Class 6 Apun Path Chapter 12 বুদ্ধিয়ক টেটোন Solutions | AJB

ষষ্ঠ শ্ৰেণী আপোন পাঠ অধ্যায় ১২ – বুদ্ধিয়ক টেটোন – সম্পূৰ্ণ পাঠ্যভিত্তিক সমাধান | AJB

ষষ্ঠ শ্ৰেণী আপোন পাঠ অধ্যায় ১২ – বুদ্ধিয়ক টেটোন সম্পূৰ্ণ পাঠ্যভিত্তিক প্ৰশ্নোত্তৰ আৰু সমাধান (AJB)

ষষ্ঠ শ্ৰেণীৰ ‘আপোন পাঠ’ (Apun Path) পাঠ্যক্ৰমৰ দ্বাদশ অধ্যায় ‘বুদ্ধিয়ক টেটোন’ এখন অতি আমোদজনক আৰু গুৰুত্বপূৰ্ণ পাঠ। অসম জাতীয় বিদ্যালয় (AJB) ৰ নতুন পাঠ্যক্ৰমৰ আধাৰত এই অধ্যায়ৰ সম্পূৰ্ণ পাঠ্যভিত্তিক প্ৰশ্নোত্তৰ (Class 6 Apun Path Chapter 12 Textual Question Answer) প্ৰস্তুত কৰা হৈছে। এই বিশেষ সংকলনটিত পাঠভিত্তিক অতি চমু প্ৰশ্ন, চমু প্ৰশ্ন, দীঘলীয়া প্ৰশ্ন, অতিৰিক্ত প্ৰশ্ন (Additional Questions), MCQ আৰু ব্যাকৰণৰ পুংখানুপুংখ সমাধান অন্তৰ্ভুক্ত কৰা হৈছে। অস্পীন একেডেমী (Ospin Academy) ত এই সমাধানসমূহ সহজ, নিৰ্ভুল আৰু সম্পূৰ্ণ পৰীক্ষামুখীভাৱে উপলব্ধ কৰোৱা হৈছে।

‘বুদ্ধিয়ক টেটোন’ নামৰ এই পাঠটিত টেটোনৰ উপস্থিত বুদ্ধি, চতুৰালি আৰু হাস্যৰসৰ এক সুন্দৰ বৰ্ণনা দাঙি ধৰা হৈছে। ছাত্ৰ-ছাত্ৰীসকলৰ বাবে এই সাধুকথাটিৰ মূল ভাৱ, শব্দাৰ্থ আৰু তাৎপৰ্য বুজি পোৱাটো অতি প্ৰয়োজনীয়। আমাৰ এই পাঠ্যভিত্তিক সমাধানত (Textual Solutions) কেৱল পাঠ্যপুথিৰ অনুশীলনীৰ প্ৰশ্নসমূহেই নহয়, বৰঞ্চ পৰীক্ষাত আহিব পৰা অতিৰিক্ত গুৰুত্বপূৰ্ণ প্ৰশ্ন-উত্তৰসমূহো সামৰি লোৱা হৈছে যাতে ছাত্ৰ-ছাত্ৰীসকলে সুন্দৰভাৱে প্ৰস্তুতি চলাব পাৰে।

এই পাঠ্যভিত্তিক সমাধানৰ পৰা আপুনি কি কি শিকিব আৰু পাব:

• বুদ্ধিয়ক টেটোন পাঠৰ মূল কাহিনীভাগৰ সহজ বিশ্লেষণ আৰু শব্দাৰ্থ।
• পাঠভিত্তিক অনুশীলনীৰ সকলো প্ৰশ্নৰ নিৰ্দোষ আৰু মান্য উত্তৰ।
• পাঠভিত্তিক ব্যাকৰণ আৰু সমাৰ্থক, বিপৰীত শব্দৰ সঠিক জ্ঞান।
• নতুন পাঠ্যক্ৰমৰ আৰ্হি অনুসৰি গুৰুত্বপূৰ্ণ অতিৰিক্ত প্ৰশ্নসমূহৰ (Additional Questions) লগতে শেহতীয়া আৰ্হিৰ MCQ প্ৰশ্নৰ সমাধান।

অস্পীন একেডেমীৰ এই প্ৰশ্নোত্তৰসমূহৰ বিশেষ সুবিধা:

• শেহতীয়া AJB নতুন পাঠ্যক্ৰমৰ আধাৰত প্ৰস্তুত কৰা সম্পূৰ্ণ পাঠ্যভিত্তিক সমাধান।
• ১০০% নিৰ্ভুল আৰু ছাত্ৰ-ছাত্ৰীয়ে মুখস্থ কৰিবলৈ সহজ হোৱাকৈ সৰল অসমীয়া ভাষাত লিখা উন্নত মানৰ নোটছ (Class 6 Apun Path Notes)।
• পৰীক্ষাৰ পূৰ্বে দ্ৰুত ৰিভিজনৰ (Quick Revision) বাবে বিশেষভাৱে যুগুতোৱা সহজ-সৰল উত্তৰ।
• বুদ্ধিয়ক টেটোন পাঠৰ পৰা পৰীক্ষাত আহিব পৰা অতিৰিক্ত গুৰুত্বপূৰ্ণ প্ৰশ্নৰ বিশেষ সংকলন।

ছাত্ৰ-ছাত্ৰীসকলৰ শৈক্ষিক উত্তৰণৰ প্ৰতি লক্ষ্য ৰাখি অস্পীন একেডেমীয়ে এই বিশেষ পাঠ্যভিত্তিক সমাধান আগবঢ়াইছে। আপোনাৰ পৰীক্ষাৰ প্ৰস্তুতি এতিয়াই আৰম্ভ কৰক আৰু আপোন পাঠ বিষয়ত সৰ্বোচ্চ নম্বৰ লাভ কৰাৰ দিশত আগবাঢ়ক।

v

 অসম জাতীয় বিদ্যালয়, ষষ্ঠ শ্ৰেণী: আপোন পাঠ

অধ্যায়-12                                        অস্পিন একাডেমী

বুদ্ধিয়ক টেটোন

পাঠভিত্তিক প্রশ্নোত্তৰ

১।  শব্দার্থ লিখা-

চহকী, কপালফুল, গহীনাই, অনাদৰ, পাতাল, ফুচুলাই, জগৰ, গুচৰীয়া, শলাগি, ৰগৰ, লিগিৰী, পিৰালি, তবধ, হেংদাং।

উত্তৰঃ

শব্দ	অৰ্থ
চহকী	ধনী, বিত্তবান
কপালফুল	ভাগ্য উদয় হোৱা
গহীনাই	গভীৰভাবে, নম্রভাবে
অনাদৰ	আদব নোহোৱা
পাতাল	মাটিৰ তলভাগ
ফুচুলাই	ফাঁকি দি, ঠগবাজী কৰি
জগৰ	দোষ
গুচৰীয়া	গোচৰ দিওঁতা
শলাগি	কৃতজ্ঞতা প্ৰকাশ কৰি
ৰগৰ	ৰং-ধেমালি
লিগিৰী	আলপৈচান ধৰা (কাম কৰা) ছোৱালী
পিৰালি	ঘৰৰ মজিয়া
তবধ	আচৰিত হোৱা, তধা লগা; আহোমসকলে ব্যৱহাৰ কৰা তৰোৱাল

২। চমুকৈ উত্তৰ দিয়া-

(ক) টেটোনক ঘৰৰখীয়া কৰি ঘৰৰ বাকীবোৰ মানুহ ক’লে গৈছিল?

উত্তৰঃ টেটোনক ঘৰ ৰখিবলৈ এৰি থৈ পৰিয়ালৰ বাকী মানুহখিনি খেতি-বাতি কৰিবলৈ আৰু মাছ ধৰিবলৈ ওলাই গৈছিল। দেউতাক হাল বাবলৈ, মাক পথাৰত ভূঁই ৰুবলৈ আৰু বায়েকজনীয়ে মাছ মাৰিবৰ অৰ্থে ঘৰৰ পৰা গৈছিল।

(খ) ভিনিহিয়েকে টেটোনক কি সুধিছিল আৰু তাৰ উত্তৰত টেটোনে কি কৈছিল?

উত্তৰঃ ঘৰত সোমায়েই ভিনিহিয়েকে টেটোনক পোনতে প্ৰশ্ন কৰিছিল- ‘বাপেৰে ঘৰত আছেনে?’ তাৰ উত্তৰ হিচাপে টেটোনে জনালে- ‘পিতাই পাতাল চিৰি তলৰ মাটি ওপৰলৈ আনিবলৈ গৈছে।’ তাৰ পিছত ভিনিহিয়েকে পুনৰ সুধিলে, ‘মাৰ ক’লৈ গ’ল হেৰৌ?’ তেতিয়া টেটোনে ক’লে- ‘আই গৈছে সাদিনীয়া পঁইতা ভাত খাই মৰাক জীয়াবলৈ।’ একেবাৰে অন্তত ভিনিহিয়েকে ‘বায়েৰ একা?’ বুলি প্ৰশ্ন কৰাত টেটোনে উত্তৰ দিলে- ‘বাই গৈছে সাগৰ চালি মাণিক তুলিবলৈ।’ এইদৰেই ভিনিহিয়েকৰ প্ৰতিটো প্ৰশ্নৰ উত্তৰ টেটোনে অকোৱা-পকোৱাকৈ দিছিল।

(গ) টেটোনক কিয় ঘৰৰ পৰা খেদি পঠিওৱা হৈছিল?

উত্তৰঃ টেটোনৰ পৰা এনেকুৱা পাক লগা কথা শুনি ভিনিহিয়েকৰ খং চুলিৰ আগ পালেগৈ আৰু তেওঁ লগে লগে শহুৰেকৰ ঘৰৰ পৰা ঘূৰি গ’ল। পৰিয়ালৰ মানুহবোৰ ঘৰলৈ অহাৰ পিছত যেতিয়া গোটেই ঘটনাটো জানিব পাৰিলে, তেতিয়া আলহী ভিনিহিয়েকক তেনেদৰে অপমান কৰাৰ দোষত ঘৰৰ সকলোৱে মিলি টেটোনক ঘৰৰ পৰা বাহিৰ কৰি দিলে।

(ঘ) টেটোনক কোনে আৰু কিয় বান্ধিছিল?

উত্তৰঃ ঘৰৰ পৰা ওলাই যোৱাৰ পিছত টেটোনে দুখ মনেৰে আৰু ভোকে-লঘোণে গৈ থকা অৱস্থাত বাটতে এটা চোৰৰ দলক লগ পালে। চোৰৰ দলটোৱে টেটোনকো নিজৰ লগত লৈ ৰাতি এখন ঘৰত চুৰি কৰিবলৈ সোমাল। সিন্ধি খান্দি ঘৰটোৰ ভিতৰত সোমাই আন্ধাৰৰ মাজত বস্তু বিচাৰি থাকোঁতে হঠাতে এটা ফটা ঢোলত টেটোনৰ হাত লাগিল। ঢোলৰ শব্দ শুনি গৃহস্থ সাৰ পাই উঠিল আৰু চোৰ বুলি সন্দেহ কৰি টেটোনক হাতে-ভৰিয়ে বান্ধি পেলালে।

(ঙ) গৰুৰ গৰাকীয়ে কিব ৰজাক গোচৰ দিবলৈ ওলাইছিল?

উত্তৰঃ টেটোনে বোলে এটা গৰুক একেটা কোবতে বধ কৰিলে, এনেকুৱা এটা অভিযোগ আনি গৰুটোৰ মালিকে টেটোনৰ বিপক্ষে ৰজাৰ ওচৰত গোচৰ দিবলৈ সাজু হৈছিল।

(চ) টেটোনৰ তৃতীয় জগৰটো কি আছিল?

উত্তৰঃ এগৰাকী বৃদ্ধা পোহাৰীৰ বুকুত লাথি মৰাটোৱেই আছিল টেটোনে কৰা তৃতীয়টো দোষ বা জগৰ।

(ছ) জগৰীয়া টেটোনে বিচাৰ চ’ৰাত ৰজাক কি বুলি উত্তৰ দিছিল?

উত্তৰঃ ৰজাৰ বিচাৰ সভাত প্ৰথমটো গোচৰৰ উত্তৰ হিচাপে দোষী টেটোনে ৰজাক ওলোটাই প্ৰশ্ন সুধিলে- ‘স্বৰ্গদেউ, কোনোবা চোৰে বাৰু ঢোল বজাই গৃহস্থক সাৰ পোৱাই চুৰি কৰেনে?’ দ্বিতীয়টো গোচৰৰ উত্তৰত টেটোনে জনালে যে- সি একো দোষ কৰা নাই। গৰুৰ মালিকে নিজেই তাৰ গৰুটোক কোনোবাই একে কোবতে মাৰি পেলালে ভাল আছিল বুলি কৈ থকা বাবেহে সি গৰুটো বধ কৰিলে। এই কথাষাৰ সঁচানে মিছা, সেই বিষয়ে গৰুৰ গৰাকীক প্ৰশ্ন কৰিবলৈ টেটোনে ৰজাক অনুৰোধ কৰিলে।

(জ) ৰজাই টেটোনক কিয় ধন দিবলগীয়া হৈছিল?

উত্তৰঃ আটাইকেইটা গোচৰতে ৰজাই টেটোনক দোষমুক্ত বুলি ঘোষণা কৰাত গোচৰীয়া মানুহকেইজনে লাজ পাই তাৰ পৰা আঁতৰি গ’ল। তাৰ পিছত টেটোনে ৰজাক ক’লে- ‘মহাৰাজ, ন্যায়সোধা ফুকন ডাঙৰীয়াই তিনিওটা গোচৰৰ বিচাৰত মই দিয়া উত্তৰসমূহক ক্ৰমে এশটকীয়া, এহাজাৰটকীয়া আৰু লাখটকীয়া বুলি শলাগ লৈছিল। গতিকে মহাৰাজে ঘোষণা কৰা সেই ধনৰাশি এতিয়া মোক দিব লাগে।’ অৱশেষত ৰজাই টেটোনৰ এনেকুৱা উপস্থিত বুদ্ধিত তবধ মানি তাক সেই ধনখিনি প্ৰদান কৰিবলৈ বাধ্য হৈ পৰিল।

(ঝ) তগৰ কোন? তগৰে টেটোনক কিয় মাতিছিল?

উত্তৰঃ তগৰ আছিল ন্যায়সোধা ফুকনৰ নিজা কন্যা। তগৰহঁতৰ ঘৰৰ সন্মুখৰ ৰাস্তাত থিয় হৈ টেটোনে এটা টোম হাতত লৈ চিঞৰি চিঞৰি কৈ আছিল যে— যি মানুহে তাক পেট ভৰাই এসাঁজ সুন্দৰকৈ ভাত খুৱাব পাৰিব, তেওঁকে সি এক লাখ টকাৰ টোমটো দি দিব। টেটোনৰ এনে চিঞৰ শুনি তগৰে এগৰাকী লিগিৰীৰ হাতত তাক নিজৰ ঘৰৰ ভিতৰলৈ মাতি পঠিয়াইছিল।

(ঞ) তগৰক টেটোনে টোমটো কিয় দিছিল ?

উত্তৰঃ টেটোনে বিচৰা মতেই তগৰে তাক বৰ যত্ন আৰু আদৰেৰে পেট ভৰাই এসাঁজ ভাত খাবলৈ দিলে, আৰু তাৰ পুৰস্কাৰ স্বৰূপেই টেটোনে তগৰক সেই ধনৰ টোমটো অৰ্পণ কৰিছিল।

(ট) টেটোনে ৰজাক কি প্রশ্ন সুধিছিল আৰু উত্তৰত ৰজাই কি বুলি কৈছিল?

উত্তৰঃ ‘কোনে নিজৰ লগত লোকৰ ধন সযতনে ৰাখে, কাক গা-পা ধুৱাই, বৰপীৰাত বহুৱাই ভাত খাবলৈ দিয়ে আৰু শৰাইত তামোল-পাণ সজাই দিয়ে?’ বুলি টেটোনে ৰজাৰ আগত এটা প্ৰশ্ন ৰাখিছিল। ইয়াৰ উত্তৰ হিচাপে ৰজাই ক’লে- ‘হেৰৌ, এইটো বাৰু সুধিবলগীয়া প্ৰশ্ন নে? এজনী ঘৈণীয়েকে নিজৰ গিৰীয়েককহে এনেকুৱা আদৰ-যত্ন কৰে।’

(ঠ) ন্যায়সোধা ফুকনৰ কিয় খং উঠিছিল আৰু শেষত সেই খং কিদৰে আঁতৰিল?

উত্তৰঃ নিজৰ উপস্থিত বুদ্ধি প্ৰয়োগ কৰি টেটোনে যেতিয়া ন্যায়সোধা ফুকনৰ জীয়েক তগৰক বিয়া পাতিবলৈ ওলাল, তেতিয়া ফুকনৰ খং জ্বলি উঠিল। খঙৰ ভমকত ন্যায়সোধা ফুকনে হেংদাং হাতত লৈ টেটোনক কাটিবলৈ খেদি যোৱাত ৰজাই ফুকনক বুজনি দি শান্ত কৰিলে। তাৰ পিছত ৰজাই ফুকনক ক’লে যে— টেটোন বুদ্ধিত বৃহস্পতিৰ নিচিনা চোকা, এনে এজন ল’ৰাক জোঁৱাইৰূপে পালে ফুকনৰ মৰ্যাদা বৃদ্ধিহে হ’ব। তগৰেও টেটোনৰ দৰে স্বামী পাই মুখ উজ্জ্বল কৰিব বুলি ৰজাই ফুকনক সৈমান কৰালে। ইয়াৰ উপৰিও ৰজাই টেটোনক ‘তামুলী বৰুৱা’ৰ পদবী প্ৰদান কৰিব বুলিও জনালে। ৰজাৰ এনে সিদ্ধান্তৰ ফলত টেটোন এজন ডাঙৰ ৰাজবিষয়া হৈ পৰিল আৰু ন্যায়সোধা ফুকনৰ খং সম্পূৰ্ণৰূপে মাৰ গ’ল।

৩। বাক্য ৰচনা কৰা-

কপালফুল, গপত গংগাটোপ, আহল-বহল, আঁকোৱা-পকোৱা, জীৱন-যাপন।

উত্তৰঃ

কপালফুল: (ভাগ্য উদয় হোৱা) ৰমেশে চৰকাৰী চাকৰিটো পোৱাৰ পিছৰে পৰা তেওঁলোকৰ ঘৰখনৰ কপাল ফুলিল।

গপত গংগাটোপ: (নিজকে ডাঙৰ বুলি ভবা) আমাৰ ওচৰৰ হৰি খুৰা অলপ কথাতে গপত গংগাটোপ হৈ পৰে।

আহল-বহল: (বহল বা ডাঙৰ) আমাৰ গাঁৱৰ খেলপথাৰখন দেখিবলৈ বৰ আহল-বহল।

আঁকোৱা-পকোৱা: (বেঁকা-বেকি) পাহাৰীয়া আঁকোৱা-পকোৱা ৰাস্তাত গাড়ী বৰ সাৱধানেৰে চলাব লাগে।

জীৱন-যাপন: (জীৱন ধাৰণ কৰা) নিজৰ সৎ কষ্টেৰে জীৱন-যাপন কৰিলে সদায় শান্তি পোৱা যায়।

৪। বুজা আৰু লিখা-

বুদ্ধি + অক = বুদ্ধিয়ক

মাটি + ঈয়া =

বন + অনি =

ল’ৰা + আলি =

মৰম + ইয়াল =

শেষ + অতীয়া =

লগ + অৰীয়া =

উত্তৰঃ

বুদ্ধি + অক = বুদ্ধিয়ক

মাটি + ঈয়া = মটীয়া

বন + অনি = বনানি

ল’ৰা + আলি = ল’ৰালি

মৰম + ইয়াল = মৰমিয়াল

শেষ + অতীয়া = শেহতীয়া

লগ + অৰীয়া = লগৰীয়া

ব্যাকৰণৰ চমু আলোচনা

১। পূর্বসর্গ বা উপসৰ্গ আৰু পৰসৰ্গ বা প্রত্যয় কাক বোলে?

উত্তৰঃ কোনো শব্দ বা ধাতুৰ একেবাৰে আগত যিবোৰ অতিৰিক্ত বৰ্ণ বা বৰ্ণৰ সমষ্টি ব্যৱহাৰ কৰা হয়, ব্যাকৰণৰ ভাষাত সেইবোৰকে পূৰ্বসৰ্গ বা উপসৰ্গ বুলি কোৱা হয়।

আনহাতেদি, শব্দ বা ধাতুৰ শেষৰফালে যিবোৰ অতিৰিক্ত চিন বা বৰ্ণ লগোৱা হয়, তেনেবোৰ চিনক পৰসৰ্গ বা প্ৰত্যয় বোলা হয়।

২। প্রত্যয় মূলতঃ কেইপ্ৰকাৰৰ আৰু কি কি?

উত্তৰঃ প্ৰত্যয়ক মূলতঃ দুটা প্ৰধান ভাগত বিভক্ত কৰা হৈছে। সেই ভাগ দুটা হ’ল— কৃৎ প্ৰত্যয় আৰু তদ্ধিত প্ৰত্যয়।