Class 7 Assamese Chapter 10 অনুৰাগ আৰু চাৰমেন ক্ৰ’ৰ মানুহবোৰ Solutions | AJB Assam
সপ্তম শ্ৰেণী আপোন পাঠ (অসমীয়া) অধ্যায় ১০ – অনুৰাগ আৰু চাৰমেন ক্ৰ’ৰ মানুহবোৰ সম্পূৰ্ণ পাঠ্যভিত্তিক প্ৰশ্নোত্তৰ আৰু সমাধান (AJB Assam)
সপ্তম শ্ৰেণীৰ অসমীয়া পাঠ্যপুথি ‘আপোন পাঠ’ৰ দশম অধ্যায় ‘অনুৰাগ আৰু চাৰমেন ক্ৰ’ৰ মানুহবোৰ’ এখন অতি গুৰুত্বপূৰ্ণ আৰু শিক্ষণীয় পাঠ। অসম জাতীয় বিদ্যালয়ৰ (AJB) শেহতীয়া নতুন পাঠ্যক্ৰমৰ আধাৰত এই অধ্যায়ৰ সম্পূৰ্ণ পাঠ্যভিত্তিক প্ৰশ্নোত্তৰ (Class 7 Assamese Chapter 10 Textual Question Answer) প্ৰস্তুত কৰা হৈছে। এই বিশেষ সংকলনটিত পাঠভিত্তিক চমু প্ৰশ্ন, দীঘলীয়া প্ৰশ্ন, ব্যাকৰণ, অতিৰিক্ত প্ৰশ্ন (Additional Questions) আৰু বহু-বিকল্পী প্ৰশ্ন (MCQs) অন্তৰ্ভুক্ত কৰা হৈছে। অস্পীন একেডেমী (Ospin Academy) ত এই সমাধানসমূহ অতি সহজ, নিৰ্ভুল আৰু সম্পূৰ্ণ পৰীক্ষামুখীভাৱে উপলব্ধ কৰোৱা হৈছে।
‘অনুৰাগ আৰু চাৰমেন ক্ৰ’ৰ মানুহবোৰ’ নামৰ এই পাঠটিত সমাজ জীৱন, পাৰস্পৰিক সম্পৰ্ক আৰু মানৱীয় প্ৰমূল্যবোধৰ এখন সুন্দৰ চিত্ৰ দাঙি ধৰা হৈছে। ছাত্ৰ-ছাত্ৰীসকলৰ বাবে এই পাঠৰ কাহিনীভাগ, ইয়াৰ অন্তৰ্নিহিত ভাৱ আৰু তাৎপৰ্য বুজি পোৱাটো অতি প্ৰয়োজনীয়। আমাৰ এই পাঠ্যভিত্তিক সমাধানত (Textual Solutions) কেৱল পাঠ্যপুথিৰ অনুশীলনীৰ প্ৰশ্নসমূহেই নহয়, বৰঞ্চ পৰীক্ষাত আহিব পৰা অতিৰিক্ত গুৰুত্বপূৰ্ণ প্ৰশ্ন-উত্তৰসমূহো সামৰি লোৱা হৈছে যাতে ছাত্ৰ-ছাত্ৰীসকলে সুন্দৰভাৱে প্ৰস্তুতি চলাব পাৰে।
এই পাঠ্যভিত্তিক সমাধানৰ পৰা আপুনি কি কি শিকিব আৰু পাব:
- অনুৰাগ আৰু চাৰমেন ক্ৰ’ৰ মানুহবোৰ পাঠটিৰ কাহিনীভাগৰ সাৰাংশ আৰু চৰিত্ৰসমূহৰ বিশ্লেষণ।
- শব্দাৰ্থ, চমু প্ৰশ্ন আৰু দীঘলীয়া প্ৰশ্নৰ পৰীক্ষাত লিখিব পৰা নিৰ্দোষ উত্তৰ।
- পাঠভিত্তিক ব্যাকৰণ, সমাৰ্থক শব্দ, বিপৰীত শব্দ আৰু বাক্য ৰচনাৰ সঠিক জ্ঞান।
- নতুন পাঠ্যক্ৰমৰ আৰ্হি অনুসৰি গুৰুত্বপূৰ্ণ অতিৰিক্ত প্ৰশ্নসমূহৰ লগতে বহু-বিকল্পী প্ৰশ্নৰ (MCQs) সমাধান।
অস্পীন একেডেমীৰ এই প্ৰশ্নোত্তৰসমূহৰ বিশেষ সুবিধা:
- শেহতীয়া AJB নতুন পাঠ্যক্ৰমৰ আধাৰত প্ৰস্তুত কৰা সম্পূৰ্ণ পাঠ্যভিত্তিক সমাধান।
- ১০০% নিৰ্ভুল আৰু ছাত্ৰ-ছাত্ৰীয়ে মুখস্থ কৰিবলৈ সহজ হোৱাকৈ সৰল অসমীয়া ভাষাত লিখা উন্নত মানৰ নোটছ (Class 7 Apun Path Notes)।
- পৰীক্ষাৰ পূৰ্বে দ্ৰুত ৰিভিজনৰ (Quick Revision) বাবে বিশেষভাৱে যুগুতোৱা সহজ-সৰল উত্তৰ।
- এই পাঠৰ পৰা পৰীক্ষাত আহিব পৰা অতিৰিক্ত গুৰুত্বপূৰ্ণ প্ৰশ্নৰ বিশেষ সংকলন।
ছাত্ৰ-ছাত্ৰীসকলৰ শৈক্ষিক উত্তৰণৰ প্ৰতি লক্ষ্য ৰাখি অস্পীন একেডেমীয়ে এই বিশেষ পাঠ্যভিত্তিক সমাধান আগবঢ়াইছে। আপোনাৰ পৰীক্ষাৰ প্ৰস্তুতি এতিয়াই আৰম্ভ কৰক আৰু অসমীয়া বিষয়ত সৰ্বোচ্চ নম্বৰ লাভ কৰাৰ দিশত আগবাঢ়ক।
Class 7 Assamese (আপোন পাঠ) Textbook Solutions & MCQs | AJB New Syllabus
New Updated Version!
According to Latest AJB New Syllabus & Updated Book
Get comprehensive preparation for Class 7 Assamese (আপোন পাঠ) with this complete Textual Solution & MCQs package.
Includes Chapter-wise textbook solutions, additional Q&A, and MCQs precisely structured as per the latest Assam Jatiya Bidyalay (AJB) syllabus and new book.
Perfect for building a strong foundation and mastering your school assessments! Download as an easy-to-use ZIP file.
অসম জাতীয় বিদ্যালয়, সপ্তম শ্ৰেণী: আপোন পাঠ
অনুৰাগ আৰু চাৰমেন ক্ৰ’ৰ মানুহবোৰ
পাঠভিত্তিক প্রশ্নোত্তৰ
১। উত্তৰ লিখাঁঃ
ক) অনুৰাগক কিহে বৰকৈ আকৰ্ষণ কৰে?
উত্তৰঃ অনুৰাগক বিশেষকৈ অসমৰ বিভিন্ন জনজাতিৰ পৰম্পৰাগত সংস্কৃতিয়ে বৰকৈ আকৰ্ষণ কৰিছিল।
খ) অনুৰাগৰ দেউতাকে ক’ত চাকৰি কৰে?
উত্তৰঃ অনুৰাগৰ দেউতাকে কাৰ্বি আংলং জিলাৰ সদৰ ডিফুত চাকৰি কৰে
গ) অনুৰাগে গাড়ীৰ খিৰিকিৰে কি দেখি আত্মহাৰা হৈছিল?
উত্তৰঃ নির্জন, গহীন অরণ্য এৰি, সোণোৱালী ধাননি পথাৰ, তাৰ পাছত আঁকোৱা-পকোৱা পাহাৰীয়া বাট, তাৰ পাছত পুনৰ অৰণ্যৰ বিশালতা, দূৰৰ পাহাৰৰ কাষত পুতলাৰ দৰে লগা কাৰ্বি লোকৰ কণমানি ঘৰ-দুৱাৰ, মেঘে কপাহৰ জোলাৰ দৰে সৰি নিয়া ঝুমখেতিৰ পথাৰবোৰ গাড়ীৰ খিৰিকিৰে দেখি অনুৰাগে আত্মাহাৰা হৈছিল।
ঘ) স্কুটাৰ চলাই অহা অনুৰাগহঁতৰ কাষ চপা ব্যক্তিজন কোন আছিল?
উত্তৰঃ স্কুটাৰ চলাই অহা অনুৰাগহঁতৰ কাষ চপা ব্যক্তিজন আছিল কার্বি জনগোষ্ঠীৰ লোক। তেওঁৰ নাম ধনসিং ক্র’ আছিল।
ঙ) অনুৰাগহঁতে বাতি চাৰমেন ক্ৰ’ৰ ঘৰত কিয় থাকিবলগা হ’ল?
উত্তৰঃ অনুৰাগহঁতৰ গাড়ীখন বেয়া হৈছিল অৱশেষত গাড়ীখন ভাল নোহোৱাত পাছদিনা কিবা এটা কৰাৰ সিদ্ধান্ত লৈ ধনসিঙৰ আগ্ৰহ আৰু হেঁপাহৰ আগত হাৰ মানি চাৰমেন এ’ হঁতৰ ঘৰতে থাকিব লগা হ’ল।
চ) চাৰমেন ক্রু’ কোন?
উত্তৰঃ চাৰমেন ক্রু’ ধনসিঙৰ দেউতাক আছিল। তেওঁ গাঁওখনৰ ভিতৰতে বিজ্ঞ,সম্মানীয় আৰু অৱস্থাপন্ন লোক আছিল। তেখেত গাঁৱৰ ‘ছাথাৰ’ অর্থাৎ গাঁওবুঢ়া আছিল।
ছ) পাঠটিত কাৰ্বি সাজপাৰৰ কেনে বর্ণনা-পাইছা?
উত্তৰঃ পাঠটিত কার্বি সাজপাৰৰ বৰ্ণনা সুন্দৰভাৱে পোৱা যায়।
জ) অনুৰাগে চাৰমেন ক্ৰ’ৰ ঘৰত দেখা বাদ্যযন্ত্ৰৰ বিষয়ে লিখাঁ।
উত্তৰঃ অনুৰাগে চাৰমেন ক্ৰ’ৰ ঘৰত সৰু বৰ আকৃতিৰ ঢোল, তাল, বীণাসদৃশ বাদ্যযন্ত্ৰ আৰু বাঁহৰ বাদ্য আদি দেখা পাইছিল।
ঝ) “বাৰই” মানে কি?
উত্তৰঃ বাঁহৰ-কাঠৰ কাম কৰা শিল্পীয়ে এনে মনোৰম শিল্পকর্ম কৰে যাক কার্বিত “বাৰই” বুলি কোৱা হয়।
ঞ) “জাম্বিলী আথন” মানে কি?
উত্তৰঃ প্রতীকী গছ আৰু পক্ষীৰ মূৰ্তি কটা সঁজুলি।
২। চমুটোকা লিখাঁ:
ক) ৰংবং তেৰাং
খ) ইয়াৰুঈদ্গম
গ) চ’মাংকান
উত্তৰঃ
ক) ৰংবং তেৰাং: অসমীয়া সাহিত্যৰ সমসাময়িক ঔপন্যাসিকসকলৰ মাজত ৰংবং তেৰাং এক উজ্জ্বল নাম। তেওঁৰ কাপেৰে নিগৰা কেইখনমান উল্লেখযোগ্য গ্ৰন্থ হ’ল— ‘কাৰবি লামকুক’, ‘মহাত্মাগান্ধী’, ‘কাৰবি সাধু’, ‘কাৰবি সাহিত্য-সংস্কৃতিত এভুমুকি’, ‘নীলা অৰ্কিড’, ‘ক্ৰান্তিকালৰ অশ্ৰু’, ‘জাক হেৰুৱা পক্ষী’, ‘মিৰবিন’, ‘বন ফৰিঙৰ গীত’ ইত্যাদি। বিংশ শতিকাৰ স্বাধীনতাৰ পূৰ্বৰ সময়ছোৱাত কাৰবি সমাজত হোৱা বিভিন্ন পৰিৱৰ্তনৰ কাহিনীৰে সমৃদ্ধ ‘ৰংমিলিৰ হাঁহি’ তেওঁৰ সৰ্বজনবিদিত প্ৰথমখন উপন্যাস। ইয়াৰ উপৰিও তেওঁ কাৰবি-অসমীয়া ভাষাৰ সমন্বয়ৰ বাবে বিভিন্ন পাঠ্যপুথি আৰু অভিধানো ৰচনা কৰিছে।
খ) ইয়াৰুঈঙ্গম: অসমীয়া উপন্যাস জগতত ড° বীৰেন্দ্ৰ কুমাৰ ভট্টাচাৰ্যৰ অৱদান অনন্য। তেওঁৰ ৰচনাত সুক্ষ্ম জীৱনবোধ, গভীৰ চিন্তা আৰু সঠিক বিষয়বস্তুৰ নিৰ্বাচন দেখিবলৈ পোৱা যায়। সমসাময়িক সমাজ আৰু ৰাজনীতিৰ বিভিন্ন দিশ তেওঁৰ উপন্যাসৰ মূল আধাৰ যদিও প্ৰতিটো সমস্যাৰ মাজত থকা মানৱীয়তাক তেওঁ বিশেষ গুৰুত্ব দিছিল। তেওঁৰ কালজয়ী উপন্যাস ‘ইয়াৰুঈঙ্গম’ত নগা সমাজৰ জীৱন যাত্ৰা অতি মৰ্মস্পৰ্শী ৰূপত বৰ্ণিত হৈছে। উখ্ৰুলত শিক্ষকতা কৰি থকাৰ সময়ত নগা জীৱনক অতি ওচৰৰ পৰা নিৰীক্ষণ কৰি লাভ কৰা অভিজ্ঞতাৰ ভিত্তিত তেওঁ এইখন ৰচনা কৰিছিল। দ্বিতীয় বিশ্বযুদ্ধই বিধবস্ত কৰা নগা সমাজৰ ৰাজনৈতিক, অৰ্থনৈতিক আৰু সামাজিক ছবিখনৰ লগতে মানৱীয় প্ৰমূল্যবোধ ইয়াত প্ৰবলভাৱে প্ৰকাশ পাইছে।
গ) চ’মাংকান: কাৰবিসকলৰ ধৰ্মীয় বিশ্বাসত মহাদেৱ বা বুঢ়াগোসাঁইৰ এক বিশেষ স্থান আছে। তেওঁলোকৰ পালন কৰা উৎসৱসমূহৰ ভিতৰত ‘চ’মাংকান’ আটাইতকৈ গুৰুত্বপূৰ্ণ। চ’মাংকান হ’ল মূলতঃ মৃতকৰ শ্ৰাদ্ধ বা মৃতকৰ সন্মানত আয়োজন কৰা এক উৎসৱ। যদিও শব্দগত অৰ্থত ইয়াক বহুত ‘খাছি নৃত্য’ বুলি ক’ব বিচাৰে, আচলতে এই নৃত্য আৰু উৎসৱৰ সৈতে কাৰবিসকলৰহে ওতপ্ৰোত সম্পৰ্ক আছে। কিছুমান পণ্ডিতৰ মতে, অতীতত কাৰবিসকলৰ সৈতে খাছি-জয়ন্তীয়াসকলৰ কোনোবা এক পৰ্যায়ত সম্পৰ্ক আছিল বাবেই হয়তো এনে নামৰ সৃষ্টি হৈছিল। বহুতে বিশ্বাস কৰে যে এই উৎসৱৰ প্ৰাচীন নাম আছিল ‘আৰ্লেং কাৰ্হি’, যিটো কালক্ৰমত খাছি শব্দৰ প্ৰভাৱত ‘চ’মাংকান’লৈ ৰূপান্তৰিত হ’ল।
৩। তলৰ উৎসৱকেইটি ক’ত, কেতিয়া উদযাপিত হয় লিখাঁ:
ক) মহোহো
খ) ভঠেলি
গ) জোনবিল মেলা
উত্তৰঃ
ক) মহোহো: ক’ত – এই উৎসৱ ঘাইকৈ নামনি অসমৰ কামৰূপ, দৰং, গোৱালপাৰা আৰু নলবাৰী আদি জিলাত পালন কৰা হয়।
কেতিয়া– আঘোণ মাহৰ পূৰ্ণিমাৰ নিশা গাঁৱৰ ডেকা-ল’ৰাহঁতে দলবদ্ধ হৈ এই উৎসৱ উদযাপন কৰে।
খ) ভঠেলি: ক’ত -ভঠেলি উৎসৱ মূলতঃ নামনি অসমৰ কামৰূপ আৰু বৰপেটা আদি অঞ্চলৰ এক লোক-উৎসৱ।
কেতিয়া – ব’হাগ বিহুৰ সময়ত অৰ্থাৎ ব’হাগ মাহৰ আৰম্ভণিতে এই উৎসৱ উদ্যাপন কৰা হয়।
গ) জোনবিল মেলা: ক’ত – মৰিগাঁও জিলাৰ জাগীৰোডৰ ওচৰৰ জোনবিল নামৰ বিলৰ পাৰত এই ঐতিহাসিক মেলা অনুষ্ঠিত হয়।
কেতিয়া – মাঘ বিহুৰ পাছৰ প্ৰথমটো শুকুৰবাৰে এই মেলাৰ আয়োজন কৰা হয়।
৪। সন্ধি ভাঙাঃ
সংস্কৃতি
কার্যালয়
উৎসৱ
নমস্কাৰ
মৰমিয়াল
সম্ভাষণ
সম্মুখ
মনোৰম
নিষ্কলুষ
উত্তৰঃ
সংস্কৃতি = সম্ + কৃতি
কার্যালয় = কার্য + আলয়
উৎসৱ = উৎ + সর
নমস্কাৰ = নম্ + কাৰ
মৰমিয়াল = মৰম ইয়াল
সম্ভাষণ = সম্ + ভাষণ
সম্মুখ = সন্ + মুখ
মনোৰম = মনঃ + ৰম
নিষ্কলুষ = নিঃ + কলুষ
৫। পাঠটিত কার্বি সাজপাৰৰ কেনে বৰ্ণনা পাইছা?
উত্তৰঃ পাঠটোত কাৰ্বি সকলৰ পৰম্পৰাগত সাজ-পাৰৰ এক মনোৰম বৰ্ণনা দাঙি ধৰা হৈছে। কাৰ্বি পুৰুষসকলে সাধাৰণতে চুৰীয়া (ৰিকং), চোলা (চই) আৰু পাগুৰি (প’ই) পৰিধান কৰে। আনহাতে, মহিলাসকলে পিনী (মেখেলা), পেছেলেং (চাদৰ), কঁকালী আৰু ৰাম কক আদি ব্যৱহাৰ কৰে। অলংকাৰৰ ভিতৰত কাণত ‘ন’ থেং পি’, হাতত ‘বয়’ আৰু আঙুলিত ‘আৰমান’ আদি সোণ-ৰূপৰ আৱৰণ থকা গহনা পিন্ধে; ডিঙিত ‘লেক্ পাইকম’ নামৰ মণিৰ হাৰ পৰিধান কৰে। অতি নিপুণতাৰে গছৰ ছালৰ ৰস বা বনৰীয়া গছৰ গুটিৰ পৰা প্ৰস্তুত কৰা উজ্জ্বল প্ৰাকৃতিক ৰঙৰ সহায়ত কাৰ্বি মহিলাসকলে এই কাপোৰবোৰত বিবিধ চানেকি বৈ উলিয়ায়।
৬। গাঁৱৰ মানুহবোৰে অতিথিৰ বাবে কি আনিছিল আৰু কিয় আনিছিল?
উত্তৰঃ গাঁৱৰ লোকসকলে অতিথিৰ বাবে বিভিন্ন উপহাৰ যেনে— সতেজ শাক-পাছলি, মাছ, কুকুৰা আৰু ঘৰুৱাভাৱে চাউলৰ পৰা তৈয়াৰী পানীয় ‘হৰলাঙ’ৰ চুঙা আদি লৈ আহিছিল। কাৰ্বি সমাজত অতিথি পৰায়ণতাৰ এক সুন্দৰ পৰম্পৰা আছে; তেওঁলোকে নিজৰ গাঁৱলৈ অহা যিকোনো অতিথিক কেৱল এটা পৰিয়ালৰ আলহী বুলি নাভাবি সমগ্ৰ গাঁওখনৰে অতিথি বুলি গণ্য কৰে।
৭। কাৰ্বি সমাজত ৰাজতন্ত্র কিদৰে বৰ্তি আছে?
উত্তৰঃ বৰ্তমানৰ আধুনিক প্ৰশাসনিক ব্যৱস্থাৰ মাজতো কাৰ্বি সমাজত অতীতৰ পৰা চলি অহা ৰাজতন্ত্ৰৰ প্ৰভাৱ আজিও স্পষ্ট। তেওঁলোকে নিজৰ ৰজা অৰ্থাৎ ‘লিন্দকপ’ আৰু তেওঁৰ বিষয়াসকলক বিশেষ মৰ্যাদা প্ৰদান কৰে। সমাজৰ আভ্যন্তৰীণ বিবাদ নিষ্পত্তি, বিচাৰ-আচাৰ আৰু বিভিন্ন সামাজিক সমস্যাৰ সমাধানৰ ক্ষেত্ৰত আজিও তেওঁলোকৰ পৰম্পৰাগত ৰীতি-নীতি বা সামাজিক প্ৰথাই অগ্ৰাধিকাৰ পায়।
৮। চাৰমেন’ই অনুৰাগক কি গীত গাই শুনাইছিল?
উত্তৰঃ অনুৰাগৰ বিশেষ অনুৰোধ ৰক্ষা কৰি ছাৰমেনক্ৰ’ই কাৰ্বি ভাষাৰ নিজা ৰামায়ণ অৰ্থাৎ ‘ছাবিন আলুন’ৰ কাহিনী গীত গাই শুনাইছিল। পাহাৰীয়া কাৰ্বি সমাজৰ এই স্বকীয় ৰামায়ণৰ গীতত ৰাম আৰু সীতাৰ নাম শুনি অনুৰাগ বিস্ময় মানিছিল।
৯। অনুবাগে ছাৰমেন ক্ৰ’ৰ ঘৰত দেখা বাদ্যযন্ত্ৰৰ বিষয়ে বর্ণনা দিয়া।
উত্তৰঃ ছাৰমেন ক্ৰ’ৰ ঘৰত অনুৰাগে বিভিন্ন ধৰণৰ থলুৱা বাদ্যযন্ত্ৰ প্ৰত্যক্ষ কৰিছিল। তাৰ ভিতৰত মুখৰে ফু দি বজোৱা বাদ্য, চামৰাৰ সৰু-বৰ ঢোল, তাল, বেহেলা সদৃশ বাদ্য আৰু বাঁহৰ যন্ত্ৰ অন্যতম। ‘পাংচি’ নামৰ কাৰ্বি বাঁহী আৰু ‘চেংলাং পং’ নামৰ বাঁহৰ চুঙাৰ বাদ্যৰ উপৰিও তেওঁ পুৰণি কালৰ ‘চেমকুম্বাং’ নামৰ বাঁহৰ বাদ্যৰ বিষয়ে জানিলে। ছাৰমেনে তাক ‘চেংক্ৰক’ (ডম্বৰুৰ দৰে), ‘চেংপি’ (ডাঙৰ ঢোল) আৰু ‘চেংচু’ (সৰু ঢোল) আদি বজাই শুনাইছিল। লগতে ‘কুমলী ইং’ নামৰ এডলীয়া গুণাৰ বেহেলা আৰু ‘মুৰিটম্পু’ তথা ‘যুৰিজাংবোক’ নামৰ পেপা জাতীয় বাদ্যৰ সুৰে অনুৰাগক মুগ্ধ কৰিছিল।
১০। ‘বাৰই’ মানে কি?
উত্তৰঃ ‘বাৰই’ হৈছে বাঁহ আৰু কাঠৰ কাৰুকাৰ্যৰ দ্বাৰা নিৰ্মিত কাৰ্বি শিল্পীসকলৰ এক বিচিত্ৰ তথা আকৰ্ষণীয় শিল্পনিদৰ্শন।
১১। কি কথাই অনুৰাগৰ দেউতাকক আচৰিত কৰিলে?
উত্তৰঃ পাহাৰীয়া মানুহখিনিৰ নিৰ্ভেজাল মৰম আৰু সহায়কাৰী মনোভাব দেখি অনুৰাগৰ দেউতাক স্তম্ভিত হৈছিল। বিশেষকৈ ধৰ্মসিংহ আৰু গাঁৱৰ আন দুজন ডেকা ল’ৰাই নিশা ড্ৰাইভাৰৰ সৈতে গাড়ীত পহৰা দিছিল আৰু পুৱতি নিশা ডিফুৰ পৰা মেকানিক মাতি আনি গাড়ীখন মেৰামতি কৰি থৈছিল। এনে আত্মীয়তাপূৰ্ণ ব্যৱহাৰ তেওঁৰ বাবে অপ্ৰত্যাশিত আছিল।
১২। কার্বি ৰামায়ণখনৰ নাম কি?
উত্তৰঃ কাৰ্বি সকলৰ পৰম্পৰাগত ৰামায়ণখনৰ নাম হ’ল ‘ছাবিন আলুন’।
১৩। তলৰ উৎসৱ কেইটি ক’ত কেতিয়া উদযাপিত হয় লিখাঁঃ
(ক) বাৰেচহৰীয়া ভাওনা
(খ) ফাট বিহু
(গ) মাছ মৰা উৎসৱ
(ঘ) বোকা ভাওনা
উত্তৰঃ
(ক) বাৰেচহৰীয়া ভাওনা: শোণিতপুৰ জিলাৰ জামুগুৰিহাটত প্ৰতি ৫-৬ বছৰৰ মূৰে মূৰে ফাগুন-চ’ত মাহৰ পূৰ্ণিমাৰ সময়ত উদযাপিত হয়।
(খ) ফাট বিহু: লখিমপুৰ জিলাৰ ঢকুৱাখনাৰ ম’হঘুলি চাপৰিত বহাগ মাহৰ শেষৰ ফালে পালন কৰা হয়।
(গ) মাছ মৰা উৎসৱ: এই উৎসৱ বিভিন্ন বিল বা জলাশয়ত বিশেষকৈ মাঘ বিহুৰ সময়ত বা কোনো বিশেষ দিনত পালন কৰা হয় (যেনে— জোনবিল মেলাৰ মাছ মৰা)।
(ঘ) বোকা ভাওনা: মাজুলীৰ লগতে অসমৰ বিভিন্ন প্ৰান্তত ভাদ মাহত শ্ৰীকৃষ্ণৰ জন্মাষ্টমী বা নন্দোৎসৱৰ দিনা পালন কৰা হয়।
