সপ্তম শ্ৰেণী আপোন পাঠ (অসমীয়া) অধ্যায় ৩ – আইদেউ সন্দিকৈ – সম্পূৰ্ণ পাঠ্যভিত্তিক প্ৰশ্নোত্তৰ | অসম জাতীয় বিদ্যালয় (AJB)

Class 7 Assamese Chapter 3 আইদেউ সন্দিকৈ Solutions | AJB Assam

সপ্তম শ্ৰেণী আপোন পাঠ (অসমীয়া) অধ্যায় ৩ – আইদেউ সন্দিকৈ সম্পূৰ্ণ পাঠ্যভিত্তিক প্ৰশ্নোত্তৰ আৰু সমাধান (AJB Assam)

সপ্তম শ্ৰেণীৰ অসমীয়া পাঠ্যপুথি ‘আপোন পাঠ’ৰ তৃতীয় অধ্যায় ‘আইদেউ সন্দিকৈ’ এখন অতি গুৰুত্বপূৰ্ণ আৰু অনুপ্ৰেৰণামূলক জীৱনীভিত্তিক পাঠ। অসম জাতীয় বিদ্যালয়ৰ (AJB) শেহতীয়া নতুন পাঠ্যক্ৰমৰ আধাৰত এই অধ্যায়ৰ সম্পূৰ্ণ পাঠ্যভিত্তিক প্ৰশ্নোত্তৰ (Class 7 Assamese Chapter 3 Textual Question Answer) প্ৰস্তুত কৰা হৈছে। এই বিশেষ সংকলনটিত পাঠভিত্তিক চমু প্ৰশ্ন, দীঘলীয়া প্ৰশ্ন, ব্যাকৰণ, অতিৰিক্ত প্ৰশ্ন (Additional Questions) আৰু বহু-বিকল্পী প্ৰশ্ন (MCQs) অন্তৰ্ভুক্ত কৰা হৈছে। অস্পীন একেডেমী (Ospin Academy) ত এই সমাধানসমূহ অতি সহজ, নিৰ্ভুল আৰু সম্পূৰ্ণ পৰীক্ষামুখীভাৱে উপলব্ধ কৰোৱা হৈছে।

‘আইদেউ সন্দিকৈ’ নামৰ এই পাঠটিত অসমীয়া চলচ্চিত্ৰ জগতৰ প্ৰথমগৰাকী অভিনেত্ৰী আইদেউ সন্দিকৈৰ জীৱন সংগ্ৰাম, ত্যাগ আৰু অসমীয়া সংস্কৃতিলৈ তেখেতৰ অৱদানৰ বিষয়ে বিতংভাৱে আলোচনা কৰা হৈছে। ছাত্ৰ-ছাত্ৰীসকলৰ বাবে এই পাঠৰ মূল ভাৱ আৰু তাৎপৰ্য বুজি পোৱাটো অতি প্ৰয়োজনীয়। আমাৰ এই পাঠ্যভিত্তিক সমাধানত (Textual Solutions) কেৱল পাঠ্যপুথিৰ অনুশীলনীৰ প্ৰশ্নসমূহেই নহয়, বৰঞ্চ পৰীক্ষাত আহিব পৰা অতিৰিক্ত গুৰুত্বপূৰ্ণ প্ৰশ্ন-উত্তৰসমূহো সামৰি লোৱা হৈছে যাতে ছাত্ৰ-ছাত্ৰীসকলে সুন্দৰভাৱে প্ৰস্তুতি চলাব পাৰে।

এই পাঠ্যভিত্তিক সমাধানৰ পৰা আপুনি কি কি শিকিব আৰু পাব:

• আইদেউ সন্দিকৈৰ জীৱন কাহিনী, চলচ্চিত্ৰ জগতলৈ তেখেতৰ অৱদান আৰু ত্যাগৰ বিস্তৃত বিশ্লেষণ।
• শব্দাৰ্থ, চমু প্ৰশ্ন আৰু দীঘলীয়া প্ৰশ্নৰ পৰীক্ষাত লিখিব পৰা নিৰ্দোষ উত্তৰ।
• পাঠভিত্তিক ব্যাকৰণ, সমাৰ্থক শব্দ, বিপৰীত শব্দ আৰু বাক্য ৰচনাৰ সঠিক জ্ঞান।
• নতুন পাঠ্যক্ৰমৰ আৰ্হি অনুসৰি গুৰুত্বপূৰ্ণ অতিৰিক্ত প্ৰশ্নসমূহৰ লগতে বহু-বিকল্পী প্ৰশ্নৰ (MCQs) সমাধান।

অস্পীন একেডেমীৰ এই প্ৰশ্নোত্তৰসমূহৰ বিশেষ সুবিধা:

• শেহতীয়া AJB নতুন পাঠ্যক্ৰমৰ আধাৰত প্ৰস্তুত কৰা সম্পূৰ্ণ পাঠ্যভিত্তিক সমাধান।
• ১০০% নিৰ্ভুল আৰু ছাত্ৰ-ছাত্ৰীয়ে মুখস্থ কৰিবলৈ সহজ হোৱাকৈ সৰল অসমীয়া ভাষাত লিখা উন্নত মানৰ নোটছ (Class 7 Apun Path Notes)।
• পৰীক্ষাৰ পূৰ্বে দ্ৰুত ৰিভিজনৰ (Quick Revision) বাবে বিশেষভাৱে যুগুতোৱা সহজ-সৰল উত্তৰ।
• আইদেউ সন্দিকৈ পাঠৰ পৰা পৰীক্ষাত আহিব পৰা অতিৰিক্ত গুৰুত্বপূৰ্ণ প্ৰশ্নৰ বিশেষ সংকলন।

ছাত্ৰ-ছাত্ৰীসকলৰ শৈক্ষিক উত্তৰণৰ প্ৰতি লক্ষ্য ৰাখি অস্পীন একেডেমীয়ে এই বিশেষ পাঠ্যভিত্তিক সমাধান আগবঢ়াইছে। আপোনাৰ পৰীক্ষাৰ প্ৰস্তুতি এতিয়াই আৰম্ভ কৰক আৰু অসমীয়া বিষয়ত সৰ্বোচ্চ নম্বৰ লাভ কৰাৰ দিশত আগবাঢ়ক।

 অসম জাতীয় বিদ্যালয়, সপ্তম শ্ৰেণী: আপোন পাঠ

অধ্যায়-3                                                                                  অস্পিন একাডেমী

আইদেউ সন্দিকৈ.

পাঠভিত্তিক প্রশ্নোত্তৰ

১। উত্তৰ লিখা:

ক) জ্যোতিপ্ৰসাদ আগৰৱালাই “জয়মতী” বোলছবি নির্মাণ কৰিবলৈ কি ডাঙৰ অসুবিধাৰ সন্মুখীন হৈছিল বুজাই লিখাঁ।

​উত্তৰঃ প্ৰথমখন অসমীয়া কথাছবি “জয়মতী” নিৰ্মাণৰ সময়ত ৰূপকোঁৱৰ জ্যোতিপ্ৰসাদ আগৰৱালাই বহুতো প্ৰত্যাহ্বানৰ সন্মুখীন হৈছিল। ইয়াৰ ভিতৰত আটাইতকৈ গুৰুতৰ সমস্যাটো আছিল অভিনয় কৰিবলৈ মহিলা শিল্পী বিচাৰি নোপোৱাটো। বিশেষকৈ মূল চৰিত্ৰ “জয়মতী কুঁৱৰী”ৰ ভূমিকা পালন কৰিব পৰাকৈ উপযুক্ত অভিনেত্ৰী এগৰাকী বিচাৰি তেওঁ বৰ হাহাকাৰ কৰিবলগীয়া হৈছিল।

​খ) ডিম্ব গোহাঁয়ে আইদেউক কেন্দ্ৰ কৰি কি গোপন বুদ্ধি সাজিছিল?

​উত্তৰঃ জ্যোতিপ্ৰসাদক সহায় কৰাৰ উদ্দেশ্যে ডিম্ব গোহাঁয়ে এটা কৌশল অৱলম্বন কৰিছিল। তেওঁ আইদেউ সন্দিকৈক জাহাজ দেখুওৱাৰ চলেৰে মনে মনে ঘৰৰ পৰা উলিয়াই আনিছিল আৰু “জয়মতী” বোলছবিৰ অভিনেত্ৰী হিচাপে জ্যোতিপ্ৰসাদ আগৰৱালাৰ কাষলৈ লৈ আহিছিল।

​গ) আইদেউ সন্দিকৈৰ এটি চমু পৰিচয় দিয়াঁ।

​উত্তৰঃ গোলাঘাট জিলাৰ মহুৰা মৌজাৰ অন্তৰ্গত পানীদিহিঙীয়া গাঁৱত ১৯১৫ চনৰ চ’ত মাহত আইদেউ সন্দিকৈৰ জন্ম হৈছিল। তেওঁৰ পিতৃ-মাতৃ আছিল ক্ৰমে নীলাম্বৰ সন্দিকৈ আৰু মালক্ষী সন্দিকৈ। জ্যোতিপ্ৰসাদ আগৰৱালাৰ প্ৰচেষ্টাক সাৰ্থক কৰি তোলাৰ ক্ষেত্ৰত আইদেউৰ ভূমিকা আছিল অনন্য। তেওঁ “জয়মতী” বোলছবিৰ নামভূমিকাত অভিনয় কৰি বুৰঞ্জীৰ চৰিত্ৰটোক জীপাল কৰি তুলিছিল আৰু অসমৰ সাংস্কৃতিক ইতিহাসত এক নতুন যুগৰ সূচনা কৰিছিল। ​কিন্তু শিল্পী হিচাপে তেওঁৰ ত্যাগ আছিল চৰম। বোলছবিত অভিনয় কৰাৰ অপৰাধত সেই সময়ৰ ৰক্ষণশীল সমাজে তেওঁক আৰু তেওঁৰ পৰিয়ালক এঘৰীয়া কৰিছিল। সমাজৰ কঠোৰ শাসনৰ বাবে তেওঁ বৰঘৰত সোমাবলৈ অনুমতি নাপালে আৰু আজীৱন অবিবাহিতা হৈ থাকি চৰম দুখ-কষ্টৰ মাজেৰে জীৱন অতিবাহিত কৰিবলগীয়া হৈছিল।

​ঘ) ডিম্ব গোহাঁয়ে জ্যোতিপ্রসাদক সহায় কৰাৰ উদ্দেশ্যে কি কৰিছিল?

​উত্তৰঃ জ্যোতিপ্ৰসাদ আগৰৱালাৰ শিল্পীৰ নাটনি দূৰ কৰিবলৈ ডিম্ব গোহাঁয়ে তেওঁৰ নিজৰ কেমেৰাৰে তেওঁৰ সম্পৰ্কীয় ভগ্নী আইদেউ সন্দিকৈৰ এখন আলোকচিত্ৰ তুলিছিল আৰু সেই ফটোখন জ্যোতিপ্ৰসাদলৈ পঠিয়াই দিছিল।

​

ঙ) আইদেউ সন্দিকৈয়ে কিদৰে নিজ গাঁৱৰপৰা আহি চাহ বাগিচা পাইছিল?

​উত্তৰঃ আইদেউ সন্দিকৈয়ে জাহাজ চোৱাৰ হেঁপাহেৰে ককায়েক ডিম্ব গোহাঁই আৰু সৰু ভায়েক কেশৱৰ লগত যাত্ৰা আৰম্ভ কৰিছিল। তেওঁলোকে গেলাবিল নদীৰ পৰা নাৱেৰে গৈ ধনশিৰীত জাহাজত উঠিছিল আৰু উত্তৰ পাৰৰ গৰিমাঘাট পাইছিলগৈ। তাৰ পৰা এখন লৰীত উঠি তেওঁলোক পোনপটীয়াকৈ ভোলাগুৰি চাহ বাগিচাত উপস্থিত হৈছিল। মাক-দেউতাকে গম নোপোৱাকৈয়ে এনেকৈ দীঘলীয়া যাত্ৰা কৰি আইদেউ চাহ বাগিচা পালেহি।

​চ) ডিম্ব গোহাঁয়ে আইদেউ সন্দিকৈক বুজনি দিবলৈ গৈ কোনখিনি কথা কৈছিল?

​উত্তৰঃ ডিম্ব গোহাঁয়ে আইদেউ সন্দিকৈক বুজাইছিল যে তেওঁক অসমৰ এগৰাকী মহান ব্যক্তি জ্যোতিপ্ৰসাদ আগৰৱালাৰ ওচৰলৈ লৈ অহা হৈছে। তেওঁ আইদেউক কৈছিল যে জ্যোতিপ্ৰসাদ এজন দেশপ্ৰেমিক মুক্তিযোদ্ধা আৰু তেওঁ অসমীয়া ভাষাৰ প্ৰথমখন “টকী” বা কথাছবি নিৰ্মাণ কৰিবলৈ ওলাইছে। ডিম্বই আৰু কৈছিল যে এই ছবিত নায়িকা হ’ব পৰাটো আইদেউৰ বাবে গৌৰৱৰ কথা আৰু ইয়াৰ জৰিয়তে তেওঁৰ নাম অমৰ হৈ ৰ’ব। মূলাগাভৰু আৰু জয়মতীৰ আদৰ্শ দি ডিম্বই আইদেউক অভিনয় কৰিবলৈ সাহস যোগাইছিল।

​ছ) আইদেউ সন্দিকৈৰ দেউতাকে জ্যোতিপ্ৰসাদৰ কথা শুনি কিয় থেৰো-গেঁৰো কৰিছিল?

​উত্তৰঃ আইদেউ সন্দিকৈয়ে অভিনয়ত সন্মতি দিলেও তেওঁৰ দেউতাকে সমাজৰ ভয়ত সংকোচ অনুভৱ কৰিছিল। সেই সময়ত ছোৱালীয়ে অভিনয় কৰাটো সমাজত এক বৰ্জনীয় বা নিষিদ্ধ কাম আছিল, সেয়েহে সমাজৰ পৰা পাব পৰা গঞ্জনাৰ কথা ভাবি তেওঁ প্ৰথমে মান্তি হ’বলৈ টান পাইছিল।

​জ) “জয়মতী”ৰূপী ছোৱালীজনীৰ অৱস্থা পানীত হাঁহ নচৰাৰ দৰে হ’ল। – কথাষাৰ বুজাই লিখাঁ।

​উত্তৰঃ এই কথাষাৰে অভিনয় কৰাৰ পাছত আইদেউ সন্দিকৈয়ে ভোগ কৰা মৰ্মান্তিক যন্ত্ৰণাক বুজাইছে। জ্যোতিপ্ৰসাদ আগৰৱালাৰ প্ৰথমখন কথাছবি “জয়মতী” নিৰ্মাণৰ বাবে আইদেউ সন্দিকৈয়ে অশেষ কষ্ট কৰি অভিনয় কৰিছিল। কিন্তু কাম শেষ কৰি যেতিয়া তেওঁ ঘৰলৈ উভতি গ’ল, তেতিয়া তেওঁৰ জীৱনলৈ চৰম দুৰ্দশা নামি আহিল।

​বোলছবিত অভিনয় কৰাটো সেই সময়ৰ সমাজে অপৰাধ বুলি গণ্য কৰিছিল। ইয়াৰ ফলস্বৰূপে সমাজৰ লোকে তেওঁক “জাত যোৱা” বুলি আখ্যা দি তেওঁৰ পৰিয়ালক এঘৰীয়া কৰিলে। আনকি নিজৰ ঘৰৰ বৰঘৰতো তেওঁৰ প্ৰৱেশ নিষেধ হ’ল। দেউতাকে অনেক অনুনয়-বিনয় কৰিও সমাজৰ মন গলাব নোৱাৰিলে। শেষত ঘৰৰ আগতে এটা সৰু জুপুৰী সাজি তেওঁক পৃথকে থাকিবলৈ দিয়া হ’ল। সমাজৰ এই অমানৱীয় আচৰণৰ বাবে আইদেউ সন্দিকৈয়ে জীৱনৰ বাকীছোৱা সময় অতি নিঃসংগ আৰু দুখৰ মাজেৰে কটাবলগীয়া হৈছিল।

২। ব্যাখ্যা কৰাঁ:

ক) “জয়মতী”ৰ যোগেদি অসমৰ সাংস্কৃতিক জগতত এটা নতুন যুগৰ সূচনা হ’ল।

উত্তৰঃ উক্ত বাক্যশাৰী আমাৰ পাঠ্যপুথিৰ ‘আইদেউ সন্দিকৈ’ নামৰ পাঠটিৰ পৰা উদ্ধৃত কৰা হৈছে। ​ৰূপকোঁৱৰ জ্যোতিপ্ৰসাদ আগৰৱালাৰ প্ৰথম অসমীয়া বোলছবি ‘জয়মতী’ নিৰ্মাণত আইদেউ সন্দিকৈৰ অৱদান আছিল অপৰিসীম। সেই সময়ৰ সমাজত নাৰীৰ বাবে অভিনয় আছিল এক অকল্পনীয় আৰু নিষিদ্ধ বিষয়। সমাজৰ ভয়ত আইদেউৰ পিতৃয়েও প্ৰথমে সন্মতি দিয়া নাছিল, কিন্তু জ্যোতিপ্ৰসাদৰ মহান লক্ষ্য আৰু বুজনিত সকলো বাধা আঁতৰ হয়। আইদেউ সন্দিকৈৰ সাহসী পদক্ষেপে ৰূপকোঁৱৰৰ সপোনক বাস্তৱ ৰূপ দিলে। অশেষ কষ্ট আৰু প্ৰত্যাহ্বান নেওচি নিৰ্মাণ কৰা এই বোলছবিখনে অসমীয়া সংস্কৃতিৰ ইতিহাসত এক বৈপ্লৱিক পৰিৱৰ্তন আনিলে। ইয়াৰ জৰিয়তে অসমত চিনেমা শিল্পৰ এক নতুন যাত্ৰা আৰম্ভ হয়, সেয়েহে কোৱা হৈছে যে ‘জয়মতী’ৰ দ্বাৰাই অসমৰ সাংস্কৃতিক জগতত এক নৱযুগৰ সূচনা হৈছিল।

​খ) আইদেউ সন্দিকৈ মহীয়সী অসমীয়া নাৰীৰ অন্যতম প্রতিভূ।

​উত্তৰঃ আইদেউ সন্দিকৈ আছিল ত্যাগ আৰু সাহসৰ এক মূৰ্ত প্ৰতীক। যি সময়ত সমাজৰ কঠোৰ নীতি-নিয়মৰ বাবে কোনো মহিলাই অভিনয় জগতলৈ অহাৰ কথা ভাবিবই নোৱাৰিছিল, সেই সময়ত আইদেউ সন্দিকৈয়ে জ্যোতিপ্ৰসাদ আগৰৱালাৰ অনুৰোধত ‘জয়মতী’ৰ চৰিত্ৰটো জীপাল কৰি তুলিছিল। তেওঁৰ এই শিল্পপ্ৰীতিৰ মূল্য তেওঁ গোটেই জীৱন ধৰি ভৰিবলগীয়া হৈছিল। বোলছবিত অভিনয় কৰাৰ বাবে তেওঁক সমাজে বৰ্জন কৰিছিল আৰু তেওঁ আজীৱন অবিবাহিতা হৈ অতি নিঃসংগভাৱে দিন কটাব লগীয়া হৈছিল। অসমীয়া চলচ্ছিত্ৰৰ ভেটি গঢ়িবলৈ আইদেউ সন্দিকৈয়ে যি বিৰল ত্যাগ কৰিলে, সেয়া কোনো মহীয়সী নাৰীতকৈ কম নহয়। শিল্পৰ বাবে নিজৰ সুখ-শান্তি বিসৰ্জন দিয়া এইগৰাকী নাৰী সঁচাকৈয়ে অসমীয়া সমাজৰ বাবে এগৰাকী গৌৰৱান্বিত আৰু মহীয়সী প্ৰতিভূ।

​৩। বাক্য ৰচনা কৰাঁ:

​পানীত হাঁহ নচৰা (অতি দুৰৱস্থা): আইদেউ সন্দিকৈয়ে কথাছবিত অভিনয় কৰাৰ বাবে 

 সমাজে এঘৰীয়া কৰাত তেওঁৰ অৱস্থা পানীত হাঁহ নচৰা হৈছিল।

​আলাসৰ লাডু (অতি মৰমৰ): প্ৰতিগৰাকী পিতৃ-মাতৃৰ বাবে নিজৰ সন্তানটি আলাসৰ লাডুৰ দৰে।

​আকাশত চাং পতা (অসাধ্য কল্পনা কৰা): কাম নকৰি কেৱল আকাশত চাং পাতি থাকিলে জীৱনত কেতিয়াও উন্নতি কৰিব নোৱাৰি।

​বিধি পথালি দিয়া (বাধা দিয়া): সমাজৰ কিছুমান কুসংস্কাৰে আইদেউ সন্দিকৈৰ জীৱনৰ সুখত বিধি পথালি দিছিল।

​গাই বাই চা (পৰীক্ষা কৰি চোৱা): কোনো অচিনাকি মানুহক বিশ্বাস কৰাৰ আগতে তেওঁৰ চৰিত্ৰটো ভালদৰে গাই বাই চাব লাগে।

​কাণ বাগৰা (শুনা কথা): ভিত্তিহীন কাণ বাগৰা কথা শুনি কাৰো লগত বিবাদত লিপ্ত হোৱাটো অনুচিত।

​বগলী ভকত (ভণ্ড লোক): সমাজত একাংশ বগলী ভকত থাকে যিয়ে বাহিৰত ভাল দেখুৱালেও ভিতৰি অনিষ্ট কৰে।

​দেহে-কেহে খাট (অশেষ পৰিশ্ৰম কৰা): সফল হবলৈ হ’লে ছাত্ৰ-ছাত্ৰীয়ে পঢ়া-শুনাত দেহে-কেহে খাটিব লাগে।

​ইহলীলা সম্বৰণ কৰা (মৃত্যু হোৱা): অসমৰ প্ৰথমগৰাকী অভিনেত্ৰী আইদেউ সন্দিকৈয়ে ২০০২ চনত ইহলীলা সম্বৰণ কৰে।

৪। এটা শব্দত প্রকাশ কৰাঁ:

ক) একে মাকৰ সন্তান______.।

খ) আনৰ ওপৰত নিৰ্ভৰ কৰা লোক______.।

গ) যাক পৰিহাৰ কৰিব নোৱাৰি_______.।

ঘ) আনৰ ভাল দেখিব নোৱৰা লোক_____.।

ঙ) যাক নিবাৰণ কৰিব নোৱাৰি ______.।

উত্তৰঃ 

ক) একে মাকৰ সন্তান সহোদৰ।

খ) আনৰ ওপৰত নিৰ্ভৰ কৰা লোক পৰনিৰ্ভৰশীল।

গ) যাক পৰিহাৰ কৰিব নোৱাৰি অপৰিহাৰ্য।

ঘ) আনৰ ভাল দেখিব নোৱৰা লোক পৰশ্ৰীকাতৰ / চকুচৰহা।

ঙ) যাক নিবাৰণ কৰিব নোৱাৰি অনির্বাণ।

চ) আগেয়ে নোহোৱা ঘটনা অভূতপূর্ব।

৫। বিপৰীত অর্থবোধক শব্দ লিখা:

শব্দ	বিপৰীত শব্দ
নির্মাণ	ধ্বংস
সন্ধি	বিসন্ধি, বিগ্রহ
গৌৰৱ	লজ্জিত
নিষিদ্ধ	প্রচলন
গ্রহণ	বর্জন
বিপদ	সম্পদ
শাস্তি	ৰেহাই দিয়া
বাস্তৱ	সপোন, অবাস্তৱ
সপোন	দিঠক

৬। প্রত্যয় ভাঙি দেখুওৱাঁ:

অসমীয়া = অসম +ইয়া

ভাৱৰীয়া = ভাও + অৰীয়া

ৰণুৱা  = ৰণ + উৱা

গাৱলীয়া =  গাঁও + অলীয়া

সামাজিক = সমাজ ইক্

বুধিয়ক = বুদ্ধি + অক

এঘৰীয়া = এঘৰ+ ঈয়া

সম্বন্ধীয়া =সম্বন্ধ +ঈয়া

৭। ব্যাখ্যা কৰা :

ক) চাহাবৰ দৰে নাথাকি দেশ স্বাধীন কৰিবলৈ তেখেতে দেহে কেহে খাটি কাৰাবৰণো কৰিছে।

​উত্তৰঃ উদ্ধৃত বাক্যশাৰী আমাৰ পাঠ্যপুথিত থকা ‘আইদেউ সন্দিকৈ’ নামৰ পাঠটিৰ পৰা লোৱা হৈছে। 

      ​উক্ত কথাখিনিৰ জৰিয়তে ডিম্ব গোহাঁয়ে আইদেউ সন্দিকৈক ৰূপকোঁৱৰ জ্যোতিপ্ৰসাদ আগৰৱালাৰ মহত্ত্বৰ বিষয়ে বুজনি দিছিল। ​যেতিয়া জ্যোতিপ্ৰসাদ আগৰৱালাই ‘জয়মতী’ কথাছবিৰ বাবে যোগ্য অভিনেত্ৰীৰ সন্ধানত বিজ্ঞাপন দিছিল, তেতিয়া ডিম্ব গোহাঁয়ে তেওঁৰ সম্বন্ধীয় ভনীয়েক আইদেউৰ এখন ফটো জ্যোতিপ্ৰসাদলৈ প্ৰেৰণ কৰিছিল। ফটোখন চাই জ্যোতিপ্ৰসাদে আইদেউক চাবলৈ আগ্ৰহ প্ৰকাশ কৰাত ডিম্বই জাহাজ দেখুওৱাৰ চলেৰে আইদেউ আৰু তেওঁৰ সৰু ভায়েকক ঘৰৰ পৰা লৈ আহে। জাহাজত উঠাৰ পাছত আইদেউ আৰু ভায়েকে ভয়ত কান্দিবলৈ ধৰাত ডিম্ব গোহাঁয়ে তেওঁলোকক সান্ত্বনা দি কৈছিল যে তেওঁলোকক এগৰাকী বিশিষ্ট ব্যক্তিৰ ওচৰলৈ লৈ যোৱা হৈছে। তেওঁ আইদেউক জনাইছিল যে জ্যোতিপ্ৰসাদ আগৰৱালা কেৱল এজন শিল্পীয়েই নহয়, তেওঁ ভাৰতৰ স্বাধীনতা সংগ্ৰামৰ এজন নিষ্ঠাবান সৈনিক যিয়ে দেশৰ বাবে কাৰাবৰণো কৰিছে।

​খ) “জাতিৰ গৌৰৱ বঢ়াবলৈ ভাও এটা কৰিব নোৱাৰিবি জানো?”

​উত্তৰঃ উক্ত বাক্যশাৰী আমাৰ পাঠ্যপুথিৰ অন্তৰ্গত ‘আইদেউ সন্দিকৈ’ নামৰ পাঠটিৰ পৰা সংগ্ৰহ কৰা হৈছে। 

   ​ডিম্ব গোহাঁয়ে যেতিয়া আইদেউ সন্দিকৈক ভোলাগুৰি চাহ বাগিচালৈ লৈ আহিছিল, তেতিয়া তেওঁক অভিনয়ৰ বাবে উৎসাহিত কৰিবলৈ এইদৰে কৈছিল।

​ৰূপকোঁৱৰ জ্যোতিপ্ৰসাদ আগৰৱালাই অসমীয়া ভাষাত প্ৰথমখন বোলছবি বা ‘টকী’ নিৰ্মাণ কৰাৰ যি প্ৰয়াস কৰিছিল, তাৰ সফলতাৰ বাবে আইদেউৰ সহযোগিতা বিচাৰি ডিম্বই এইষাৰ কথা কৈছিল। তেওঁ আইদেউক বুজাইছিল যে এই ঐতিহাসিক কথাছবিখনত নায়িকাৰ ভূমিকা পালন কৰিবলৈ পোৱাটো এক বিৰল সুযোগ, যাৰ দ্বাৰা তেওঁৰ নাম অমৰ হৈ ৰ’ব। অসমৰ বীৰাংগনা মূলাগাভৰু আৰু জয়মতীৰ সাহস আৰু ত্যাগৰ উদাহৰণ দি ডিম্বই আইদেউক কৈছিল যে যদিহে সেইসকল মহীয়সী নাৰীয়ে জাতিৰ বাবে প্ৰাণ দিব পাৰে, তেন্তে আইদেউ সন্দিকৈয়েও জাতিৰ গৌৰৱ বৃদ্ধিৰ বাবে বোলছবিখনত এটি চৰিত্ৰত অভিনয় কৰা উচিত।

৮। বাক্য ৰচনা কৰা:

উত্তৰঃ

 আঠুৱাৰ তলৰ মহ: মানুহে আঠুৱাৰ তলৰ মহ হৈ থাকিলে জীৱনত একো উন্নতি কৰিব  নোৱাৰে।

জয়দেউ কাকুতি: জ্যোতিপ্ৰসাদৰ প্ৰথম অসমীয়া বোলছবিত অভিনয় কৰাৰ বাবে আইদেউ সন্দিকৈক জয়দেউ কাককুতি কৰিব লগা হৈছিল।

দাঁতে ওঠে নলগা: ৰাম আৰু হৰিৰ মাজত কোনোদিনে দাঁতে ওঠে নালাগিছিল।

৯। প্রত্যয় ভাঙি দেখুওৱাঁ:

উত্তৰঃ

পানীদিহিতীয়া =পানীদিহিঙ + ঈয়া

সম্বন্ধীয়া =সম্বন্ধ+ ঈয়া

এঘৰীয়া = এম্ + অবীয়া

গাৱলীয়া = গাঁও + অলীয়া

গল = গাঁও + ইয়া

সামাজিক = সমাজ + ইক

বুধিয়ক = বুধি + অক্

অসমীয়া = অসম + ঈয়া

ভাৱৰীয়া = ভাও + অৰীয়া

ৰণুৱা বণ + উৱা

১০। কি কাৰণে ‘ণ’ বা ‘য’ হৈছে লিখাঁ :

উত্তৰঃ

 ক্ষণ: ক আৰু যৰ পাছত থকা ‘ন’ ‘ণ’ হয়।

নির্মাণ: ঋ আৰু ষৰ পিছত থকা ‘ন’ ‘ণ’ হয়।

চেষ্টা : ‘ট’ বৰ্গৰ বৰ্ণৰ লগত যুক্ত হ’লে ‘স”য’ হয়।

গ্রহণ: ঝ, ব, য আৰু নৰ মাজত ক বর্গ বা প বৰ্গৰ কোনো আখৰ নাইবা য, র, হ থাকিলেও ‘ন’ ‘ণ’ হয়।

নিষিদ্ধ: ই কাৰান্ত আৰু উ কাৰান্ত-উপসৰ্গৰ পিছত থকা স্থা, সিধ, সিচ, সম আদি ধাতুৰ ‘ন’ ‘ণ’ হয়।

ৰণুৱা: ‘ব’ৰ পিছত থকা ‘ন’ ‘ণ’ হয়।

পূৰ্ণঃ ‘ৰ’ৰ পিছত থকা ‘ন’ ‘ণ’ হয়।

স্মৰণ: ‘ৰ’ৰ পিছত থকা ‘ন’ ‘ণ’ হয়।