Class 11 Assamese Chapter 8 – এভাৰেষ্টৰ সপোন আৰু বিভীষিকা – Complete Answer Solutions | AHSEC (ASSEB) Latest Syllabus (Assamese Medium)
এঘাৰ শ্ৰেণী অসমীয়া সাহিত্য সৌৰভৰ অষ্টম অধ্যায় – এভাৰেষ্টৰ সপোন আৰু বিভীষিকাৰ সম্পূৰ্ণ উত্তৰসমূহ | AHSEC (ASSEB) – Assamese Medium
এই অধ্যায়ত মাউন্ট এভাৰেষ্ট আৰোহণৰ সপোন আৰু তাৰ সৈতে জড়িত থকা ভয়ংকৰ অভিজ্ঞতাসমূহৰ এক জীৱন্ত বিৱৰণ দাঙি ধৰা হৈছে। পাঠটোত এজন পৰ্বতাৰোহীৰ দৃষ্টিকোণৰ পৰা সফলতাৰ আনন্দ আৰু প্ৰাকৃতিক প্ৰত্যাহ্বানৰ বিভীষিকা দুয়োটা দিশকে আলোচনা কৰা হৈছে। AHSEC (ASSEB)ৰ শেহতীয়া পাঠ্যক্ৰম অনুসৰি এই অধ্যায়ৰ সকলো প্ৰশ্নৰ সহজ উত্তৰ অস্পীন একেডেমীত (Ospin Academy) উপলব্ধ।
এই অধ্যায়ত আপুনি শিকিব:
- এভাৰেষ্ট আৰোহণৰ সপোন আৰু প্ৰেৰণা
- পৰ্বতাৰোহণৰ সময়ত সন্মুখীন হোৱা প্ৰত্যাহ্বান আৰু বিপদ
- এভাৰেষ্টৰ “বিভীষিকা” অৰ্থাৎ ভয়ংকৰ দিশসমূহ
- মানুহৰ সাহস আৰু প্ৰকৃতিৰ শক্তিৰ মাজৰ সম্পৰ্ক
- অধ্যায়ৰ প্ৰশ্ন-উত্তৰ আৰু বিশদ আলোচনা
🎯 অস্পীন একেডেমীৰ সুবিধাসমূহ:
- AHSEC (ASSEB)ৰ নতুন পাঠ্যসূচীৰ সম্পূৰ্ণ সমাধান
- প্ৰতিটো প্ৰশ্নৰ বিশদ আৰু সহজবোধ্য উত্তৰ
- অসমীয়া মাধ্যমৰ শিক্ষাৰ্থীসকলৰ বাবে উপযোগী ভাষাত প্ৰস্তুত
- পৰীক্ষাৰ বাবে উৎকৃষ্ট প্ৰস্তুতিত সহায়ক
Class 11 Assamese Sahitya Sourav (সাহিত্য সৌৰভ) Chapter-wise Solutions PDF | AHSEC (ASSEB) Board
Limited Time Offer!
(For AHSEC ASSEB Board Class 11 Assamese)
Get complete chapter-wise solutions PDF for Class 11 Assamese (সাহিত্য সৌৰভ) as per latest AHSEC ASSEB syllabus.
Includes detailed explanations, literary analysis, and exam-focused answers for all chapters.
Ideal for self-study, revision, and board exam preparation.
এভাৰেষ্টৰ সপোন আৰু বিভীষিকা
লেখক : প্রণয় বৰদলৈ
(ক) অতি চমু প্রশ্ন (প্রতিটো প্রশ্নৰ মূল্যাংক- ১)
১। এভাৰেষ্ট আবোহণ কৰাৰ সময়ত লেখক তথা তেওঁৰ সতীর্থই কি পৰিধান কৰিছিল?
উত্তৰঃ এভাৰেষ্টত উঠাৰ সময়ত লেখক আৰু তেওঁৰ সতীৰ্থসকলে বতাহ আৰু পানী প্ৰতিৰোধী (wind and water-resistant) জেকেট আৰু ট্ৰাউজাৰ পৰিধান কৰিছিল।
২। পৃথিৱীৰ সর্বোচ্চ শৃংগ মাউন্ট এভাৰেষ্ট সমুদ্র পৃষ্ঠৰ পৰা কিমান ফুট উচ্চতাত অৱস্থিত?
উত্তৰঃ পৃথিৱীৰ সৰ্বোচ্চ শৃংগ মাউন্ট এভাৰেষ্ট সাগৰ পৃষ্ঠৰ পৰা প্ৰায় ১৮,০০০ ফুট উচ্চতাত অৱস্থিত।
৩। অসম এভাৰেষ্ট অভিযানৰ ৯ জনীয়া অভিযাত্রী দলটিয়ে আৰোহণৰ কৌশল অনুশীলনৰ বাবে ওলাই যোৱা হিমবাহ ক্ষেত্ৰৰ নাম কি আছিল?
উত্তৰঃ অসম এভাৰেষ্ট অভিযানৰ ৯ জনীয়া অভিযাত্রী দলটোৱে আৰোহণৰ কৌশল অনুশীলনৰ বাবে যি হিমবাহ ক্ষেত্ৰলৈ গৈছিল, তাৰ নাম আছিল খুম্ভু হিমবাহ।
৪। নেপালীসকলৰ জনবিশ্বাস মতে সাগৰ মাথা বা মাউন্ট এভাৰেষ্টৰ জীৱৰী বুলি কাক জনা যায়?
উত্তৰঃ নেপালী লোকবিশ্বাস অনুসৰি, সাগৰ মাথা বা মাউন্ট এভাৰেষ্টৰ জীয়ৰী বুলি পুম’ৰি শিখৰক জনা যায়।
৫। লেখক তথা তেওঁৰ সতীর্থবৃন্দই কাৰ নেতৃত্বত ২০১৫ চনত ‘অসম এভাৰেষ্ট অভিযান’ নাম দি এভাৰেষ্টলৈ অভিযান চলায়?
উত্তৰঃ লেখক আৰু তেওঁৰ সতীৰ্থসকলে মানস বৰুৱাৰ নেতৃত্বত ২০১৫ চনত ‘অসম এভাৰেষ্ট অভিযান’ নাম দি এভাৰেষ্ট অভিমুখে যাত্ৰা কৰিছিল।
(খ) চমু প্রশ্ন (প্রতিটো প্রশ্নৰ মূল্যাংক- ২ অথবা ৩)
১। হিমানী সম্প্রপাতৰ প্রলয়ংকাৰী ৰূপক প্রতিহত কৰি ‘অসম এভাৰেষ্ট অভিযান’ৰ দলটোৱে নিজকে মৃত্যুপথৰ পৰা উদ্ধাৰ কৰিবলৈ কেনেধৰণৰ কৌশল অবলম্বন কৰিছিল?
উত্তৰঃ ‘অসম এভাৰেষ্ট অভিযান’ৰ দলটোৱে হিমস্খলনৰ (হিমানী সম্প্ৰপাতৰ) ভয়ংকৰ প্ৰভাৱৰ পৰা নিজকে ৰক্ষা কৰিবলৈ এক বিশেষ কৌশল লৈছিল। তেওঁলোকে গোলাকাৰ হৈ ইজনে সিজনৰ কান্ধত হাত থৈ সাৱটি ধৰিছিল, আৰু আঁঠু সামান্য বেঁকা কৰি কিছু চাপৰ হৈছিল। এইদৰেই তেওঁলোকে হিমস্খলনৰ প্ৰলয়ংকাৰী শক্তিক প্ৰতিহত কৰি মৃত্যুৰ মুখৰ পৰা নিজকে উদ্ধাৰ কৰিবলৈ সক্ষম হৈছিল।
২। দ্রুতবেগী হিমানী সম্প্রপাতৰ ওচৰত জীবনে হাৰ মনা এভাৰেষ্টৰ ভিন্ন অভিযানৰ চিকিৎসক দুগৰাকী কোন কোন ৰাষ্ট্ৰৰ আছিল?
উত্তৰঃ হিমস্খলনৰ দ্ৰুতবেগী প্ৰৱাহত জীৱন হেৰুওৱা এভাৰেষ্টৰ বিভিন্ন অভিযানত জড়িত চিকিৎসক দুগৰাকী ক্ৰমে চীন আৰু আমেৰিকাৰ আছিল।
৩। ‘KHUMBO ICE FALL’ বুলিলে কি বুজা?
উত্তৰঃ ‘খুম্ভু আইচ ফল’ (KHUMBO ICE FALL) হৈছে খুম্ভু হিমবাহৰ সেই বিশেষ অংশ, য’ত বৰফৰ নদীখন ভাঙি খণ্ড-বিখণ্ড হৈ পৰে আৰু ইয়াৰ ফলত বিশালভাৱে স্তূপীকৃত বৰফৰ বহুতো ওখ ওখ প্ৰাচীৰৰ সৃষ্টি হয়।
৪। কাৰ নেতৃত্বত কোন অঞ্চললৈ ট্রেকিং অভিযানত অংশ লওঁতে লেখকৰ মনত এভাৰেষ্ট আৰোহণৰ সপোন ৰোপিত হৈছিল?
উত্তৰঃ ১৯৮২ চনত নেছিম আখতাৰৰ নেতৃত্বত নেপাল-হিমালয়ৰ হেলেম্বু অঞ্চললৈ ট্ৰেকিং অভিযানত অংশ লওঁতে লেখক প্ৰণয় বৰদলৈৰ মনত পৃথিৱীৰ সৰ্বোচ্চ শৃংগ এভাৰেষ্ট আৰোহণৰ সপোন গঢ় লৈ উঠিছিল।
৫। প্রথম অসমীয়া এভাৰেষ্ট আৰোহণকাৰী দুজন কোন কোন আছিল?
উত্তৰঃ প্ৰথম অসমীয়া এভাৰেষ্ট আৰোহণকাৰী দুজন আছিল ক্ৰমে তৰুণ শইকীয়া আৰু মণিষ ডেকা।
(গ) দীঘল প্রশ্ন (প্রতিটো প্রশ্নৰ মূল্যাংক ৪ অথবা ৫)
১। লেখকৰ অনুশীলনৰ অন্তিম পৰ্যায়ত অহা ভূমিকম্পৰ জোকাৰণিত নামি অহা হিমানী সম্প্রপাতে অভিযানকাৰী দলক কি পৰিস্থিতিৰ মুখামুখি কৰাইছিল?
উত্তৰঃ ২০১৫ চনৰ ২৫ এপ্ৰিলৰ দিনা লেখক আৰু অসমৰ অভিযানকাৰী দলটোৱে আইচ ক্ৰাফ্ট অনুশীলনৰ অন্তিম পৰ্যায়ত আছিল। দিনৰ প্ৰায় ১১:৫৫ বজাত এক ভয়ংকৰ নিওঁৰণি শব্দৰ সৈতে এক প্ৰচণ্ড ভূ-পৃষ্ঠীয় জোকাৰণি অনুভূত হৈছিল। প্ৰায় দুই মিনিট ধৰি চলা এই কম্পনৰ ফলত মাউন্ট এভাৰেষ্টৰ পিছফালে থকা নূপছে, আমা সাগলাম, ল’টছে আৰু পুম’ৰি শিখৰসমূহৰ পৰা ভয়ংকৰভাৱে হিমস্খলন (হিমানী সম্প্ৰপাত) নামি আহিছিল। ৮.২ প্ৰাবল্যৰ সেই ভয়ানক ভূমিকম্পই সৃষ্টি কৰা প্ৰলয়ৰ শব্দ আছিল অতিশয় ভয়াৱহ, আৰু পুম’ৰি শিখৰৰ পৰা এটা বিশাল বৰফৰ টুকুৰা নামি আহিছিল।
চকুৰ সমুখতে সেই হিমস্খলনে এক প্ৰলয়ৰ সৃষ্টি কৰিছিল। বৰফৰ টুকুৰাবোৰে যেন দৈত্যৰ আকৃতি ধাৰণ কৰিছিল আৰু সেই দৈত্যই কেই ছেকেণ্ডমানৰ ভিতৰতে বেছ কেম্পবোৰ কাগজৰ দৰে উৰুৱাই নিছিল। সেই প্ৰলয়ংকৰী দৈত্যই দলটোকো গ্ৰাস কৰাৰ উপক্ৰম হৈছিল।
দলটোৱে তৎক্ষণাত গোলাকাৰ হৈ ইজনে সিজনৰ কান্ধত কান্ধ মিলাই সাৱটি ধৰি আৰু আঁঠু সামান্য বেঁকা কৰি অলপ চাপৰ হৈ নিজকে বচাবলৈ চেষ্টা কৰিছিল, কিন্তু বৰফে তেওঁলোকক সম্পূৰ্ণৰূপে পুতি পেলাইছিল। মৃত্যুৰ বিভীষিকাৰ মাজত তেওঁলোকে সকলো ফালে অন্ধকাৰ দেখিছিল আৰু উশাহ-নিশাহ বন্ধ হোৱাৰ উপক্ৰম হৈছিল। ভাগ্যক্ৰমে, হিমস্খলনৰ গতি লাহে লাহে কমি অহাত দলটোৱে কোনোমতে বৰফৰ মাজৰ পৰা মূৰ উলিয়াই থিয় হয়, আৰু কিছু সময়ৰ পাছতহে তেওঁলোকৰ শৰীৰলৈ তত ঘূৰি আহে।
২। হিমানী সপ্তাপাতৰ পিছত অভিযানকাৰী দলটিয়ে নিজৰ কেম্পলৈ গৈ বৰফৰ দৈত্যৰ কেনে ধ্বংসলীলা দেখিছিল?
উত্তৰঃ নেপালৰ প্ৰচণ্ড ভূমিকম্পৰ ফলত হিমালয়ত সৃষ্টি হোৱা হিমস্খলনৰ কবলত পৰাৰ পাছত ‘অসম এভাৰেষ্ট অভিযান’ৰ দলটোৱে নিজৰ কেম্পলৈ উভতি আহি বৰফৰ দৈত্যৰ ভয়ংকৰ ধ্বংসলীলা দেখিছিল। তেওঁলোকে দেখিছিল যে তেওঁলোকৰ ১০ টা কেম্পৰ ভিতৰত মাত্ৰ ৩-৪ টা কেম্পহে নিজৰ ঠাইত কোনোমতে ৰৈ আছিল, বাকীবোৰ বৰফে সম্পূৰ্ণৰূপে পুতি পেলাইছিল। সেই অঞ্চলত অন্য যিবোৰ দলে তম্বু পাতিছিল, সেইবোৰো ছিন্ন-বিচ্ছিন্ন হৈ এক ভগ্ন আৰু বিধ্বস্ত পৰিৱেশৰ সৃষ্টি হৈছিল।
কেইবাজনো বিদেশী পৰ্বতাৰোহীৰ লগতে কেইবাগৰাকী শ্বেৰ্পাৰো মৃত্যু হৈছিল। দলটোৰ বেছ কেম্পৰ ওচৰত থকা দুটা বেলেগ বেলেগ কেম্পৰ দুগৰাকী চিকিৎসকৰো মৃত্যু হৈছিল— তাৰে এগৰাকী চীনা মহিলা চিকিৎসকক তম্বুৰ ভিতৰত কিতাপ পঢ়ি থকা অৱস্থাতে হিমস্খলনে তম্বুসমেত উৰুৱাই নিছিল। এই দুগৰাকীৰ উপৰিও, এই দুৰ্যোগত প্ৰায় ২০ গৰাকী পৰ্বতাৰোহীৰ মৃত্যু হয় আৰু ৫০ জনৰো অধিক লোক আহত হয়। ইয়াৰ মাজতে দলটোৰ মেনেজাৰ শৈলেনে অলপৰ বাবে এই বৰফৰ ধ্বংসলীলাৰ পৰা ৰক্ষা পৰে। বৰফৰ দৈত্যই সৃষ্টি কৰা এই বিশাল ধ্বংসলীলা প্রত্যক্ষ কৰি দলটো আক্ষৰিক অৰ্থত শিয়ঁৰি উঠিছিল।
৩। এভাৰেষ্ট অভিযানৰ সংশয়ৰ দিন এটিত লেখকৰ মনত হাঁহিৰ খোৰাক জন্মোৱা ঘটনাটো কি আছিল?
উত্তৰঃ এভাৰেষ্ট অভিযানলৈ যাবলৈ লেখকে তিনি এপ্ৰিলত অস ম ত্যাগ কৰিছিল। সেই দিনাৰ পৰা তেওঁ মাছ খাবলৈ পোৱা নাছিল। তেওঁৰ মাছৰ প্ৰতি থকা হেঁপাহৰ কথা গম পাই বেছ কেম্পৰ মেনেজাৰ অমৰ ডেকাই কাঠমাণ্ডুৰ পৰা হেলিকপ্টাৰেৰে মাছ অনাৰ ব্যৱস্থা কৰিছিল। সেইমতে কেইবাদিনো প্ৰস্তুতিৰ অন্তত ২৫ এপ্ৰিলত মাছ আহি বেছ কেম্পত উপস্থিত হৈছিল।
পুৱাই অনুশীলনলৈ যোৱা দলটোৰ সকলোৰে মনত আছিল যে উভতি আহি তেওঁলোকে ৰান্ধনিৰ দ্বাৰা ঠেকেৰাৰে ৰন্ধোৱা মাছৰ টেঙাৰে ভাত খাব। কিন্তু বিধিৰ কি বিধান! ২৫ এপ্ৰিলৰ সেই ভয়াবহ ভূমিকম্প আৰু হিমানী সম্প্ৰপাতৰ ফলত পৰ্বতাৰোহণকাৰীসকলৰ বেছ কেম্পৰ তম্বুসমূহ উৰুৱাই নি পুতি পেলায়। সেই টেন্টসমূহৰ লগতে পাকঘৰ থকা তম্বু আৰু ডাইনিং টেন্টটোও সম্পূৰ্ণৰূপে ছিন্ন-ভিন্ন হৈ পৰে। বৰফৰ সেই দৈত্যই আন সকলো বস্তুৰ লগতে মাছৰ টেঙাৰ আঞ্জাও গ্ৰাস কৰে।
প্ৰাণৰ সংশয়ৰ সেই ভয়াৱহ দিনটোৰ কথা মনত পৰিলে, মাছৰ টেঙাৰ সেই বিফল কাহিনীটোও লেখকৰ মনলৈ আহে আৰু ওঁঠত সামান্য হাঁহি বিৰিঙে।
৪। প্রয়াত পৰ্বতাৰোহী নেছিম আখতাৰ আৰু লেখকৰ মাজত হোৱা কথোপকথনৰ এটি চমুটোকা যুগুত কৰা।
উত্তৰঃ ১৯৮২ চনত লেখক প্ৰণয় বৰদলৈয়ে নেছিম আখতাৰৰ নেতৃত্বত নেপাল-হিমালয়ৰ হেলেম্বু অঞ্চললৈ এক ট্ৰেকিং অভিযানত অংশ লৈছিল। সেয়া আছিল তেওঁৰ হিমালয়ত ভৰি দিয়াৰ প্ৰথম সুযোগ। সেই অভিযানতে তেওঁ হিমালয়ৰ বহু শুভ্ৰ-কিৰীট পৰিহিত শিখৰ দেখিছিল আৰু সুউচ্চ এভাৰেষ্টও স্পষ্টকৈ দেখা পাইছিল। তেতিয়াই তেওঁৰ মনত সপোনৰ বীজ ৰোপণ হৈছিল যে তেওঁ এবাৰ পৃথিৱীৰ সৰ্বোচ্চ উচ্চতাৰ পৰা তললৈ চাব।
পৰৱৰ্তী সময়ত তেওঁ বছৰি হিমালয় সম্পৰ্কীয় কেইবাটাও অভিযানত অংশ লৈছিল যদিও এই সপোন পূৰণ হোৱা নাছিল, বৰঞ্চ বঢ়া বয়সৰ বাবে সপোনটো যেন স্তিমিতহে হৈ পৰিছিল। লেখকৰ এই সপোনক পুনৰ জাগ্ৰত কৰিছিল নেছিম আখতাৰে। তেওঁ লগ পালেই বৰদলৈক এভাৰেষ্টৰ শিখৰত থিয় হোৱাৰ কথা কৈছিল। নেছিম আখতাৰে তেওঁক উৎসাহ যোগাই কৈছিল যে দেশৰ অন্য প্ৰান্তৰ পৰ্বতাৰোহীয়ে যদি থিয় হ’ব পাৰিছে, তেন্তে অসমৰ পৰ্বতাৰোহীয়ে নোৱাৰাৰ কোনো কাৰণ নাই। তেওঁ আনকি সেই সপোন পূৰণ কৰিবলৈ নিজাকৈ উদ্যোগ লৈ প্ৰাক্-এভাৰেষ্ট অভিযানৰ আয়োজনো কৰিছিল। যদিও নেছিম আখতাৰৰ মৃত্যুৰ বাবে সেই আয়োজন সম্পূৰ্ণ নহ’ল, তেওঁৰ লগত হোৱা সেই কথোপকথনে লেখক বৰদলৈক সদায় অনু অনুপ্ৰেৰণা যোগায়, আৰু তেওঁৰ সপোনক বাস্তৱায়িত কৰাৰ দিশত আগুৱাই লৈ যায়।
৫। ‘অসম এভাৰেষ্ট অভিযান’ দলটিৰ ওভতনি যাত্রা কেনেকুৱা আছিল ব্যাখ্যা কৰা।
উত্তৰঃ প্ৰচণ্ড ভূমিকম্পৰ তাণ্ডৱ লীলাৰ পাছত বেছ কেম্পত থকা আশ্ৰয় আৰু খাদ্য সামগ্ৰীৰ অভাৱ হোৱাত ‘অসম এভাৰেষ্ট অভিযান’ৰ দলটোৱে ওভতনি যাত্ৰা কৰাৰ সিদ্ধান্ত লৈছিল। সাধাৰণতে এভাৰেষ্টলৈ উঠাৰ সময়ত ১০ দিন ট্ৰেকিং কৰিব লগা লুকলা নামৰ ঠাইখন তেওঁলোকে উভতি আহোঁতে ৫-৬ দিনতে পোৱাৰ কথা।
সেইদিনা তেওঁলোকে এভাৰেষ্ট বেছ কেম্পৰ পৰা গোৰকশ্বেপ নামৰ শেষ পৰ্যটক নিবাসখনলৈ উভতি আহে। তেতিয়া সন্ধিয়া নামিছিল, আৰু দিনৰ পৰা পৰি থকা বৰফ তেতিয়াও পৰিয়ে আছিল। দলৰ শ্বেৰ্পাসকলে গোৰকশ্বেপৰ সম্মুখত থকা বিশাল উপত্যকাটোত তম্বু পাতিছিল যদিও দলটোৰ আন সদস্যসকল শৰীৰৰ দুৰ্বলতা, দুখ আৰু ভাগৰেৰে অত্যন্ত জৰ্জৰ হৈ পৰিছিল। সেয়েহে দলৰ লীডাৰে লজত থকাৰ ব্যৱস্থা কৰি দিছিল।
কেৱল শাৰীৰিকভাৱেই নহয়, মৃত্যুক অতি ওচৰৰ পৰা দেখি অহা দলটো মানসিকভাৱেও বিধ্বস্ত হৈছিল। ওভতনি যাত্ৰাই তেওঁলোকক কিছু সকাহ দিছিল। লজৰ কোঠাত সোমাই তেওঁলোকৰ মনত পৰিছিল যে তেওঁলোকে পুৱাতেহে শেষবাৰৰ বাবে খোৱা-বোৱা কৰিছিল। যাত্ৰাৰ ক্লান্তি দূৰ কৰিবলৈ লজৰ কোঠাটো তেওঁলোকৰ বাবে পৰম প্ৰাপ্তি আছিল যদিও বছৰজোৰা এভাৰেষ্টৰ প্ৰস্তুতিৰ এনে অনিশ্চিত সমাপ্তিয়ে তেওঁলোকক সমানেই দুখী কৰিছিল।
এঘাৰ শ্ৰেণী অসমীয়া সাহিত্য – এভাৰেষ্টৰ সপোন আৰু বিভীষিকা সম্পৰ্কীয় সঘনাই সোধা প্ৰশ্ন
Get Free NCERT PDFs
If you want to download free PDFs of any chapter, click the link below and join our WhatsApp group:
