰ ওপৰত অধিক জোৰ দিয়া হৈছিল। অট্টালিকাসমূহত কুন্দতকটা কাৰুকাৰ্য ফুটাই তুলিবলৈ সোণ, ৰূপ, বগা মাৰ্বল পাথৰ, মণি-মুকুতা আদি ব্যৱহাৰ কৰা হৈছিল। আগ্ৰাৰ যমুনা নদীৰ পাৰত সজা তাজমহল ছাহজাহানৰ শিল্প প্ৰীতিৰ শ্ৰেষ্ঠ নিদৰ্শন। তাজমহলৰ উপৰি তেওঁ দিল্লীৰ লালকিল্লা, মুছাম্মান বুৰ্জ (আগ্ৰা ফ’ৰ্ট), মতি মছজিদ, আউলিয়াৰ সৌধ, জামা মছজিদ আদি নিৰ্মাণ কৰোৱাইছিল। ‘ছাহজাহানবাদ’ নামেৰে এখন নগৰীও তেওঁ নিৰ্মাণ কৰাইছিল। এনেবোৰ কামৰ মাজেৰে ছাহজাহানে মোগল যুগৰ স্থাপত্য কলালৈ অতুলনীয় বৰঙণি আগবঢ়াইছিল।
(গ) মোগল চিত্ৰকলা:
উত্তৰঃ মোগল চিত্ৰকলাই ভাৰতীয় সংস্কৃতিক অন্য এক মাত্ৰা দিছিল। মোগল চিত্ৰশৈলীত পাৰ্ছিয়ান আৰু ইউৰোপীয় শৈলীৰ সমন্বয় ঘটি এক নতুন আৰু সুকীয়া দৃষ্টিনন্দন শৈলীৰ জন্ম হৈছিল। মোগল শাসকসকল সদায়েই প্ৰকৃতিপ্ৰেমী আছিল। বাবৰে তেওঁৰ দিনত চিত্ৰকৰসকলক প্ৰকৃতিক ভিত্তি কৰি চিত্ৰ অংকনত গুৰুত্ব দিবলৈ পৰামৰ্শ দিছিল। চিত্ৰপ্ৰেমী হুমায়ুনে পাৰস্যৰ দুজন শিল্পী মতাই আনি প্ৰকৃতি বিষয়ক কেইবাখনো মূল্যৱান চিত্ৰ অংকন কৰোৱাইছিল। মোগল চিত্ৰকলাৰ চৰম উৎকৰ্ষ সাধন হৈছিল সম্ৰাট জাহাংগীৰৰ শাসনকালত। তেওঁ নিজে এজন ভাল চিত্ৰকৰ আৰু চিত্ৰ সমালোচক আছিল। এওঁৰ দিনত ক্ষুদ্ৰ চিত্ৰশিল্প (miniature painting)-ই বিশেষ সমাদৰ লাভ কৰিছিল। জাহাংগীৰে চিত্ৰকলাসমূহত কল্পনাৰ পৰিৱৰ্তে বাস্তৱক ফুটাই তুলিবলৈ চিত্ৰকৰসকলক দিহা-পৰামৰ্শ দিছিল। উল্লেখযোগ্য যে মোগল চিত্ৰকলাত অভিজাত শ্ৰেণীটোকহে গুৰুত্ব দিয়া হৈছিল, সাধাৰণ শ্ৰেণীৰ জীৱন তাত প্ৰতিফলিত হোৱা নাছিল।
(ঘ) মোগল যুগৰ সংগীত:
উত্তৰঃ মোগল যুগত সংগীতৰ স্থান অতি উচ্চ আছিল। বাবৰ, হুমায়ুনৰ দিনৰপৰাই মধ্য যুগৰ সংগীতে ৰাজপৃষ্ঠপোষকতা লাভ কৰিছিল। সম্ৰাট আকবৰৰ ৰাজসভা কেইবাজনো সংগীতজ্ঞই শুৱনি কৰিছিল। এওঁলোকৰ ভিতৰত অতিকে প্ৰখ্যাত আছিল তানসেন। ছাহজাহানৰ ৰাজত্বকালত জগন্নাথ আৰু জনাৰ্দন ভট্ট নামৰ দুজন নামজ্বলা গায়ক আছিল। হিন্দু ‘ধ্ৰুপদ ৰাগ’ ছাহজাহানৰ প্ৰিয় আছিল আৰু এই ৰাগ পৰিবেশন কৰিছিল তানসেনৰ জোঁৱায়েক লালখানে। সুৰসেন সেই সময়ৰ প্ৰখ্যাত বীণাবাদক আছিল।
(ঙ) মোগল সাহিত্যই কিদৰে ভাৰতীয় সাহিত্যক চহকী কৰিছে:
উত্তৰঃ মোগল সাহিত্যই ভাৰতীয় সাহিত্যৰ ভঁৰাল চহকী কৰি থৈ গৈছে। বাবৰ, হুমায়ুন, জাহাংগীৰ আৰু আন বহুতো ৰাজকুমাৰ আৰু ৰাজকুমাৰীয়ে তেওঁলোকৰ ৰচনাৰে মোগল সাহিত্যক সোণত সুৱগা চৰাইছিল। আকবৰৰ দিনত পাৰ্ছিয়ান সাহিত্যই নৱজাগৰণৰ সূচনা কৰিছিল। অনুবাদ সাহিত্যই সাহিত্য ভাণ্ডাৰ টনকিয়াল কৰিছিল। ‘মহাভাৰত’, ‘ৰামায়ণ’, ‘অথৰ্ববেদ’ আদি গ্ৰন্থ মুছলমান লেখকে অনুবাদ কৰিছিল। ‘বাবৰ নামা’, ‘আকবৰ নামা’, ‘আইন-ই-আকবৰী’, ‘হুমায়ুন নামা’ আদি পুথিসমূহ মোগল সাহিত্যৰ আপুৰুগীয়া সম্পদ। মুছলমান সাহিত্যিকে পাৰ্ছী ভাষাৰ উপৰি হিন্দী ভাষাতো পুথি ৰচনা কৰিছিল। ‘ৰামচৰিত মানস’, ‘পদ্মাবত’, ‘সুৰসাগৰ’ আদি পুথি হিন্দী ভাষাত লিখিছিল। এনেকুৱা ধৰণে মোগল সাহিত্যই ভাৰতীয় সাহিত্যক যথেষ্ট চহকী কৰিছে।
