Class 12 Geography Chapter 6 – দ্বিতীয়ক বৃত্তি – All Question Solutions | ASSEB (AHSEC) Assamese Medium
দ্বাদশ শ্ৰেণী ভূগোল অধ্যায় ৬ – দ্বিতীয়ক বৃত্তিৰ আটাইবোৰ অনুশীলনী সমাধান (ASSEB – AHSEC, Assamese Medium)
এই অধ্যায়ত দ্বিতীয়ক বৃত্তি (Secondary Occupation)ৰ বিবৰণ আৰু গুরুত্ব, উৎপাদনৰ বিভিন্ন ক্ষেত্রে ইয়াৰ ভূমিকা আলোচনা কৰা হৈছে। দ্বিতীয়ক বৃত্তিত শিল্প, নিৰ্মাণ, কাৰখানা আৰু উৎপাদনকেন্দ্ৰীয় কাম-কাজ থাকে। অধ্যায়টোৱে ভাৰত আৰু বিশ্বৰ দ্বিতীয়ক বৃত্তিৰ ভৌগোলিক বিস্তাৰ আৰু প্ৰকাৰসমূহৰ ওপৰতো আলোকপাত কৰিছে।
✅ কি শিকিব:
- দ্বিতীয়ক বৃত্তি মানে কি আৰু তাৰ প্ৰকাৰ
- শিল্প আৰু উৎপাদনৰ ভূমিকা
- ভূগোলত দ্বিতীয়ক বৃত্তিৰ বিস্তাৰ আৰু কাৰকসমূহ
- ভাৰতৰ দ্বিতীয়ক বৃত্তিৰ বৈশিষ্ট্য আৰু বিকাশ
🎯 অস্পীন একেডেমীৰ সুবিধা:
- ASSEB (AHSEC) পাঠ্যক্ৰমৰ সৰ্বাঙ্গীন সমাধান
- অধ্যায় ৬ৰ প্ৰশ্নৰ স্পষ্ট আৰু বুজাব পৰা উত্তৰ
- অসমীয়া মাধ্যমৰ শিক্ষাৰ্থীৰ বাবে সহজ ভাষা
- পৰীক্ষাৰ বাবে উপযোগী উদাহৰণ আৰু টিপচ
Class 12 Geography (ভূগোল) | Assamese Medium | All Chapter Solutions PDF
Limited Time Offer!
(For AHSEC Class 12, Latest Syllabus)
Get comprehensive preparation for Class 12 Geography (Assamese Medium) with this chapter-wise solutions PDF.
Includes complete textual answers, definitions, solved problems, maps, and key explanations for every chapter as per latest AHSEC syllabus.
Ideal for home study, homework help, and quick exam revision!
অধ্যায়-৬
দ্বিতীয়ক বৃত্তি (Secondary Activities)
পাঠভিত্তিক প্রশ্নোত্তৰ
অনুশীলনী
১। নিম্নোল্লিখিত বিকল্পসমূহৰ পৰা শুদ্ধ উত্তৰটো বাছি উলিওৱাঃ—
(i) নিম্নোল্লিখিত উক্তিসমূহৰ ভিতৰত কোনটো ভুলকৈ আছে?
(ক) হুগলী নদীৰে থকা সস্তীয়া জলপৰিবহন ব্যৱস্থাৰ বাবে মৰাপাট উদ্যোগ সুবিধা হৈছে।
(খ) চেনি, কপাহী বয়ন আৰু উদ্ভিদজাত তেল হ’ল চলন্ত শিল্প উদ্যোগ।
(গ) জলবিদ্যুৎ আৰু পেট্রোলিয়ামৰ বিকাশৰ ফলত উদ্যোগৰ অৱস্থান নির্ণায়ক কাৰক হিচাপে থকা কয়লা শক্তিৰ ভূমিকা বিস্তৃত হাৰত হ্রাস পাইছে।
(ঘ) ভাৰতবৰ্ষৰ বন্দৰ চহৰবোৰে শিল্প উদ্যোগক আকৰ্ষিত কৰে।
উত্তৰঃ (খ) চেনি, কপাহী বয়ন আৰু উদ্ভিদজাত তেল হ’ল চলন্ত শিল্প উদ্যোগ।
(ii) নিম্নোল্লিখিত অৰ্থনৈতিক প্ৰকাৰবোৰৰ, কোনটো ব্যক্তিগত উৎপাদনৰ কাৰক হিচাপে থাকে?
(ক) পুঁজিপতি।
(খ) মিশ্রিত
(গ) সমাজতান্ত্রিক।
(ঘ) এটাও নহয়।
উত্তৰঃ (ক) পুঁজিপতি
(iii) নিম্নোল্লিখিত উদ্যোগসমূহৰ ভিতৰত কোনবিধে আন আন উদ্যোগৰ বাবে কেঁচামাল উৎপাদন কৰে?
(ক) কুটীৰ শিল্প।
(খ) ক্ষুদ্র উদ্যোগ
(গ) মৌলিক উদ্যোগ।
(ঘ) চলন্ত শিল্প উদ্যোগ
উত্তৰঃ (গ) মৌলিক উদ্যোগ
(iv) নিম্নোল্লিখিত অংশবোৰৰ ভিতৰত কোনটো শুদ্ধভাৱে সমকক্ষ হৈ আছে?
(ক) গাড়ী মটৰৰ উদ্যোগ: লচ্ এঞ্জেলচ্
(খ) জাহাজ নির্মাণ উদ্যোগ: লুচাকা
(গ) উৰাজাহাজ উদ্যোগঃ ফ্ল’ৰেন্স
(ঘ) লো আৰু তীখা উদ্যোগ: পিটছ্ বার্গ
উত্তৰঃ (ঘ) লো আৰু তীখা উদ্যোগঃ পিটছ্ বার্গ
২। ৩০টা মান শব্দেৰে নিম্নোল্লিখিতসমূহৰ ওপৰত চমুটোকা লিখাঃ—
(i) উচ্চ প্ৰযুক্তিৰ উদ্যোগ
উত্তৰঃ উচ্চ প্ৰযুক্তিবিদ্যা হৈছে ঔদ্যোগিক কাৰ্যকলাপৰ পৰৱৰ্তী স্তৰ। গভীৰভাৱে কৰা অনুসন্ধান আৰু বিকাশৰ প্ৰয়োগেৰে উন্নত বিজ্ঞানসন্মত আৰু কাৰিকৰী গুণবিশিষ্ট সামগ্ৰীৰ প্ৰস্তুতকৰণৰ জৰিয়তে ইয়াক বুজিব পাৰি। ইয়াত প্ৰকৃত শ্ৰমিকতকৈ (নীলা কলারযুক্ত) উচ্চ দক্ষতা থকা বিশেষজ্ঞ আৰু পেছাদাৰী (বগা কলারযুক্ত) কৰ্মীৰ সংখ্যা বেছি হয়।
(ii) নির্মাণ শিল্প
উত্তৰঃ নিৰ্মাণ শিল্পসমূহে কেঁচা সামগ্ৰীবোৰক অধিক মূল্যৱান দ্ৰব্যলৈ ৰূপান্তৰ কৰি প্ৰাকৃতিক সম্পদবোৰৰ মূল্য বৃদ্ধি কৰে। ই কুটীৰ শিল্পৰ পৰা আৰম্ভ কৰি লো আৰু তীখাৰ সাঁচত তৈয়াৰ কৰা বস্তু, প্লাষ্টিকৰ পুতলা, কম্পিউটাৰ নাইবা মহাকাশযান নিৰ্মাণ কৰা কামবোৰকো সামৰি লয়।
(iii) চলন্ত শিল্প উদ্যোগ
উত্তৰঃ চলন্ত শিল্প উদ্যোগ বিভিন্ন ঠাইত ব্যাপকভাৱে অৱস্থিত হ’ব পাৰে। এইবোৰে কোনো বিশেষ ধৰণৰ কেঁচামাল, ওজন হ্ৰাস, অথবা আন কোনো কাৰকৰ ওপৰত নিৰ্ভৰশীল নহয়। এই উদ্যোগবোৰ যিকোনো ঠাইৰ পৰা আহৰণ কৰিব পৰা উপাদানৰ ওপৰত বেছিকৈ নিৰ্ভৰশীল। এনে উদ্যোগত উৎপাদনৰ পৰিমাণ আৰু বনুৱাৰ নিযুক্তি কম হয়। ৰাস্তা-ঘাটৰ সুগম অৱস্থাই এই উদ্যোগৰ অৱস্থান নিৰ্ণায়ক কাৰক।
৩। ১৫০টা শব্দতকৈ অধিক নোহোৱাকৈ নিম্নোল্লিখিতসমূহৰ উত্তৰ লিখা।
(i) প্রাথমিক আৰু দ্বিতীয়ক কাৰ্যসমূহৰ পার্থক্য লিখা।
উত্তৰঃ প্রাথমিক আৰু দ্বিতীয়ক কাৰ্যসমূহৰ পাৰ্থক্যসমূহ তলত দিয়া ধৰণৰঃ
প্রাথমিক কার্য | দ্বিতীয়ক কার্য |
|---|---|
(i) প্রাথমিক কাৰ্যবোৰ প্ৰত্যক্ষভাৱে পৰিৱেশৰ ওপৰত নিৰ্ভৰশীল, যিহেতু ই পৃথিৱীৰ উপাদানসমূহ যেনে- মাটি, পানী, উদ্ভিদ, নির্মাণ সামগ্ৰী আৰু খনিজ পদার্থসমূহ ব্যৱহাৰ কৰে। | (i) দ্বিতীয়ক কার্যই কেঁচা সামগ্ৰীবোৰক মূল্যৱান দ্রব্যলৈ ৰূপান্তৰ কৰি প্ৰাকৃতিক সম্পদবোৰৰ মূল্য বৃদ্ধি কৰে। |
(ii) ই চিকাৰ, সংগ্রহ, পশুচাৰণ কাৰ্য, মৎস্যবৃত্তি, বননিৰ কুৱেৰি, কৃষি আৰু খনন কাৰ্যক সামৰি লয়। | (ii) ই অধিক সামগ্ৰীৰ প্ৰস্তুতকৰণ, প্ৰক্ৰিয়াকৰণ আৰু নিৰ্মাণ শিল্প সমূহক সামৰি লয়। |
(iii) এইবোৰে নিম্ন উপাৰ্জন কৰে আৰু কিছুমানে বজাৰত বিক্ৰীৰ বাবে দ্বিতীয়ক কাৰ্যৰ দ্বাৰা প্ৰক্ৰিয়াকৰণ কৰিব লগা হয়। | (iii) এইবোৰে উচ্চ মূল্যৰ সামগ্ৰী উৎপন্ন কৰে, যিহেতু তেওঁলোকে প্রক্রিয়াগত সামগ্রী বিক্ৰী কৰে। কেঁচা সামগ্ৰীৰ সংগ্ৰহৰ বাবে এইবোৰ প্ৰাথমিক কাৰ্যৰ ওপৰত নিৰ্ভৰশীল। |
(iv) অর্থনীতিৰ বিকাশ হ’লে প্রাথমিক কাৰ্যৰ অংশীদাৰিত্ব হ্রাস পায়। | (iv) অর্থনীতিৰ বিকাশ হ’লে দ্বিতীয়ক কাৰ্যৰ অংশীদাৰিত্ব বৃদ্ধি পায়। |
(ii) পৃথিৱীৰ উন্নত দেশসমূহত সংঘটিত হৈ থকা মুখ্য আধুনিক ঔদ্যোগিক কার্যাবলীৰ আলোচনা কৰা।
উত্তৰঃ আধুনিক ঔদ্যোগিক কার্যাবলীসমূহে শক্তিৰ প্ৰয়োগ, সমৰূপ সামগ্ৰীৰ উৎপাদন আৰু নিৰ্ধাৰিত মান অনুসৰি পণ্যদ্রব্য উৎপাদন কৰোতে বিশেষত্ব থকা শ্রমিকক নিযুক্তি দিয়া কার্যসমূহক অন্তর্ভুক্ত কৰে। মুখ্য আধুনিক ঔদ্যোগিক কার্যাবলীসমূহ হ’লঃ
(ক) কার্যকুশলতাত বিশেষ উৎপাদন পদ্ধতিঃ বৃহৎ পৰিমাণৰ উৎপাদনৰ ক্ষেত্ৰত প্রতিজন কৰ্মীৰ দ্বাৰা মাত্ৰ এটা কামকে পুনৰাবৃত্তি কৰি বৃহৎ পৰিমাণত নিৰ্ধাৰিত মানবিশিষ্ট অংশৰ উৎপাদন কৰাটোক অন্তর্ভুক্ত কৰে।
(খ) যন্ত্ৰৰ প্ৰৱৰ্তনঃ কেতবোৰ সৰঞ্জাম ব্যৱহাৰ কৰি কাম কৰাকে যন্ত্ৰৰ প্ৰৱৰ্তন বোলা হয়। স্বয়ংক্রিয়তাক (অর্থাৎ মানুহৰ সহযোগিতা নথকাকৈ চলি থকা প্রক্রিয়া) যন্ত্ৰ প্ৰৱৰ্তনৰ এক অগ্রগামী স্তৰ হিচাপে আখ্যা দিব পাৰি। ফীকে আৰু আৱদ্ধ পাক গাঁঠিৰ স্বয়ংচালিত কাৰখানাবোৰে যন্ত্ৰবোৰক ‘চিন্তাশীল’ কৰি পৃথিৱীখন জাতিষ্কাৰ কৰি তুলিলে।
(গ) প্রযুক্তিবিদ্যাৰ উদ্ভাৱনঃ গুণগত নিয়ন্ত্রণ, আৱৰ্জনা আৰু অযোগ্যতা আতৰাবলৈ আৰু প্ৰদূষণ বিৰোধিতাৰ বাবে গৱেষণা আৰু বিকাশৰ কূটনৈতিক কৌশল প্রয়োগৰ দ্বাৰা প্ৰযুক্তিবিদ্যাৰ উদ্ভাৱন, আধুনিক ঔদ্যোগিক প্রক্রিয়াৰ এক প্রয়োজনীয় দিশ।
(ঘ) সাংগঠনিক গঠন আৰু স্তৰীকৰণঃ আধুনিক ঔদ্যোগিক প্ৰক্ৰিয়াৰ বৈশিষ্ট্যসমূহ হ’লঃ
(i) জটিল যান্ত্রিক প্রযুক্তি।
(ii) চৰম বিশেষত্বযুক্ত আৰু স্বল্প প্রচেষ্টা আৰু নিম্ন খৰছেৰে অধিক সামগ্রী উৎপাদন কৰাবলৈ শ্ৰমিকৰ শ্ৰমৰ বিভাজন।
(iii) বৃহৎ মূলধন
(iv) বৃহত্তম সংগঠন
(v) কার্যবাহী আমোলাতন্ত্র
(iii) বহুতো দেশত উচ্চ প্রযুক্তি থকা উদ্যোগসমূহ মুখ্য মহানগৰ কেন্দ্ৰবোৰৰ সমীপবর্তী অঞ্চলবোৰলৈ আকর্ষিত হয়। ব্যাখ্যা কৰা।
উত্তৰঃ উচ্চ প্ৰযুক্তিবিদ্যা হৈছে ঔদ্যোগিক কাৰ্যকলাপৰ পৰৱৰ্তী প্ৰজন্ম। এই উদ্যোগবোৰ মুখ্য মহানগৰ কেন্দ্ৰবোৰৰ সমীপৱৰ্তী অঞ্চললৈ আকৰ্ষিত হোৱাৰ কাৰণসমূহ তলত ব্যাখ্যা কৰা হ’ল:
১) পেছাদাৰী কৰ্মীৰ প্ৰয়োজন: এই উদ্যোগৰ মুঠ শ্ৰমশক্তিৰ এক বৃহৎ অংশ কাৰ্যকুশলী পেছাদাৰী কৰ্মীসকলৰ (বিশেষজ্ঞ, বিজ্ঞানী আদি) দ্বাৰা গঠিত। এই কৰ্মীসকলে নগৰীয়া অঞ্চলত অৱস্থান কৰে, কিন্তু চহৰৰ কেন্দ্ৰীয় অঞ্চলৰ ভূমিৰ মূল্য অধিক হোৱা বাবে তেওঁলোকে সস্তীয়া দৰত সেই সুবিধা লাভ কৰিব পৰা সমীপৱৰ্তী অঞ্চলবোৰত বসতি স্থাপন কৰে।
২) স্থানৰ প্ৰাপ্যতা: জনসংখ্যা বৃদ্ধি হোৱাৰ বাবে, উদ্যোগসমূহক প্ৰয়োজন হোৱা বিশাল ভূমি মুখ্য মহানগৰসমূহত উপলব্ধ নহয়। সেয়েহে, এই উদ্যোগসমূহ মুখ্য মহানগৰ কেন্দ্ৰবোৰৰ সমীপৱৰ্তী অঞ্চলত অৱস্থিত হয়, য’ত পৰ্যাপ্ত স্থান সুলভ।
৩) সু-সংযুক্ত যাতায়াত: সমীপৱৰ্তী অঞ্চলবোৰে মহানগৰৰ উন্নত যাতায়াত আৰু যোগাযোগৰ সা-সুবিধাৰ পৰাও লাভালাভ কৰিব পাৰে।
(iv) আফ্রিকা মহাদেশত বহু প্ৰকাৰৰ প্ৰাকৃতিক সম্পদ আছে আৰু তথাপি শিল্প উদ্যোগত পিছপৰি আছে। মতামত দর্শোৱা।
উত্তৰঃ যদিও আফ্ৰিকা মহাদেশত বহু প্ৰকাৰৰ প্ৰাকৃতিক সম্পদ আছে, তথাপিও শিল্প উদ্যোগত ই পিছপৰি আছে। ইয়াৰ কাৰণসমূহ তলত দৰ্শোৱা হ’ল:
(ক) আদিম উৎপাদন পদ্ধতি: আফ্ৰিকীয় উদ্যোগসমূহে উৎপাদন প্ৰক্ৰিয়াৰ বাবে এতিয়াও আদিম পদ্ধতিসমূহ ব্যৱহাৰ কৰে, যিয়ে ইয়াৰ উৎপাদনৰ স্তৰ নিম্ন কৰিছে।
(খ) কাৰ্যকুশলী মানৱ সম্পদৰ অভাৱ: পৰ্যাপ্ত প্ৰশিক্ষণ আৰু সা-সুবিধাৰ অভাৱে বেছিভাগ আফ্ৰিকীয় দেশক নিম্ন কাৰ্যকুশলী মানৱ মূলধনযুক্ত কৰি তুলিছে আৰু বেছিভাগ কাৰ্যশক্তি অকাৰ্যকুশলী হৈ ৰৈ গৈছে।
(গ) নিম্ন স্তৰৰ যান্ত্ৰিকতা: নিম্ন স্তৰৰ যান্ত্ৰিকতাই আফ্ৰিকাৰ উদ্যোগসমূহৰ উৎপাদন স্তৰ হ্ৰাস কৰিছে আৰু বিশ্বৰ আগশাৰীৰ উদ্যোগসমূহৰ শাৰীৰ পৰা ইয়াক বিচ্ছিন্ন কৰিছে।
(ঘ) সংগঠন আৰু শ্ৰম বিভাজনৰ অভাৱ: বৃহৎ বাণিজ্য প্ৰতিষ্ঠানৰ বাবে উচ্চ স্তৰীয় সংগঠন আৰু এক উপযুক্ত শ্ৰমৰ বিভাগৰ প্ৰয়োজন। এইসমূহ বিষয় মহাদেশখনত অনুপস্থিত আছে।
(ঙ) আন্তঃগাঁথনিৰ দুৰ্বলতা: কেঁচা সামগ্ৰীসমূহ পৰিবহণৰ অনুপযুক্ত ব্যৱস্থা, সঠিক যোগাযোগৰ অভাৱ আৰু আন্তঃৰাষ্ট্ৰীয় বজাৰৰ সৈতে দুৰ্বল সংযোগে এই ক্ষেত্ৰত বাধা জন্মায়।
(চ) ৰাজনৈতিক অস্থিৰতা: বেছিভাগ আফ্ৰিকীয় দেশসমূহত ৰাজনৈতিক অস্থিৰতা দেখা যায়, যাৰ ফলত উদ্যোগ বিকাশৰ বাবে অত্যাৱশ্যকীয় এক দীৰ্ঘম্যাদী আৰু সুস্থ প্ৰশাসনৰ অভাৱ পৰিলক্ষিত হয়। সেয়েহে বিদেশী বহুজাতিক কোম্পানীয়ে এই দেশসমূহত বিনিয়োগ কৰাৰ পৰা আঁতৰত থাকে।
(ছ) যোগাযোগৰ সমস্যা: আধুনিক উদ্যোগৰ বিকাশৰ বাবে উপযুক্ত যাতায়াতৰ সংযোগৰ প্ৰয়োজন, যাতে এক সংহত অৰ্থনীতিৰ সৃষ্টি হ’ব পাৰে। আফ্ৰিকাত ঘাইপথ, ৰে’লপথ আৰু বায়ুপথৰ উপযুক্ত যোগাযোগ ব্যৱস্থাৰ অভুতপূৰ্ব অভাৱ দেখা যায়।
দ্বাদশ শ্ৰেণী ভূগোল অধ্যায় ৬ – সঘনাই সোধা প্ৰশ্ন
Get Free NCERT PDFs
If you want to download free PDFs of any chapter, click the link below and join our WhatsApp group:
