দ্বাদশ শ্ৰেণীৰ অসমীয়া (সাহিত্য সৌৰভ) অধ্যায় ১৫ – উভতি নহাৰ কবিতা (আধুনিক কবিতা) ৰ সম্পূৰ্ণ ব্যাখ্যা আৰু প্ৰশ্ন-উত্তৰ | AHSEC Board (Assamese Medium)
AHSEC Class 12 Assamese Chapter 15 – উভতি নহাৰ কবিতাৰ সম্পূৰ্ণ সমাধান (Sahitya Saurabh Textbook)
AHSEC দ্বাদশ শ্ৰেণীৰ Assamese সাহিত্য সৌৰভ (Sahitya Saurabh) পাঠ্যপুথিৰ পঞ্চদশতম অধ্যায় হ’ল – **উভতি নহাৰ কবিতা (Ubhati Nohār Kabitā)**। এই কবিতাটো **সময়ৰ গতি, নশ্বৰতা আৰু জীৱনৰ অপ্ৰত্যাৱৰ্তনীয়তাৰ** এক দাৰ্শনিক আৰু আৱেগিক বৰ্ণনা। কবিয়ে উপলব্ধি কৰিছে যে অতীত বা হেৰুৱা সময় কেতিয়াও উভতি নাহে; সেয়েহে এই যাত্ৰা যেন **উভতি নহাৰ কবিতা**। এই পাঠটোৱে পাঠকক জীৱনৰ **ক্ষণস্থায়ীতা** আৰু **মৃত্যুৰ চিৰন্তন সত্যৰ** বিষয়ে গভীৰভাৱে চিন্তা কৰিবলৈ বাধ্য কৰে। এই অধ্যায়ৰ প্ৰশ্নোত্তৰসমূহ **AHSEC Final Exam** ৰ বাবে বিশেষকৈ **আধুনিক কবিতাৰ বিশ্লেষণ** আৰু **ভাব-সম্প্ৰসাৰণৰ** বাবে অতি জৰুৰী।
At Ospin Academy, we provide comprehensive solutions that analyze the **philosophical depth, symbolism, and emotional weight** of the poem **’Ubhati Nohār Kabitā’**. Our material covers the **themes of loss, acceptance of impermanence (Nashwarata)**, and the modern poetic style. Students will find line-by-line **Assamese explanations** and point-wise answers perfect for the **5-mark critical analysis questions** that require a deep literary and thematic understanding for the AHSEC Board Exam 2025. Master the nuances of this poignant poem with our expert guide.
✅ কি শিকিব (What You Will Learn):
- **উভতি নহাৰ কবিতা** ৰ মূল দাৰ্শনিক ভাবধাৰা।
- কবিতাত **সময় আৰু মৃত্যুৰ** প্ৰতীকাত্মক ব্যৱহাৰৰ বিশ্লেষণ।
- **কবিতাৰ আধুনিক শৈলী** আৰু ইয়াৰ সাহিত্যিক মূল্য।
- **কবিতাৰ উদ্ধৃতি** ব্যৱহাৰ কৰি উত্তৰ লিখাৰ কৌশল।
- AHSEC Board Exam 2025 ৰ বাবে **Thematic and Critical Analysis Questions**।
🎯 অস্পীন একেডেমীৰ সুবিধা (Ospin Academy Advantage):
- **উভতি নহাৰ কবিতা** ৰ সকলো প্ৰশ্নৰ সহজ আৰু গভীৰ উত্তৰ।
- AHSEC-ৰ **পৰীক্ষাৰ Standard** অনুসৰি উত্তৰ লিখাৰ সৰল কৌশল।
- Focus on **Symbolism, Philosophical Themes, and Poetic Intent** for higher marks.
- Chapter 15 Solutions in a downloadable **PDF format**.
- অসমীয়া মাধ্যমৰ ছাত্ৰ-ছাত্ৰীৰ বাবে কবিতাটোৰ গভীৰ অৰ্থৰ বিশদ বিশ্লেষণ।
Class 12 Assamese (সাহিত্য সৌৰভ) 2025-26 | Chapter-wise Solutions PDF
Limited Time Offer!
(For AHSEC Class 12, 2025)
Get complete chapter-wise solutions for Class 12 Assamese (সাহিত্য সৌৰভ) under the AHSEC Board.
Includes detailed textual answers, translations, chapter summaries, meanings, and exam-ready notes as per latest 2025 syllabus.
Perfect resource for Board Exam preparation and self-study.
উভতি নহাৰ কবিতা
অতি চমু প্রশ্নোত্তৰ
১। ‘উভতি নহাৰ কবিতা’ পাঠটি ক’ৰ পৰা সংগ্ৰহ কৰা হৈছে?
উত্তৰঃ ‘উভতি নহাৰ কবিতা’টি নৱকান্ত বৰুৱাদেৱৰ ‘দলঙত তামীঘৰা’ নামৰ কাব্যসংকলনৰ পৰা সংগ্ৰহ কৰা হৈছে।
২। কোনখন পুথিৰ বাবে নৱকান্ত বৰুৱাই সাহিত্য অকাডেমি বঁটা লাভ কৰিছিল?
উত্তৰঃ নৱকান্ত বৰুৱাই ‘ককাদেউতাৰ হাড়’ নামৰ উপন্যাসখনৰ বাবে সাহিত্য অকাডেমি বঁটা লাভ কৰিছিল।
৩। ৰোমাণ্টিক কবিতা আৰু আধুনিক কবিতাৰ এটি পার্থক্য লিখা।
উত্তৰঃ ৰোমাণ্টিক কবিতা আৰু আধুনিক কবিতাৰ মাজৰ এটা প্ৰধান পার্থক্য হ’ল — যে ৰোমাণ্টিক কবিতাত কবিয়ে পুনৰ জনমত বিশ্বাস কৰে, কিন্তু আধুনিক কবিতাত কবিয়ে এই পৃথিৱীৰ পৰা এবাৰ গুচি গ’লে মানুহ পুনৰ উভতি আহিব নোৱাৰে বুলি ভাবে।
৪। ‘উভতি নহাৰ কবিতা’ কোন শ্ৰেণীৰ কবিতা?
উত্তৰঃ ‘উভতি নহা’ৰ কবিতা’টো হৈছে এটা আধুনিক কবিতা।
৫। ‘তামীঘৰা’ শব্দটিৰ অৰ্থ লিখা।
উত্তৰঃ ‘তামীঘৰা’ শব্দটোৰ অৰ্থ হৈছে তম্বু।
চমু প্রশ্নোত্তৰ
১। নৱকান্ত বৰুৱাৰ তিনিখন কবিতা পুথিৰ নাম লিখা।
উত্তৰঃ নৱকান্ত বৰুৱাৰ তিনিখন কবিতা পুথিৰ নাম হৈছে— ‘হে অৰণ্য হে মহানগৰ’, ‘দলঙত তামীঘৰা’ আৰু ‘ৰাতি জিল-মিল’।
২। নৱকান্ত বৰুৱাই ৰচনা কৰা দুখন উপন্যাসৰ নাম লিখা।
উত্তৰঃ নৱকান্ত বৰুৱাই বচনা কৰা দুখন উপন্যাস হ’ল— ‘ককাদেউতাৰ হাড়’ আৰু ‘কপিলীপৰীয়া সাধু’।
৩। নৱকান্ত বৰুৱাই শিশু আৰু চেমনীয়াৰ উপযোগীকৈ ৰচনা কৰা দুখন গ্ৰন্থৰ নাম লিখা।
উত্তৰঃ নৱকান্ত বৰুৱাই শিশু আৰু চেমনীয়াৰ উপযোগীকৈ ৰচনা কৰা দুখন গ্রন্থ হ’ল— ‘আখৰৰ জখলা’ আৰু ‘শিয়ালী পালেগৈ ৰতনপুৰ’।
৪। কবিৰ বাবে জীয়াই থকাৰ মন্ত্র কি? ‘জীয়াই থকাৰ ধেমালিটো’ কবিয়ে কেইবাৰ খেলিছে?
উত্তৰঃ কবিৰ বাবে জীৱন ধাৰণৰ মন্ত্ৰ হৈছে যন্ত্ৰণা। কবিয়ে জীয়াই থকাৰ এই ধেমালি কেৱল এবাৰেই খেলিছে। কিয়নো কবিয়ে অনুভৱ কৰে যে জীয়াই থকাটো কেৱল এক ক্ষণস্থায়ী ক্ৰীড়াহে। এদিন সকলোৱেই এই পৃথিৱী এৰি গুচি যাব লাগিব। সেয়েহে যন্ত্ৰণাত দগ্ধ হৈয়ো কবিয়ে এই ক্ষণস্থায়ী জীৱনটোক দুখময় কৰি তুলিব বিচৰা নাই। তেওঁ হাঁহি হাঁহি এবাৰেই জীৱনটোক মৰম কৰিবলৈ চেষ্টা কৰিছে। যন্ত্ৰণাক তেওঁ সমস্যা হিচাপে নলৈ জীয়াই থকাৰ প্ৰেৰণা হিচাপে গ্ৰহণ কৰিছে। দুখ আৰু যন্ত্ৰণাৰ পৰাই তেওঁ জীৱনৰ যুঁজ চলাই নিয়াৰ কৌশল শিকিছে।
৫। কবিৰ মতে পৃথিৱীলৈ ‘নতুন মানুহ’ আহিলে কি পৰিৱৰ্তন হ’ব।
উত্তৰঃ কবিৰ মতে এই পৃথিৱীলৈ আহিলে এদিন সকলোৱে ইয়াক এৰি যাবই লাগিব। এটা প্ৰজন্ম এই পৃথিৱীৰ পৰা বিদায় ল’লে নতুন এটি প্ৰজন্ম বা ‘নতুন মানুহ’ পৃথিৱীলৈ আহিব। এই নতুন প্ৰজন্মটোৱেও কবিক অনুসৰণ কৰি হয়তো একেই কামবোৰ কৰিব, কিন্তু নতুন যুগৰ মানুহ হিচাপে তেওঁলোকৰ চিন্তা-চৰ্চা, ধ্যান-ধাৰণা আদি নতুন হ’ব, য’ত পুৰণি চিন্তা-চৰ্চা বা ধ্যান-ধাৰণাবোৰৰ গুৰুত্ব কমি আহিব। সময় চিৰ গতিশীল আৰু পৰিৱৰ্তনশীল। সেয়েহে, পৰিৱৰ্তনশীল সময়ৰ বুকুত উঠি নতুন প্ৰজন্মটো পূৰ্বৰ প্ৰজন্মৰ পৰা সম্পূৰ্ণ পৃথক হৈ পৰিব।
দীঘল প্রশ্নোত্তৰ
১। কবিয়ে কিয় পৃথিৱীলৈ উভতি নাহে বুলি ভাবিছে, বুজাই লিখা।
উত্তৰঃ এই পৃথিৱীত বাস কৰা সকলো জীৱেই মৰণশীল। প্ৰতিজনে এবাৰেই জন্ম লাভ কৰে আৰু মৃত্যুক সাৱটি লয়। মৃত্যুৰ পাছত কোনোৱেই পুনৰ পৃথিৱীলৈ উভতি আহিব নোৱাৰে। কবিয়েও জীৱনৰ বকুলপাহ এবাৰেই বুটলিছে, অৰ্থাৎ এবাৰেই জন্ম গ্ৰহণ কৰিছে। পৃথিৱীক কবিয়ে প্ৰাণভৰি ভাল পায়। তথাপি তেওঁৰ জীৱন চিৰস্থায়ী নহয়, তেওঁ এই পৃথিৱী এৰি যাবই লাগিব। পৃথিৱীক ভালপোৱাৰ কথা কবিয়ে নানা ধৰণে, বিভিন্ন ভাষাৰে কেইবাবাৰো প্ৰকাশ কৰিছে যদিও তেওঁ জানে যে এবাৰ পৃথিৱী এৰি গুচি গ’লে হাজাৰ ভালপোৱায়ো তেওঁক ঘূৰাই আনিব নোৱাৰে। সেয়েহে এবাৰ যোৱাৰ পাছত কবিয়ে পুনৰ উভতি নাহে বুলি কৈছে। এইটোৱেই হৈছে প্ৰকৃতিৰ চিৰন্তন ৰীতি, যাক কবিয়ে মানি ল’বলৈ বাধ্য।
২। “উভতি নহাৰ কবিতা’টিৰ মূলভাৱ লিখা।
উত্তৰঃ কবিতাটিৰ মূলভাৱ (যিটো তলৰ ৩, ৪, ৫ নম্বৰ প্ৰশ্নৰ উত্তৰসমূহত সন্নিৱিষ্ট হৈছে) এইদৰে দাঙি ধৰিব পাৰি:
কবিতাটোত কবিয়ে পৃথিৱীৰ প্ৰতি থকা নিজৰ গভীৰ প্ৰেম আৰু জীৱনৰ ক্ষণস্থায়ী সত্যক দাৰ্শনিক দৃষ্টিকোণেৰে উপস্থাপন কৰিছে। কবিয়ে অনুভৱ কৰে যে জীৱনটো এটা ধেমালি বা ক্ষন্তেকীয়া নাটক, য’ত তেওঁ এবাৰেই অংশগ্ৰহণ কৰিছে। জীৱনত দুখ-যন্ত্ৰণা আহিলেও তেওঁ তাক জীয়াই থকাৰ মন্ত্ৰ হিচাপে লৈ হাঁহি হাঁহি জীৱনটোক ভাল পাই গৈছে। কবিয়ে এই পৃথিৱী এৰি এদিন গুচি যাব লাগিব আৰু তেওঁ কেতিয়াও উভতি নাহে, কাৰণ এইয়াই প্ৰকৃতিৰ চিৰন্তন নিয়ম। তেওঁৰ মৃত্যুৰ পাছত নতুন প্ৰজন্ম আহিব, তেওঁলোকে নতুন ধ্যান-ধাৰণাৰে জগতখন আগুৱাই লৈ যাব। সেয়েহে, সময়ৰ পৰিৱৰ্তনৰ লগে লগে তেওঁৰ দৰে পুৰণি চিন্তাৰ কোনো চিন বা মূল্য নতুন যুগত নাথাকিব বুলি কবিয়ে বিশ্বাস কৰে।
৩। কবিয়ে নতুন দিনত তেওঁৰ একো চিন নাথাকিব বুলি কিয় ভাবিছে, বুজাই লিখা।
উত্তৰঃ প্ৰকৃতিৰ নিয়ম অনুসৰি কবিয়ে এই পৃথিৱীত জন্ম গ্ৰহণ কৰিছে। পৃথিৱীখনক ভাল পায় বাবে কবিয়ে দুখ-যন্ত্ৰণা পাহৰি হাঁহি হাঁহি জীৱন অতিবাহিত কৰিছে। কিন্তু কবিয়ে জানে যে এদিন তেওঁ এই পৃথিৱী এৰি যাব লাগিব। জীৱনকালত তেওঁ বহু কাম কৰি থৈ গৈছে আৰু তাৰ বাবে কিছুমান স্বীকৃতিও লাভ কৰিছে। তেওঁৰ মৃত্যুৰ পাছত উত্তৰ প্ৰজন্মই হয়তো তেওঁক অনুকৰণ কৰি বহুতো কাম কৰিব। কিন্তু তেওঁলোক হ’ব নতুন যুগৰ মানুহ। নতুন চিন্তা-চৰ্চা, ধ্যান-ধাৰণাৰে তেওঁলোক আগবাঢ়ি যাব, য’ত পুৰণিৰ কোনো গুৰুত্ব নাথাকিব। সময় চিৰ পৰিৱৰ্তনশীল। সময়ৰ সোঁতত উঠি নৱপ্ৰজন্ম সম্পূৰ্ণ পৃথক হ’ব। সেয়েহে কবিয়ে ভাবে যে নতুন আদৰ্শৰ গুৰুত্ব বাঢ়ি অহাৰ লগে লগে তেওঁৰ দৰে পুৰণি চিন্তাৰ কোনো চিন নতুন দিনত নাথাকিব।
৪। ‘উভতি নহাৰ কবিতা’ত পৃথিৱীৰ প্ৰতি কবিৰ ভালপোৱা কেনেদৰে প্ৰকাশ পাইছে বুজাই লিখা।
উত্তৰঃ সৃষ্টিৰ নীতি মানি কবিয়ে এই পৃথিৱীত জন্ম লৈছে। সেয়েহে এই পৃথিৱী তেওঁৰ বাবে অতি মৰমৰ। তেওঁ বাস কৰা এই পৃথিৱীখনৰ প্ৰত্যেকটো বস্তুৱেই তেওঁৰ প্ৰিয়। আনকি জাবৰৰ মাজৰ পৰা এপাহ বকুল তুলি লৈয়ো কবিয়ে সেয়ে আনন্দ লাভ কৰে। পৃথিৱীৰ সেউজীয়াই কবিৰ মন ভৰাই তোলে। কবি নৱকান্ত বৰুৱাই তেওঁৰ বহু গীত আৰু কবিতাত পৃথিৱীৰ অপাৰ সৌন্দৰ্যৰ জয়গান গাইছে। যন্ত্ৰণাই দগ্ধ কৰিলেও পৃথিৱীৰ মাটি, পানী, বায়ু সেৱন কৰি কবিয়ে হাঁহি হাঁহি সেই দুখ পাহৰি যায়। পৃথিৱীৰ ৰূপ, ৰস, গন্ধ, স্পৰ্শৰ প্ৰতি থকা গভীৰ অনুৰাগৰ আৱেশত কবিয়ে জীৱনটোক আঁকোৱালি লয়। তেওঁ পৃথিৱীখনক ভাল পায় প্ৰাণভৰি। কবিতাটোত কবিৰ এনে বৰ্ণনাত সেই ভালপোৱাৰ স্পষ্ট প্ৰকাশ দেখা যায়—
“মাথোন এই পৃথিৱীখনক ভাল পাই গ’লোঁ
এই কথাটোকে কিমানবাৰ যে ক’লোঁ
কিমান ভাবেৰে ক’লোঁ…।”
কবিতাটোৰ পাঠকে সহজে অনুভৱ কৰিব পাৰে যে কবিয়ে আছিল এই পৃথিৱীৰ এক গভীৰ প্ৰেমিক।
৫। প্রসংগ সংগতি দর্শাই ব্যাখ্যা কৰা:—
(ক) যন্ত্রণা মোৰ জীয়াৰ মন্ত্ৰ
সেই মন্ত্ৰকে গালোঁ
জীয়াই থকাৰ ধেমালিটো মই
এবাৰেই খেলি গ’লোঁ।
উত্তৰঃ সংগতি: ব্যাখ্যাকৰিবলগীয়া পংক্তিকেইটা আমাৰ পাঠ্যপুথিত সন্নিৱিষ্ট নৱকান্ত বৰুৱা ৰচিত ‘উভতি নহাৰ কবিতা’ শীৰ্ষক কাব্যৰ পৰা উদ্ধৃত কৰা হৈছে।
প্রসংগ: যন্ত্ৰণাৰ মাজতো কবিয়ে কেনেকৈ হাঁহি হাঁহি জীৱন যাপনৰ পথ বিচাৰি পাইছে — সেই প্ৰেৰণাৰ প্ৰসংগতে কবিয়ে এই ব্যাখ্যেয় কবিতাফাকিৰ অৱতাৰণা কৰিছে।
ব্যাখ্যা: কবিও এজন সাংসাৰিক মানুহ। জীৱনত সাংসাৰিক প্ৰাণীৰ দুখ-সুখ, পোৱা-নোপোৱাৰ বেদনা থকাটো স্বাভাৱিক। কবিও তাৰ উৰ্দ্ধত নহয়। কবিৰ জীৱনতো আছে যন্ত্ৰণাৰ হেঁচা। কিন্তু সেই হেঁচাত ম্লান নহৈ কবিয়ে হাঁহি হাঁহি যন্ত্ৰণাক বুকুত বান্ধি লৈ জীৱনৰ পথত আগবাঢ়িছে।
কবিয়ে জানে যে জীয়াই থকাটো কেৱল এক ক্ষণস্থায়ী ধেমালি, ই চিৰকাল স্থায়ী নহয়। এদিন সকলোৱেই এই পৃথিৱী এৰি গুচি যাব লাগিব। সেয়েহে যন্ত্ৰণাত দগ্ধ হৈ কবিয়ে এই ক্ষণস্থায়ী জীৱনটোক দুখময় কৰি তুলিব বিচৰা নাই। তেওঁ হাঁহি হাঁহি কেৱল এবাৰেই জীৱনক ভাল পাবলৈ চেষ্টা কৰিছে। যন্ত্ৰণাক তেওঁ সমস্যা হিচাপে নাভাবি জীয়াই থকাৰ মন্ত্ৰ হিচাপে লৈছে। দুখ-যন্ত্ৰণাৰ মাজৰ পৰাই তেওঁ জীৱনৰ যুঁজ চলাই নিয়াৰ কৌশল শিকিছে।
(খ) কোনোবা আহিব মোৰ দৰে কোনো দিনা?
মোৰ সুৰতেই বাজিব নতুন বীণা?
ওহোঁ সেয়া হ’ব নতুন মানুহ
সেই দিনো হ’ব নতুন দিন
মোৰ তাত একো নাথাকে চিন।
উত্তৰঃ সংগতি: ব্যাখ্যাকৰিবলগীয়া পংক্তিকেইটা আমাৰ পাঠ্যপুথিত সন্নিৱিষ্ট নৱকান্ত বৰুৱা ৰচিত ‘উভতি নহাৰ কবিতা’ শীৰ্ষক কাব্যৰ পৰা উদ্ধৃত কৰা হৈছে।
প্রসংগ: সময়ৰ গতিশীলতাৰ ফলত পুৰণি ধাৰণা উটি গৈ হেৰাই যাব আৰু তাৰ ঠাই ল’ব নতুন আদৰ্শই— কবিয়ে এই ব্যাখ্যেয় কবিতাফাকিৰ জৰিয়তে এই চিৰন্তন সত্যটোৱেই দাঙি ধৰিছে।
ব্যাখ্যা: প্ৰকৃতিৰ নীতি অনুসৰিয়েই কবিয়ে এই পৃথিৱীত জন্ম লৈছে। পৃথিৱীখনক ভাল পায় বাবে কবিয়ে দুখ-যন্ত্ৰণা পাহৰি হাঁহি হাঁহি জীৱন অতিবাহিত কৰিছে। কিন্তু কবিয়ে জানে যে এদিন তেওঁ পৃথিৱী এৰি যাব লাগিব। তেওঁৰ মৃত্যুৰ পাছত তেওঁক অনুকৰণ কৰি উত্তৰ প্ৰজন্মই হয়তো বহু কাম কৰিব। কিন্তু তেওঁলোক হ’ব এক নতুন যুগৰ মানুহ। নতুন চিন্তা-চৰ্চা, ধ্যান-ধাৰণাৰে তেওঁলোকে আগবাঢ়ি যাব, য’ত পুৰণিৰ কোনো গুৰুত্ব নাথাকিব। সময় চিৰ পৰিৱৰ্তনশীল। সময়ৰ বুকুত উঠি নৱপ্ৰজন্ম সম্পূৰ্ণ পৃথক হৈ পৰিব। সেয়েহে কবিয়ে অনুভৱ কৰে যে নতুন আদৰ্শৰ গুৰুত্ব বৃদ্ধি পোৱাৰ লগে লগে তেওঁৰ দৰে পুৰণি চিন্তাৰ কোনো চিন বা মূল্য নতুন দিনত নাথাকিব।
দ্বাদশ শ্ৰেণী অসমীয়া (উভতি নহাৰ কবিতা) – সঘনাই সোধা প্ৰশ্ন
Get Free NCERT PDFs
If you want to download free PDFs of any chapter, click the link below and join our WhatsApp group:
