Class 11 ৰাজনীতি বিজ্ঞান অধ্যায় ৯ – জীৱন্ত দলিলৰ ৰূপত সংবিধান – সম্পূৰ্ণ প্ৰশ্নোত্তৰ সহ | AHSEC (ASSEB) অসমীয়া মাধ্যম
এঘাৰ শ্ৰেণীৰ ৰাজনীতি বিজ্ঞান অধ্যায় ৯ – জীৱন্ত দলিলৰ ৰূপত সংবিধান সম্পূৰ্ণ সমাধান (AHSEC-ASSEB – অসমীয়া মাধ্যম)
ভাৰতীয় সংবিধানক ‘জীৱন্ত দলিল’ বুলি কোৱা হয় কাৰণ এই সংবিধান সময়ৰ প্ৰয়োজন আৰু পৰিবর্তনৰ সৈতে নিজকে সলনি কৰিবলৈ সক্ষম। সংবিধানত আইনৰ মৌলিক কাঠামো, চৰকাৰৰ ব্যৱস্থা, নাগৰিকৰ অধিকাৰ আৰু কৰ্তব্য আদিৰ কথা সন্নিৱিষ্ট। সংবিধান কেবল প্ৰাসংগিক নহয়, বরঞ্চ ই ৰাজনৈতিক, সামাজিক আৰু আৰ্থিক পৰিৱেশৰ প্ৰতি সজাগ আৰু উত্তৰদায়ী। সংবিধানত কৰা সংশোধনীসমূহে সংবিধানক সময়ৰ লগত সংগতি ৰাখিবলৈ সক্ষম কৰি তোলে। এই অধ্যায়ত সংবিধানৰ নমনীয়তা, সংশোধন প্ৰক্ৰিয়া আৰু সংবিধানক ‘জীৱন্ত দলিল’ হিচাপে বিবেচনা কৰাৰ কাৰণসমূহ বৰ্ণনা কৰা হৈছে।
✅ এই অধ্যায়ত কি শিকিব:
- জীৱন্ত দলিলৰ অৰ্থ আৰু তাৎপর্য
- ভাৰতীয় সংবিধানৰ নমনীয়তা আৰু সংশোধন ক্ষমতা
- সংবিধান সংশোধনৰ প্ৰক্ৰিয়া আৰু ধাপসমূহ
- নমনীয় আৰু অনমনীয় ধাৰাসমূহ
- সংবিধানৰ সময়োচিত পৰিবর্তনৰ প্ৰয়োজনীয়তা
🎯 অস্পীন একেডেমীৰ সুবিধা:
- নতুন AHSEC (ASSEB) পাঠ্যক্ৰমৰ সম্পূৰ্ণ সমাধান
- প্ৰত্যেক প্ৰশ্নৰ সহজ আৰু স্পষ্ট উত্তৰ
- অসমীয়া মাধ্যমৰ ছাত্ৰ-ছাত্ৰীৰ বাবে সুবিধাজনক ভাষা
- সংবিধান সংশোধনৰ আধুনিক উদাহৰণ আৰু বিশ্লেষণ
Class 11 Political Science (ৰাজনীতি বিজ্ঞান) AHSEC/ASSEB Latest Syllabus | Assamese Medium Chapter-wise Solutions PDF
Limited Time Offer!
(For AHSEC/ASSEB Class 11 Political Science, Latest Syllabus)
Get complete preparation for Class 11 Political Science (Assamese Medium) with chapter-wise solutions PDF.
Includes detailed answers, definitions, solved examples, and conceptual explanations as per the latest AHSEC/ASSEB syllabus.
Perfect for self-study, homework help, and exam revision!
জীৱন্ত দলিলৰ ৰূপত সংবিধান (CONSTITUTION AS A LIVING DOCUMENT
পাঠভিত্তিক প্রশ্নোত্তৰ
১। তলৰ উক্তিসমূহৰ পৰা শুদ্ধ উত্তৰটো বাছি উলিওৱা।
এখন সংবিধান সময়ে সময়ে সংশোধন কৰিবলগীয়া হয় কাৰণ,
(ক) পৰিস্থিতি সলনি হয় আৰু সংবিধানৰ উপযুক্ত পৰিৱৰ্তন প্রয়োজন হয়।
(খ) কোনো এক সময়ত লিখা এখন দলিল কিছুদিনৰ পিছত পুৰণিকলীয়া হৈ পৰে।
(গ) প্রতিটো প্রজন্মৰে নিজৰ পছন্দৰ এখন সংবিধান থকা উচিত।
(ঘ) ই প্রচলিত চৰকাৰৰ দৰ্শন প্রতিফলিত কৰিব পাৰিব লাগে।
উত্তৰঃ (ক) পৰিস্থিতি সলনি হয় আৰু সংবিধানৰ উপযুক্ত পৰিৱৰ্তন প্রয়োজন হয়।
২। তলৰ উক্তিবোৰ সঁচা নে মিছা লিখা।
(ক) ৰাষ্ট্ৰপতিয়ে সংশোধনী বিধেয়ক এখন সংসদৰ পুনৰ বিবেচনাৰ বাবে ঘুৰাই পঠাব নোৱাৰে।
উত্তৰঃ মিছা
(খ) কেবল নির্বাচিত প্রতিনিধিৰহে সংবিধান সংশোধন কৰাৰ ক্ষমতা আছে।
উত্তৰঃ সঁচা
(গ) ন্যায়পালিকাই সংবিধান সংশোধনৰ প্ৰক্ৰিয়া আৰম্ভ কৰিব নোৱাৰে কিন্তু ইয়াক অন্য ধৰণে ব্যাখ্যা কৰি সফলতাৰে সাংবিধানিক পৰিবৰ্তন কৰিব পাৰে।
উত্তৰঃ সঁচা
(ঘ) সংসদে সংবিধানৰ যিকোনো শাখাৰ সংশোধন কৰিব পাৰে।
উত্তৰঃ মিছা
৩। ভাৰতীয় সংবিধানৰ সংশোধনত তলৰ কোনটো জড়িত হৈ আছে? ই কেনেকৈ জড়িত হৈ আছে?
(ক) ভোটদাতাসকল
(খ) ভাৰতৰ বাষ্ট্রপতি
(গ) ৰাজ্যিক বিধানমণ্ডলসমূহ
(ঘ) সংসদ
(৫) বাজ্যপালসকল
(চ) ন্যায়পালিকা
উত্তৰঃ সংবিধান সংশোধনৰ প্ৰক্ৰিয়াত প্ৰত্যক্ষ বা পৰোক্ষভাৱে জড়িত থকা কাৰকসমূহ হৈছে:
(খ) ভাৰতৰ ৰাষ্ট্ৰপতি:
জড়িয়তা: ৰাষ্ট্ৰপতিয়ে সন্মতি প্ৰদান কৰিলেহে প্ৰত্যেক সংশোধনী বিধেয়ক আইনত পৰিণত হয়। সাধাৰণ সংখ্যাগৰিষ্ঠতাৰ দ্বাৰা গৃহীত নোহোৱা সংশোধনী বিধেয়ক সংসদলৈ পুনৰ বিবেচনাৰ বাবে প্ৰেৰণ কৰাৰ ক্ষমতা তেওঁৰ আছে (কিন্তু পুনৰ বিবেচনাৰ পাছত সম্মতি দিবলৈ বাধ্য)।
(গ) ৰাজ্যিক বিধানমণ্ডলসমূহ:
জড়িয়তা: ভাৰতীয় সংবিধানৰ কিছুমান ব্যৱস্থা (যেনে- কেন্দ্ৰ-ৰাজ্যৰ ক্ষমতা বিতৰণ, ৰাষ্ট্ৰপতিৰ নিৰ্বাচন) সংসদৰ প্ৰত্যেক সদনৰ দুই-তৃতীয়াংশ সংখ্যাগৰিষ্ঠতাৰ দ্বাৰা আৰু ৰাজ্যিক বিধানমণ্ডলসমূহৰ আধা সংখ্যকৰ অনুমোদনৰ দ্বাৰা সংশোধন কৰিব পাৰি। সংবিধানৰ যুক্তৰাষ্ট্ৰীয় প্ৰকৃতিৰ লগত জড়িত বিষয় কেৱল এনেদৰেই সংশোধন কৰিব পাৰি।
(ঘ) সংসদ:
জড়িয়তা: সংসদেই সংবিধান সংশোধনৰ মূল কৰ্তৃপক্ষ। ইয়াৰ দুয়োটা সদন— লোকসভা আৰু ৰাজ্যসভাই— বিশেষ সংখ্যাগৰিষ্ঠতাৰে (কিছুমান ক্ষেত্ৰত সাধাৰণ সংখ্যাগৰিষ্ঠতাৰে) সংশোধনী বিধেয়ক গৃহীত কৰিব লাগে।
(চ) ন্যায়পালিকা:
জড়িয়তা: ন্যায়পালিকাই স্বকীয় ব্যাখ্যাৰ দ্বাৰা সংশোধন পদ্ধতিৰ লগত পৰোক্ষভাৱে জড়িত। কোনো এক সংশোধনী আইন সংবিধানৰ মূল গাঁথনিৰ বিপৰীতে যোৱা বুলি ন্যায়পালিকাই বিবেচনা কৰিলে ইয়াক বাতিল কৰিব পাৰে। ইয়াৰ উপৰিও, ন্যায়ালয়ে আগবঢ়োৱা ব্যাখ্যাৰ প্ৰেক্ষাপটত বিধানমণ্ডলে কিছুমান সংশোধন গৃহীত কৰিছিল।
৪। এই অধ্যায়ত তুমি পঢ়িছা যে ৪২ তম সংশোধনী এতিয়ালৈকে হোৱা সংশোধনৰ ভিতৰত আটাইতকৈ বিতৰ্কমূলক। তলৰ কোনবোৰ কাৰণ এই বিতৰ্কৰ বাবে দায়ী?
(ক) ইয়াক জাতীয় জৰুৰীকালীন অৱস্থাৰ সময়ত ৰচনা কৰা হৈছিল, আৰু সেই জৰুৰীকালীন অৱস্থাৰ ঘোষণাটোৱেই বিতৰ্কমূলক আছিল।
(খ) বিশেষ সংখ্যাগৰিষ্ঠৰ সমৰ্থন নোহোৱাকৈয়ে ইয়াক ৰচনা কৰা হৈছিল।
(গ) ৰাজ্যিক বিধানমণ্ডলৰ অনুমোদন নোহোৱাকৈ ইয়াক ৰচনা কৰা হৈছিল।
(ঘ) ইয়াৰ কিছুমান বিতৰ্কিত ব্যৱস্থা আছিল।
উত্তৰঃ এই বিতৰ্কৰ বাবে দায়ী কাৰণসমূহ হৈছে:
(ক) ইয়াক জাতীয় জৰুৰীকালীন অৱস্থাৰ সময়ত ৰচনা কৰা হৈছিল, আৰু সেই জৰুৰীকালীন অৱস্থাৰ ঘোষণাটোৱেই বিতৰ্কমূলক আছিল।
(ঘ) ইয়াৰ কিছুমান বিতৰ্কিত ব্যৱস্থা আছিল। (যেনে- ন্যায়িক পুনৰীক্ষণ ক্ষমতা হ্ৰাস কৰা আৰু কেন্দ্ৰক অধিক ক্ষমতা প্ৰদান কৰা ব্যৱস্থা।)
৫। বিভিন্ন সংশোধন সম্বন্ধে বিধানমণ্ডল আৰু ন্যায়পালিকাৰ সংঘাতৰ বাবে তলৰ কোনটো যুক্তিসংগত ব্যাখ্যা নহয়?
(ক) সংবিধান বেলেগ বেলেগ ধৰণে ব্যাখ্যা কৰা সম্ভৱ।
(খ) গণতন্ত্ৰত, বিতৰ্ক আৰু পাৰ্থক্য স্বাভাৱিক কথা।
(গ) সংবিধানে কিছুমান নিয়ম আৰু নীতিৰ বেছি গুৰুত্ব দিছে আৰু বিশেষ সংখ্যাগৰিষ্ঠতাৰে সংশোধন কৰিবলৈ অনুমতি দিছে।
(ঘ) বিধানমণ্ডলৰ ওপৰত নাগৰিকৰ অধিকাৰ ৰক্ষা কৰাৰ দায়িত্ব অৰ্পণ কৰিব নোৱাৰি।
(ঙ) ন্যায়পালিকাই কোনো এক বিশেষ আইনৰ সাংবিধানিকতাহে নিৰ্ধাৰণ কৰিব পাৰে, ইয়াৰ প্ৰয়োজন সম্পর্কে ৰাজনৈতিক আলোচনা মীমাংসা কৰিব নোৱাৰে।
উত্তৰঃ যুক্তিসংগত ব্যাখ্যা নোহোৱা উক্তিটো হৈছে:
(ঘ) বিধানমণ্ডলৰ ওপৰত নাগৰিকৰ অধিকাৰ ৰক্ষা কৰাৰ দায়িত্ব অৰ্পণ কৰিব নোৱাৰি।
কাৰণ বিধানমণ্ডল ৰাইজে নিৰ্বাচিত কৰে, সেয়ে তেওঁলোকৰো নাগৰিকৰ অধিকাৰ ৰক্ষা কৰাৰ দায়িত্ব থাকে। সংঘাতৰ মূল কাৰণ এইটো নহয়।
৬। মূল গাঁথনিৰ তত্ব সম্বন্ধে শুদ্ধ উক্তিবিলাক চিনাক্ত কৰা। অশুদ্ধ উক্তিবিলাক শুদ্ধ কৰা।
(ক) সংবিধানে মূল নীতিবোৰ আঙুলিয়াই দিয়ে।
উত্তৰঃ এইটো এটা অশুদ্ধ উক্তি। মূল নীতিৰ সন্দৰ্ভত সংবিধানত স্পষ্টভাৱে উল্লেখ কৰা হোৱা নাই। (এই তত্ত্বটো ন্যায়পালিকাই উদ্ভাৱন কৰিছিল।)
(খ) বিধানমণ্ডলে মূল গাঁথনিৰ বাহিৰে সংবিধানৰ সকলো অংশ সংশোধন কৰিব পাৰে।
উত্তৰঃ এইটো এটা শুদ্ধ উক্তি।
(গ) সংবিধানৰ কোনবোৰ দিশ মূল গাঁথনি বুলি ক’ব পাৰি আৰু কোনবোৰ নোৱাৰি ন্যায়পালিকাই তাৰ সংজ্ঞা দিছে।
উত্তৰঃ এইটো এটা শুদ্ধ উক্তি।
(ঘ) এই তত্ত্বটোৰ প্ৰথম প্ৰকাশ হৈছিল কেশৱানন্দ ভাৰতী গোচৰত আৰু পিছৰ ৰায়দানসমূহত ইয়াৰ বিষয়ে আলোচনা কৰা হৈছে।
উত্তৰঃ এইটো এটা শুদ্ধ উক্তি।
(ঙ) এই তত্ত্বটোৱে ন্যায়পালিকাৰ ক্ষমতা বৃদ্ধি কৰিছে আৰু বেলেগ বেলেগ ৰাজনৈতিক দল আৰু চৰকাৰৰ দ্বাৰা ই গৃহীত হৈছে।
উত্তৰঃ এইটো এটা শুদ্ধ উক্তি।
৭। ২০০০ ৰ পৰা ২০০৩ লৈকে যে বহুতো সংশোধন হৈছিল সেই তথ্যৰ পৰা তুমি তলৰ কোনটো সিদ্ধান্তলৈ আহিবা?
(ক) এই সময়ছোৱাত কৰা সংবিধান সংশোধনীৰ ওপৰত ন্যায়পালিকাই হস্তক্ষেপ কৰা নাছিল।
(খ) এই সময়ছোৱাত এটা ৰাজনৈতিক দলৰ শক্তিশালী সংখ্যাগৰিষ্ঠতা আছিল।
(গ) কিছুমান সংশোধনৰ সপক্ষে জনসাধাৰণৰ হেঁচা (সজোৰ দাবী) আছিল।
(ঘ) এই সময়ছোৱাত ৰাজনৈতিক দলবিলাকৰ মাজত প্ৰকৃত পাৰ্থক্য নাছিল।
(ঙ) সংশোধনীবিলাক অবিতৰ্কমূলক প্ৰকৃতিৰ আছিল আৰু সংশোধনী বিষয়ত দলবিলাকৰ এটা সহমত আছিল।
উত্তৰঃ এই তথ্যৰ পৰা পোৱা সিদ্ধান্তসমূহ হৈছে:
(গ) কিছুমান সংশোধনৰ সপক্ষে জনসাধাৰণৰ হেঁচা (সজোৰ দাবী) আছিল।
(ঙ) সংশোধনীবিলাক অবিতৰ্কমূলক প্ৰকৃতিৰ আছিল আৰু সংশোধনী বিষয়ত দলবিলাকৰ এটা সহমত আছিল।
৮। সংবিধান সংশোধনৰ বাবে বিশেষ সংখ্যাগৰিষ্ঠতাৰ প্ৰয়োজন হোৱা কাৰণ ব্যাখ্যা কৰা।
উত্তৰঃ ভাৰতীয় সংবিধানৰ কিছুমান ব্যৱস্থা কেৱল বিশেষ সংখ্যাগৰিষ্ঠতাৰ দ্বাৰাহে সংশোধন কৰিব পাৰি। বিশেষ সংখ্যাগৰিষ্ঠতাৰ প্ৰয়োজন হোৱাৰ কাৰণসমূহ হৈছে:
ব্যাপক সমৰ্থন লাভ: গুৰুত্বপূৰ্ণ বিষয় সন্দৰ্ভত ব্যাপক সমৰ্থন আদায় কৰিবলৈ এনে ব্যৱস্থা গ্ৰহণ কৰা হয়। ই নিশ্চিত কৰে যে বিৰোধী দলৰ সন্মতি অবিহনে এটা দলে নিজে নিজস্ব প্ৰচেষ্টাত এখন সংশোধনী বিধেয়ক গৃহীত কৰিব নোৱাৰে।
সংবিধানৰ স্থিৰতা: ই সংবিধানক খেলিমেলি আৰু ক্ষণস্থায়ী ৰাজনৈতিক ইচ্ছাৰ পৰা সুৰক্ষিত কৰে, যাৰ ফলত সংবিধানৰ স্থিৰতা অক্ষুণ্ণ থাকে।
যুক্তৰাষ্ট্ৰীয় প্ৰকৃতিৰ সুৰক্ষা: সংবিধানৰ যুক্তৰাষ্ট্ৰীয় প্ৰকৃতি (কেন্দ্ৰ আৰু ৰাজ্যৰ ক্ষমতাৰ বিভাজন) সম্বন্ধীয় সংশোধনীৰ বাবে এই **’বিশেষ সংখ্যাগৰিষ্ঠতা’**ৰ বৈশিষ্ট্য প্ৰৱৰ্তন কৰা হৈছে। এনে ব্যৱস্থাই নিশ্চিত কৰে যে কেন্দ্ৰই সহজে একপক্ষীয়ভাৱে ক্ষমতাৰ বিভাজন সংশোধন নকৰে। এনে সংশোধনী অন্ততঃ আধা সংখ্যক ৰাজ্যৰ দ্বাৰা গৃহীত হ’ব লাগে, যাৰ জৰিয়তে ৰাজ্যসমূহৰ স্বাৰ্থ ৰক্ষা হয়।
বিশেষ সংখ্যাগৰিষ্ঠতাৰ বাবে সদনৰ মুঠ সদস্যৰ দুই-তৃতীয়াংশৰো অধিক সমৰ্থন আৰু উপস্থিত থকা তথা ভোটদান কৰা সদস্যৰ দুই-তৃতীয়াংশৰ সমৰ্থন (যিটো মুঠ সদস্যৰ আধাতকৈ কম হ’ব নালাগে) প্ৰয়োজনীয়।
৯। ভাৰতীয় সংবিধানৰ বহুতো সংশোধন ন্যায়পালিকা আৰু সংসদে দিয়া বিভিন্ন ব্যাখ্যাৰ বাবে হৈছে? উদাহৰণসহ ব্যাখ্যা কৰা।
উত্তৰঃ এয়া সত্য যে বিগত ছটা দশকৰ সংবিধান সংশোধনী আইনৰ ইতিহাস বিশ্লেষণ কৰিলে দেখা যায় যে ন্যায়ালয় বা সংসদে আগবঢ়োৱা বিভিন্ন ব্যাখ্যাৰ আলমত ভালেমান সংশোধনী আইন প্ৰণয়ন কৰা হৈছে।
উদাহৰণসমূহ:
গোলকনাথ গোচৰ বনাম ২৪ তম সংশোধনী (Fundamental Rights):
ন্যায়ালয়ৰ ব্যাখ্যা (১৯৬৭): গোলকনাথ গোচৰত উচ্চতম ন্যায়ালয়ে ব্যক্ত কৰিছিল যে সংবিধানৰ ৩৬৮ নং অনুচ্ছেদৰ অধীনত সংসদে মৌলিক অধিকাৰ কাঢ়ি ল’ব নোৱাৰে বা সীমিত কৰিব নোৱাৰে।
সংসদৰ প্ৰতিক্ৰিয়া (১৯৭১): সংসদে ২৪ তম সংশোধনী আইন প্ৰণয়ন কৰে, যাৰ জৰিয়তে ই সংবিধান সংশোধনত বিধানমণ্ডলৰ সৰ্বোচ্চ কর্তৃত্ব দোহাৰে।
কেশৱানন্দ ভাৰতী গোচৰ বনাম মূল গাঁথনি তত্ত্ব:
ন্যায়ালয়ৰ ব্যাখ্যা (১৯৭৩): কেশৱানন্দ ভাৰতী গোচৰত ন্যায়পালিকাই এক নতুন তত্ত্ব দিছিল। তেওঁলোকে স্পষ্ট কৰি দিয়ে যে সংবিধান সংশোধনৰ ক্ষেত্ৰত সংসদৰ কিছুমান সীমাবদ্ধতা আছে। সংবিধানৰ মূল গাঁথনি লংঘন কৰা কোনো সংশোধনী আইন গৃহীত কৰিব নোৱাৰিব।
৪২ তম আৰু ৪৪ তম সংশোধনী (জৰুৰীকালীন অৱস্থাৰ পাছৰ পৰিৱৰ্তন):
সংসদৰ বিতৰ্কিত কাৰ্য: ১৯৭৬ চনত গৃহীত ৪২ তম সংশোধনী আইনখনে সংবিধানৰ ৩৬৮ নং অনুচ্ছেদত নতুন দফা সংযোজন কৰি ন্যায়িক পুনৰীক্ষণৰ ক্ষমতা সীমিত কৰিছিল।
পুনৰ সংশোধন (৪৭৭): ১৯৭৭ চনত নতুন ৰাজনৈতিক মিত্ৰগোষ্ঠীয়ে ক্ষমতা পোৱাৰ পাছত ৪৩ তম সংশোধনী আইন গৃহীত কৰে, যিয়ে ৪২ তম সংশোধনী আইনে কৰা বিতৰ্কিত পৰিৱৰ্তনসমূহ বাতিল কৰিছিল।
৪৪ তম সংশোধনী (১৯৭৮): এই সংশোধনী আইনে ৩৫২ নং অনুচ্ছেদত ব্যৱহৃত ‘আভ্যন্তৰীণ বিক্ষোভ’ শব্দদ্বয়ৰ পৰিৱৰ্তে ‘সশস্ত্ৰ বিদ্ৰোহ’ শব্দদ্বয় প্ৰতিষ্ঠাপন কৰে। ইয়াৰ দ্বাৰা জৰুৰীকালীন অৱস্থাৰ অপব্যৱহাৰ প্ৰতিৰোধ কৰা হৈছিল। লগতে, ‘সম্পত্তিৰ অধিকাৰ’ মৌলিক অধিকাৰৰ তালিকাৰ পৰা বাদ দিয়া হৈছিল।
সংৰক্ষণ বিষয়ত ন্যায়িক নিৰ্দেশনা:
ন্যায়ালয়ৰ ব্যাখ্যা: উচ্চতম ন্যায়ালয়ে পিছপৰা শ্ৰেণীটোক ‘ক্ৰীমি লেয়াৰ’ বুলি অভিহিত কৰিছিল আৰু এই গোটক সংৰক্ষণৰ সুবিধা প্ৰদানৰ পৰা বাদ দিয়াৰ পোষকতা কৰিছিল। লগতে, শিক্ষানুষ্ঠানসমূহত সংৰক্ষিত আসনৰ সংখ্যা মুঠ আসনৰ সংখ্যাৰ পঞ্চাশ শতাংশৰ অধিক হ’ব নালাগিব বুলিও নিৰ্দেশ দিছিল।
সংসদৰ প্ৰতিক্ৰিয়া: সংসদে এই আটাইবোৰ গ্ৰহণ কৰিছে আৰু ন্যায়পালিকাৰ পৰ্যৱেক্ষণৰ আধাৰত উপযুক্ত সংশোধনী আইন প্ৰণয়ন কৰিছে।
এই উদাহৰণসমূহে প্ৰমাণ কৰে যে ভাৰতীয় সংবিধানৰ বহুতো সংশোধন ন্যায়িক ব্যাখ্যা আৰু সংসদৰ প্ৰতিক্ৰিয়াৰ মাজৰ পাৰস্পৰিক ক্ৰিয়াৰ ফলস্বৰূপে সংঘটিত হৈছে।
১০। সংশোধনী ক্ষমতা যদি নিৰ্বাচিত প্ৰতিনিধিৰ হাতত থাকে, সংশোধনীবিলাকৰ বৈধতা নিৰ্ধাৰণ কৰাৰ ক্ষমতা ন্যায়পালিকাৰ হাতত থকা উচিত নহয়। তুমি একমত নে? ১০০ টা শব্দৰ ভিতৰত কাৰণ দৰ্শোৱা।
উত্তৰঃ সংশোধনী ক্ষমতা যদি নিৰ্বাচিত প্ৰতিনিধিৰ হাতত থাকে, তেন্তে সংশোধনীবিলাকৰ বৈধতা নিৰ্ধাৰণ কৰাৰ ক্ষমতা ন্যায়পালিকাৰ হাতত নাথাকিব লাগে বুলি কৰা উক্তিটোৰ সৈতে মই একমত নহওঁ।
কাৰণসমূহ:
১। ক্ষমতাৰ ভাৰসাম্যতা: কেৱল নিৰ্বাচিত প্ৰতিনিধিক সংবিধান সংশোধনৰ ক্ষেত্ৰত পূৰ্ণ স্বাধীনতা দিলে, ই গণতন্ত্ৰৰ ভেটি ক্ষতিগ্ৰস্ত কৰিব। কাৰ্যপালিকাই সংসদৰ সমৰ্থনত এনে আইন প্ৰণয়ন কৰিব পাৰে যি জনসাধাৰণৰ কল্যাণৰ পৰিপন্থী হ’ব পাৰে।
২। অধিকাৰৰ সুৰক্ষা: কাৰ্যপালিকাই এনে কিছুমান ব্যৱস্থা প্ৰৱৰ্তন কৰিব পাৰে যিয়ে জনসাধাৰণৰ মৌলিক অধিকাৰ উলংঘা কৰিব পাৰে (যেনে- জৰুৰীকালীন অৱস্থাত ঘটা ঘটনা)। গতিকে, কোনো সংশোধনী আইন সংবিধানৰ মূল গাঁথনিৰ বিপৰীতে যোৱা বুলি ঘোষণা কৰাৰ ক্ষমতা ন্যায়ালয়ৰ থকা উচিত।
৩। ন্যায়পালিকাৰ ভূমিকা: ন্যায়পালিকাই সদায় জনসাধাৰণৰ অধিকাৰৰ ৰক্ষক আৰু সংবিধানৰ অভিভাৱক হিচাপে ভূমিকা পালন কৰা উচিত। নিৰ্বাচিত চৰকাৰৰ ক্ষমতাৰ ওপৰত নিয়ন্ত্ৰণ ৰাখিবলৈ ন্যায়িক পুনৰীক্ষণ অতি জৰুৰী।
এঘাৰ শ্ৰেণীৰ ৰাজনীতি বিজ্ঞান – অধ্যায় ৯ জীৱন্ত দলিলৰ ৰূপত সংবিধান সঘনাই সোধা প্ৰশ্ন
Get Free NCERT PDFs
If you want to download free PDFs of any chapter, click the link below and join our WhatsApp group:
