ষষ্ঠ শ্ৰেণী সমাজ বিজ্ঞান অধ্যায় ৭ – মৌলিক প্রয়োজন – সম্পূৰ্ণ পাঠ্যভিত্তিক সমাধান | AJB
ষষ্ঠ শ্ৰেণী সমাজ বিজ্ঞান অধ্যায় ৭ – মৌলিক প্রয়োজন সম্পূৰ্ণ পাঠ্যভিত্তিক প্ৰশ্নোত্তৰ আৰু সমাধান (AJB)
ষষ্ঠ শ্ৰেণীৰ সমাজ বিজ্ঞান (Social Science) পাঠ্যক্ৰমৰ সপ্তম অধ্যায় ‘মৌলিক প্রয়োজন’ এখন অতি গুৰুত্বপূৰ্ণ পাঠ। অসম জাতীয় বিদ্যালয় (AJB) ৰ নতুন পাঠ্যক্ৰমৰ আধাৰত এই অধ্যায়ৰ সম্পূৰ্ণ পাঠ্যভিত্তিক প্ৰশ্নোত্তৰ (Class 6 Samaj Bigyan Chapter 7 Textual Question Answer) প্ৰস্তুত কৰা হৈছে। এই বিশেষ সংকলনটিত পাঠভিত্তিক অতি চমু প্ৰশ্ন, চমু প্ৰশ্ন, দীঘলীয়া প্ৰশ্ন, অতিৰিক্ত প্ৰশ্ন (Additional Questions), আৰু MCQ ৰ পুংখানুপুংখ সমাধান অন্তৰ্ভুক্ত কৰা হৈছে। অস্পীন একেডেমী (Ospin Academy) ত এই সমাধানসমূহ সহজ, নিৰ্ভুল আৰু সম্পূৰ্ণ পৰীক্ষামুখীভাৱে উপলব্ধ কৰোৱা হৈছে।
‘মৌলিক প্রয়োজন’ নামৰ এই পাঠটিত মানৱ জীৱনৰ বাবে অপৰিহাৰ্য প্ৰধান প্ৰয়োজনসমূহ যেনে— আহাৰ, বাসস্থান আৰু সাজ-পাৰৰ গুৰুত্বৰ বিষয়ে বিস্তাৰিতভাৱে আলোচনা কৰা হৈছে। ছাত্ৰ-ছাত্ৰীসকলৰ বাবে এই পাঠৰ মূল বিষয়বস্তু আৰু আমাৰ দৈনন্দিন জীৱনত এই প্ৰয়োজনসমূহৰ ভূমিকা বুজি পোৱাটো অতি প্ৰয়োজনীয়। আমাৰ এই পাঠ্যভিত্তিক সমাধানত (Textual Solutions) কেৱল পাঠ্যপুথিৰ অনুশীলনীৰ প্ৰশ্নসমূহেই নহয়, বৰঞ্চ পৰীক্ষাত আহিব পৰা অতিৰিক্ত গুৰুত্বপূৰ্ণ প্ৰশ্ন-উত্তৰসমূহো সামৰি লোৱা হৈছে যাতে ছাত্ৰ-ছাত্ৰীসকলে সুন্দৰভাৱে প্ৰস্তুতি চলাব পাৰে।
এই পাঠ্যভিত্তিক সমাধানৰ পৰা আপুনি কি কি শিকিব আৰু পাব:
- মানুহৰ মৌলিক প্ৰয়োজনসমূহ আৰু সমাজত ইয়াৰ গুৰুত্বৰ বিষয়ে সহজ বিশ্লেষণ।
- পাঠভিত্তিক অনুশীলনীৰ সকলো প্ৰশ্নৰ নিৰ্দোষ আৰু মান্য উত্তৰ।
- আহাৰ, বাসস্থান আৰু সাজ-পাৰৰ প্ৰয়োজনীয়তাৰ সঠিক জ্ঞান।
- নতুন পাঠ্যক্ৰমৰ আৰ্হি অনুসৰি গুৰুত্বপূৰ্ণ অতিৰিক্ত প্ৰশ্নসমূহৰ (Additional Questions) লগতে শেহতীয়া আৰ্হিৰ MCQ প্ৰশ্নৰ সমাধান।
অস্পীন একেডেমীৰ এই প্ৰশ্নোত্তৰসমূহৰ বিশেষ সুবিধা:
- শেহতীয়া AJB নতুন পাঠ্যক্ৰমৰ আধাৰত প্ৰস্তুত কৰা সম্পূৰ্ণ পাঠ্যভিত্তিক সমাধান।
- ১০০% নিৰ্ভুল আৰু ছাত্ৰ-ছাত্ৰীয়ে মুখস্থ কৰিবলৈ সহজ হোৱাকৈ সৰল অসমীয়া ভাষাত লিখা উন্নত মানৰ নোটছ (Class 6 Samaj Bigyan Notes)।
- পৰীক্ষাৰ পূৰ্বে দ্ৰুত ৰিভিজনৰ (Quick Revision) বাবে বিশেষভাৱে যুগুতোৱা সহজ-সৰল উত্তৰ।
- সপ্তম অধ্যায়ৰ পৰা পৰীক্ষাত আহিব পৰা অতিৰিক্ত গুৰুত্বপূৰ্ণ প্ৰশ্নৰ বিশেষ সংকলন।
ছাত্ৰ-ছাত্ৰীসকলৰ শৈক্ষিক উত্তৰণৰ প্ৰতি লক্ষ্য ৰাখি অস্পীন একেডেমীয়ে এই বিশেষ পাঠ্যভিত্তিক সমাধান আগবঢ়াইছে। আপোনাৰ পৰীক্ষাৰ প্ৰস্তুতি এতিয়াই আৰম্ভ কৰক আৰু সমাজ বিজ্ঞান বিষয়ত সৰ্বোচ্চ নম্বৰ লাভ কৰাৰ দিশত আগবাঢ়ক।
Class 6 সমাজ বিজ্ঞান (Social Science) Textbook Solutions & MCQs | AJB New Syllabus
New Updated Version!
According to Latest AJB New Syllabus & Updated Book
Get comprehensive preparation for Class 6 সমাজ বিজ্ঞান (Social Science) with this complete Textual Solution & MCQs package.
Includes Chapter-wise textbook solutions, additional Q&A, and MCQs precisely structured as per the latest Assam Jatiya Bidyalay (AJB) syllabus and new version of the book.
Perfect for building a strong foundation and mastering your school assessments! Download as an easy-to-use ZIP file.
অসম জাতীয় বিদ্যালয়, ষষ্ঠ শ্ৰেণী: সমাজ বিজ্ঞান
মৌলিক প্রয়োজন
পাঠভিত্তিক প্রশ্নোত্তৰ
১। মৌলিক প্রয়োজন কাক বোলে ?
উত্তৰঃ যিসমূহ দৰকাৰী বস্তুৰ অভাৱত মানৱ জীৱন ধাৰণ কৰাটো অসম্ভৱ, সেই অত্যাৱশ্যকীয় সামগ্ৰীসমূহক মৌলিক প্রয়োজন বুলি কোৱা হয়।
২। মানুহৰ মৌলিক প্রয়োজন কেইবিধ আৰু কি কি ?
উত্তৰঃ মানুহৰ প্ৰধান মৌলিক প্রয়োজন হৈছে তিনিটা। সেইকেইটা হ’ল –
(ক) আহাৰ বা খাদ্য।
(খ) ঘৰ বা বাসস্থান।
(গ) কাপোৰ বা সাজপাৰ।
৩। পাৰিপার্শ্বিক অৱস্থা কাক বোলে ?
উত্তৰঃ কোনো এখন ঠাইৰ জলবায়ু, ভৌগোলিক পৰিৱেশ, উদ্ভিদ, মাটিৰ প্ৰকাৰ, কৃষি কাৰ্য আৰু সামাজিক অৱস্থাৰ সামগ্ৰিক ৰূপটোক পাৰিপাৰ্শ্বিক অৱস্থা বুলি জনা যায়।
৪। মেৰু অঞ্চলৰ এস্কিম ‘সকলৰ প্ৰধান আহাৰ কি ?
উত্তৰঃ মেৰু অঞ্চলত বসবাস কৰা এস্কিম’সকলৰ মূল খাদ্য হৈছে মাছ আৰু মাংস।
৫। বেদুইনসকলৰ প্ৰধান খাদ্য আৰু প্ৰিয় পানীয় কি ?
উত্তৰঃ বেদুইনসকলৰ মূল আহাৰ হিচাপে উটৰ মাংস ব্যৱহাৰ হয় আৰু তেওঁলোকৰ প্ৰিয় পানীয়বিধ হৈছে উটৰ গাখীৰ।
৬। ঘৰ বা বাসস্থান কাক বোলে ?
উত্তৰঃ যি স্থানত মানুহে আশ্রয় লয়, জিৰণি লয় আৰু নিৰাপদ বুলি অনুভৱ কৰে, তাকে বাসস্থান বা ঘৰ বোলা হয়।
৭। কোনখিনি সময়ক তাম্ৰপ্ৰস্তৰ যুগ বোলা হয় ?
উত্তৰঃ ধাতুৰ যুগ আৰু প্ৰস্তৰ যুগৰ মধ্যৱৰ্তী সময়ছোৱাক তাম্ৰপ্ৰস্তৰ যুগ হিচাপে জনা যায়।
৮। মধ্য এছিয়াৰ কাজাকসকলৰ প্ৰধান বৃত্তি কি ?
উত্তৰঃ মধ্য এছিয়াত বাস কৰা কাজাকসকলৰ মুখ্য জীৱিকা হৈছে পশুপালন কৰা।
৯। ব্যক্তিগত প্রয়োজন কাক বোলে ?
উত্তৰঃ এজন ব্যক্তিৰ নিজা জীৱন নিৰ্বাহ কৰিবলৈ যিবোৰ সামগ্ৰীৰ আৱশ্যক হয়, সেইবোৰক ব্যক্তিগত প্রয়োজন বুলি কোৱা হয়।
১০। সামাজিক প্রয়োজন কাক বোলে ?
উত্তৰঃ এখন সমাজৰ প্ৰাণী হিচাপে মানুহক জীৱন ধাৰণৰ বাবে যিসমূহ সামগ্ৰীৰ দৰকাৰ হয়, তাক সামাজিক প্রয়োজন বোলে।
১১। ‘এক্সিম সকলৰ প্ৰধান আহাৰ মাছ, মঙহ হোৱাৰ কাৰণ কি ?
উত্তৰঃ এক্সিম’সকলৰ মুখ্য খাদ্য মাছ আৰু মাংস হোৱাৰ ঘাই কাৰণটো হৈছে তেওঁলোকৰ পাৰিপাৰ্শ্বিক অৱস্থা অথবা ভৌগোলিক পৰিৱেশ।
১২। মধ্য এছিয়াৰ কাজাকসকলে ক’ত বাস কৰে ?
উত্তৰঃ মধ্য এছিয়াৰ কাজাকসকলে জীৱ-জন্তুৰ ছাল ব্যৱহাৰ কৰি নিৰ্মাণ কৰা তম্বুত জীৱন নিৰ্বাহ কৰে।
১৩। পৃথিৱীৰ বিভিন্ন ঠাইৰ মানুহৰ খাদ্যৰ অভ্যাস বেলেগ বেলেগ হোৱাৰ কাৰণ কি ?
উত্তৰঃ পৃথিৱীৰ ভিন ভিন অঞ্চলৰ লোকসকলৰ খাদ্যাভ্যাস বেলেগ বেলেগ হোৱাৰ মূল কাৰণসমূহ হ’ল –
(ক) পাৰিপাৰ্শ্বিক পৰিৱেশ।
(খ) ব্যক্তিৰ ৰুচিবোধ আৰু অভিজ্ঞতা।
(গ) পৰম্পৰা, ধৰ্মীয় বিশ্বাস আৰু সংস্কাৰ আদি।
১৪। খালী ঠাই পূৰ কৰা :
(ক) এক্সিম সকলৰ প্ৰধান জীৱিকা হ’ল ___কৰা।
(খ) আন্দামান নিকোবৰ দ্বীপপুঞ্জৰ লোকসকলৰ প্ৰধান আহাৰ ___।
(গ) ___যুগৰ শেষত আৰম্ভ হৈছিল ধাতু যুগ।
(ঘ) মানুহে পোন প্রথমে অনুভৱ কৰা প্ৰয়োজন বিধ হ’ল ___।
উত্তৰঃ
(ক) এক্সিম ‘সকলৰ প্ৰধান জীৱিকা হ’ল চিকাৰ কৰা।
(খ) আন্দামান নিকোবৰ দ্বীপপুঞ্জৰ লোকসকলৰ প্ৰধান আহাৰ হ’ল নাৰিকল।
(গ) প্ৰস্তৰ যুগৰ শেষত আৰম্ভ হৈছিল ধাতু যুগ।
(ঘ) মানুহে পোন প্রথমে অনুভৱ কৰা প্রয়োজন বিধ হ’ল আহাৰ।
১৫। বিভিন্ন ঠাইৰ মানুহৰ খাদ্যাভাষ বেলেগ বেলেগ হোৱাৰ প্ৰধান কাৰণকেইটা কি কি ? উত্তৰঃ ভিন্ন অঞ্চলৰ লোকৰ খাদ্য গ্ৰহণৰ অভ্যাস পৃথক হোৱাৰ ঘাই কাৰণকেইটা হৈছে―
(ক) পাৰিপাৰ্শ্বিক পৰিস্থিতি।
(খ) মানৱীয় অভিজ্ঞতা আৰু ৰুচি।
(গ) সামাজিক সংস্কাৰ, ধৰ্মীয় বিশ্বাস আৰু ঐতিহ্য।
১৬। সাজ পাৰ পৰিধান কৰাৰ যিকোনো তিনিটা প্রয়োজনীয়তা উল্লেখ কৰা।
উত্তৰঃ কাপোৰ বা সাজপাৰ পিন্ধাৰ যিকোনো তিনিটা আৱশ্যকতা হ’ল―
(ক) লাজ নিবাৰণ কৰা।
(খ) সমাজত শিষ্টাচাৰ বজাই ৰখা।
(গ) নিজৰ শৰীৰটো ৰক্ষা কৰা।
১৭। নৱপ্ৰস্থৰ যুগৰ মানুহে সাজি লোৱা ঘৰ দুবিধৰ বিষয়ে চমুকৈ লিখা।
উত্তৰঃ নৱপ্ৰস্তৰ যুগৰ লোকসকলে নিৰ্মাণ কৰা ঘৰ দুপ্ৰকাৰৰ আছিল, সেইবোৰ তলত বৰ্ণনা কৰা হ’ল—
(ক) প্ৰথম প্ৰকাৰৰ বাসস্থান নিৰ্মাণৰ বাবে তেওঁলোকে এটা ডাঙৰ ঘূৰণীয়া গাঁত খান্দি লৈছিল। গাঁতটোৰ চাৰিওকাষে মাটি দি বেৰৰ দৰে এটা আৱৰণ গঢ়ি তুলিছিল। গাঁতটোৰ কেন্দ্ৰভাগত এটা টান খুঁটা পুতি লৈ মাটিৰ বেৰখনৰ পৰা খুঁটাটোলৈ গছৰ ডালসমূহ বান্ধি দিছিল। শেষত গছৰ পাত আৰু বাকলি ব্যৱহাৰ কৰি ডালবোৰৰ ওপৰত ঘৰৰ চালখন সাজি উলিয়াইছিল আৰু এই চাল থকা গাঁতটোকে ঘৰ বুলি ব্যৱহাৰ কৰিছিল।
(খ) দ্বিতীয় প্ৰকাৰৰ ঘৰবোৰ সাধাৰণতে পানীৰ ওপৰত নিৰ্মাণ কৰা হৈছিল। পানীত দীঘলীয়া বাঁহ পুতি লৈ তাৰ ওপৰত চাংঘৰ সাজি তেওঁলোকে বসবাস কৰিছিল। ঘৰটোৰ পৰা বাহিৰলৈ যাতায়াত কৰিবলৈ তেওঁলোকে বাঁহৰ সাঁকো ব্যৱহাৰ কৰিছিল।
১৮। উন্নত জীৱনধাৰা প্ৰক্ৰিয়াত প্ৰযুক্তি বিদ্যাই কেনেদৰে ভূমিকা গ্রহণ কৰিছে লিখা। উত্তৰঃ মানুহৰ জীৱনধাৰা উন্নত কৰাৰ ক্ষেত্ৰত প্ৰযুক্তিবিদ্যাই এক অতুলনীয় অৱদান আগবঢ়াইছে। উদাহৰণস্বৰূপে, কৃষিকাৰ্যত বৰ্তমান উন্নত বীজ, ৰাসায়নিক সাৰ, কীটনাশক ঔষধ, ট্ৰেক্টৰ, পাৱাৰ টিলাৰ আৰু জলসিঞ্চন ব্যৱস্থাৰ প্ৰয়োগ কৰা হৈছে। ইয়াৰ জৰিয়তে কৃষকসকল যথেষ্ট লাভাৱান হোৱাৰ লগতে তেওঁলোকৰ জীৱন ধাৰণৰ মানদণ্ডও উন্নত হৈছে। আনহাতে, যোগাযোগৰ মাধ্যম যেনে- কম্পিউটাৰ, ইণ্টাৰনেট, টেলিভিছন, ৰেডিঅ’, ফেক্স আৰু টেলিফ’নৰ ব্যৱহাৰে সমগ্ৰ পৃথিৱীখনকে এখন সৰু গাঁৱত পৰিণত কৰিছে আৰু আমাৰ আজৰি সময় বঢ়াই তুলিছে। চিকিৎসা বিজ্ঞানত প্ৰযুক্তিৰ ব্যৱহাৰে জটিল ৰোগসমূহ সহজে ধৰা পেলোৱাৰ লগতে তাৰ নিৰাময়ৰ পথ মুকলি কৰি মানুহক আয়ুস প্ৰদান কৰিছে। প্ৰকৃতিৰ বিবিধ সম্পদক মানুহৰ উপযোগীকৈ গঢ়ি তোলাত প্ৰযুক্তিৰ জ্ঞান ব্যৱহাৰ হৈছে। সেয়েহে ক’ব পাৰি যে মানৱ সভ্যতাৰ উত্তৰণত বিজ্ঞান আৰু প্ৰযুক্তিবিদ্যাৰ ভূমিকা অপৰিসীম।
১৯। বিভিন্ন অঞ্চলৰ মানুহৰ খাদ্য বেলেগ বেলেগ হোৱাৰ কাৰণবোৰ চমুকৈ আলোচনা কৰা ?
উত্তৰঃ পৃথিৱীৰ ভিন ভিন অঞ্চলৰ লোকৰ খাদ্যাভ্যাস বেলেগ বেলেগ হোৱাৰ মূল কাৰণসমূহ তলত আলোচনা কৰা হ’ল―
(ক) পাৰিপাৰ্শ্বিক অৱস্থা: সাধাৰণতে কোনো এক নিৰ্দিষ্ট অঞ্চলত যিবিধ শস্য সৰ্বাধিক উৎপাদন হয়, সেই শস্যবিধেই তালৈ মানুহৰ মূল খাদ্য হৈ পৰে। উদাহৰণস্বৰূপে, অসমত প্ৰচুৰ পৰিমাণে ধানৰ খেতি হোৱা বাবে ইয়াৰ লোকসকলৰ প্ৰধান আহাৰ হৈছে ভাত। ঠিক তেনেদৰে, বিহাৰত ঘেঁহুৰ উৎপাদন বেছি হোৱাৰ বাবে তাত ৰুটি ঘাইকৈ খোৱা হয়। উত্তৰ মেৰু অঞ্চল প্ৰায় গোটেই বছৰ ধৰি বৰফে আবৰি ৰাখে আৰু তাত এক্সিম’ নামৰ জনজাতিটোৱে বসবাস কৰে। প্ৰচণ্ড শীতৰ বাবে তাত কোনো কৃষি কাৰ্য সম্ভৱ নহয়। তেওঁলোকে বৰফত থকা নোমাল জন্তু চিকাৰ কৰি তাৰ মাংস ভক্ষণ কৰে। লগতে সাগৰৰ পৰা তিমি আৰু ছীল মাছ ধৰি খায়। আমাৰ ভাৰতৰ আন্দামান নিকোবৰ দ্বীপপুঞ্জত নাৰিকলৰ খেতি প্ৰচুৰ হোৱা বাবে নাৰিকলেই তেওঁলোকৰ প্ৰধান খাদ্য। একেদৰে আৰবৰ মৰুভূমিত বাস কৰা বেদুইনসকলৰ মুখ্য আহাৰ হৈছে উটৰ গাখীৰ আৰু মাংস। সেয়েহে পাৰিপাৰ্শ্বিক পৰিৱেশে মানুহৰ খাদ্যৰ ওপৰত গভীৰ প্ৰভাৱ পেলায়।
(খ) মানুহৰ অভিজ্ঞতা আৰু ৰুচিবোধ:- খাদ্যৰ পাৰ্থক্যৰ আন এক গুৰুত্বপূৰ্ণ কাৰণ হৈছে ব্যক্তিৰ ৰুচি আৰু অভিজ্ঞতা। সকলো খাদ্য সামগ্ৰীয়ে মানুহক সমানে তৃপ্তি বা উপকাৰ প্ৰদান নকৰে। সেয়েহে মানুহে নিজৰ অভিজ্ঞতা আৰু ৰুচিৰ ওপৰত ভিত্তি কৰিহে খাদ্য নিৰ্বাচন কৰে।
(গ) ধর্ম বিশ্বাস, ঐতিহ্য, সংস্কাৰ: ধৰ্মীয় আচাৰ-বিচাৰ, সংস্কাৰ আৰু ঐতিহ্যেও মানুহৰ খাদ্যাভ্যাসত ভিন্নতা আনে। বিভিন্ন ধৰ্মই কিছুমান বিশেষ খাদ্য গ্ৰহণত বাধা আৰোপ কৰাটো দেখিবলৈ পোৱা যায়।
২০। বেলেগ বেলেগ মানুহৰ সাজপাৰ বেলেগ বেলেগ হয় কিয় ?
উত্তৰঃ সাধাৰণতে ভিন ভিন মানুহৰ পৰিধান কৰা সাজপাৰ বেলেগ বেলেগ হোৱা দেখা যায়। ইয়াৰ ঘাই কাৰণ দুটা— প্ৰথমটো হৈছে পাৰিপাৰ্শ্বিক অৱস্থা আৰু দ্বিতীয়টো হৈছে মানুহৰ অজ্ঞতা বা পাৰদৰ্শিতা। উদাহৰণস্বৰূপে, মেৰু অঞ্চলত বাস কৰা এক্সিম’সকলৰ কথা ক’ব পাৰি। মেৰু অঞ্চলত প্ৰচণ্ড শীতৰ বাবে গছ-গছনি গজিব নোৱাৰে, সেয়ে তাত কপাহী কাপোৰ পোৱাটো অসম্ভৱ। তেওঁলোকে কাপোৰৰ বিকল্প হিচাপে জন্তুৰ নোমাল ছাল ব্যৱহাৰ কৰিবলগীয়া হয়। জন্তুৰ ছালৰ সহায়তেই তেওঁলোকে নিজৰ প্ৰয়োজনীয় সাজপাৰ তৈয়াৰ কৰি লয়। দ্বিতীয় কাৰণটো হৈছে দক্ষতাৰ অভাৱ বা অজ্ঞতা। কেঁচামাল উপলব্ধ হ’লেও সকলোৱে সকলো ধৰণৰ কাপোৰ প্ৰস্তুত কৰিব নাজানে। উদাহৰণস্বৰূপে, অসমত পাট, মুগা আৰু এৰী সূতাৰে কাপোৰ বোৱা হয়। ইয়াৰ মূল কাৰণটোৱেই হ’ল অসমৰ শিপিনীসকলৰ এনে কাপোৰ প্ৰস্তুত কৰাত থকা বিশেষ পাৰদৰ্শিতা। তদুপৰি, মানুহৰ বৃত্তি অনুসৰিও সাজপাৰ বেলেগ বেলেগ হোৱা দেখা যায়। কিয়নো নিৰ্দিষ্ট সাজপাৰৰ জৰিয়তে আমি চিকিৎসক, অধিবক্তা, পুলিচ বা সৈনিক আদি পেচাদাৰী লোকসকলক সহজে চিনাক্ত কৰিব পাৰো।
২১। মৌলিক প্রয়োজন হিচাপে ঘৰ বা বাসস্থানৰ গুৰুত্ব বুজাই লিখা।
উত্তৰঃ মানুহৰ মৌলিক প্রয়োজনসমূহৰ ভিতৰত ঘৰ বা বাসস্থানৰ গুৰুত্ব অপৰিসীম। বাসস্থান হৈছে এনে এখন ঠাই য’ত মানুহে জিৰণি ল’ব পাৰে আৰু বিভিন্ন বিপদৰ পৰা নিজকে সুৰক্ষিত ৰাখিব পাৰে। বাসস্থানৰ অবিহনে মানৱ জীৱন নিৰাপদ হ’ব নোৱাৰে। সেইবাবেই ঘৰক মৌলিক প্রয়োজনৰ তালিকাত স্থান দিয়া হৈছে। আদিম যুগত মানুহে ঘৰ নিৰ্মাণ কৰিব জনা নাছিল। সেই সময়ত তেওঁলোকে ডাঙৰ গছৰ তলত, পাহাৰৰ গুহাত বা গছৰ খোৰোঙত আশ্ৰয় গ্ৰহণ কৰিছিল। অৱশ্যে মানৱ সভ্যতাৰ ক্ৰমবিকাশৰ লগে লগে মানুহে নিজৰ সুৰক্ষা আৰু জিৰণিৰ সুবিধাৰ্থে বিভিন্ন ধৰণৰ সুন্দৰ ঘৰ সাজি ল’বলৈ সক্ষম হৈছে।
