সপ্তম শ্ৰেণী বিজ্ঞান অধ্যায় ৩ – আঁহৰ পৰা কাপোৰলৈ (Fiber to Fabric) – সকলো পাঠ্যভিত্তিক প্ৰশ্নোত্তৰ | শংকৰদেৱ শিশু বিদ্যা নিকেতন (Sankardev Sishu Vidya Niketan)
সপ্তম শ্ৰেণী বিজ্ঞান অধ্যায় ৩ – আঁহৰ পৰা কাপোৰলৈ (Fiber to Fabric) সম্পূৰ্ণ পাঠ্যভিত্তিক প্ৰশ্নোত্তৰ আৰু সমাধান (Sankardev Sishu Vidya Niketan – Assamese Medium)
সপ্তম শ্ৰেণীৰ বিজ্ঞান পাঠ্যপুথিৰ তৃতীয় অধ্যায় ‘আঁহৰ পৰা কাপোৰলৈ’ (Fiber to Fabric) হৈছে আমাৰ দৈনন্দিন জীৱনত ব্যৱহাৰ কৰা কাপোৰৰ উৎপত্তি আৰু প্ৰক্ৰিয়াকৰণ সম্পৰ্কে এক অতি জ্ঞানবৰ্ধক পাঠ। নতুন পাঠ্যক্ৰম আৰু নতুন শিক্ষা নীতিৰ (NEP) শেহতীয়া নিৰ্দেশনাৰ আধাৰত শংকৰদেৱ শিশু বিদ্যা নিকেতন (SVN) ৰ ছাত্ৰ-ছাত্ৰীসকলৰ বাবে এই অধ্যায়ৰ সম্পূৰ্ণ পাঠ্যভিত্তিক প্ৰশ্নোত্তৰ (Class 7 Science Chapter 3 Textual Question Answer) প্ৰস্তুত কৰা হৈছে। এই বিশেষ সংকলনটিত পাঠভিত্তিক অতি চমু প্ৰশ্ন (VSA), চমু প্ৰশ্ন, দীঘলীয়া প্ৰশ্ন, আৰু বহু-বিকল্পী প্ৰশ্ন (MCQ) অন্তৰ্ভুক্ত কৰা হৈছে। অস্পীন একেডেমী (Ospin Academy) ত এই সমাধানসমূহ সহজ, নিৰ্ভুল আৰু সম্পূৰ্ণ পৰীক্ষামুখীভাৱে উপলব্ধ কৰোৱা হৈছে।
‘আঁহৰ পৰা কাপোৰলৈ’ নামৰ এই পাঠটিত প্ৰাণীজাত আঁহ (পশম আৰু ৰেচম) কেনেদৰে পোৱা যায়, ভেড়া পালন, ৰেচম পলুৰ জীৱন চক্ৰ (Sericulture) আৰু আঁহৰ পৰা ঊল বা ৰেচমৰ সূতা প্ৰস্তুত কৰাৰ বিভিন্ন স্তৰসমূহ (যেনে- কাটি উলিওৱা, পৰিষ্কাৰ কৰা, পানী ধোৱা আদি) সুন্দৰভাৱে বৰ্ণনা কৰা হৈছে। আমাৰ এই পাঠ্যভিত্তিক সমাধানত (Textual Solutions) কেৱল পাঠ্যপুথিৰ অনুশীলনীৰ প্ৰশ্নসমূহেই নহয়, বৰঞ্চ পৰীক্ষাত আহিব পৰা অতিৰিক্ত গুৰুত্বপূৰ্ণ প্ৰশ্ন-উত্তৰসমূহো সামৰি লোৱা হৈছে যাতে ছাত্ৰ-ছাত্ৰীসকলে সুন্দৰভাৱে প্ৰস্তুতি চলাব পাৰে।
এই পাঠ্যভিত্তিক সমাধানৰ পৰা আপুনি কি কি শিকিব আৰু পাব:
- প্ৰাণীজাত আঁহ (পশম আৰু ৰেচম)ৰ উৎস আৰু সিহঁতৰ প্ৰক্ৰিয়াকৰণৰ বিশদ বৰ্ণনা।
- ৰেচম পলুৰ জীৱন চক্ৰ আৰু ইয়াৰ পৰা ৰেচম আহৰণৰ সম্পূৰ্ণ পদ্ধতি।
- ১ নম্বৰৰ অতি চমু প্ৰশ্ন (VSA objective type) আৰু ২-৩ নম্বৰৰ চমু প্ৰশ্নৰ পৰীক্ষাত লিখিব পৰা নিৰ্দোষ উত্তৰ।
- পাঠৰ মূল শব্দসমূহৰ অৰ্থ আৰু পৰীক্ষাৰ বাবে গুৰুত্বপূৰ্ণ প্ৰশ্ন আৰু সমাধান।
- নতুন পাঠ্যক্ৰমৰ আৰ্হি অনুসৰি গুৰুত্বপূৰ্ণ প্ৰশ্নসমূহৰ লগতে শেহতীয়া আৰ্হিৰ MCQ প্ৰশ্নৰ সমাধান।
অস্পীন একেডেমীৰ এই প্ৰশ্নোত্তৰসমূহৰ বিশেষ সুবিধা:
- নতুন পাঠ্যক্ৰমৰ আধাৰত প্ৰস্তুত কৰা সম্পূৰ্ণ পাঠ্যভিত্তিক সমাধান।
- ১০০% নিৰ্ভুল আৰু ছাত্ৰ-ছাত্ৰীয়ে মুখস্থ কৰিবলৈ সহজ হোৱাকৈ সৰল অসমীয়া ভাষাত লিখা উন্নত মানৰ নোটছ (Class 7 Science Notes)।
- পৰীক্ষাৰ পূৰ্বে দ্ৰুত ৰিভিজনৰ (Quick Revision) বাবে বিশেষভাৱে যুগুতোৱা সহজ-সৰল উত্তৰ।
- আঁহৰ পৰা কাপোৰলৈ পাঠৰ পৰা পৰীক্ষাত আহিব পৰা অতিৰিক্ত গুৰুত্বপূৰ্ণ প্ৰশ্নৰ বিশেষ সংকলন।
ছাত্ৰ-ছাত্ৰীসকলৰ শৈক্ষিক উত্তৰণৰ প্ৰতি লক্ষ্য ৰাখি অস্পীন একেডেমীয়ে এই বিশেষ পাঠ্যভিত্তিক সমাধান আগবঢ়াইছে। আপোনাৰ বিদ্যালয়ৰ পৰীক্ষাৰ প্ৰস্তুতি এতিয়াই আৰম্ভ কৰক আৰু বিজ্ঞান বিষয়ত সৰ্বোচ্চ নম্বৰ লাভ কৰাৰ দিশত আগবাঢ়ক।
Class 7 Science (বিজ্ঞান) Textbook Solutions & MCQs | Sankardev Sishu Vidya Niketan (SVN) New Syllabus
New Updated Version!
According to Latest Sankardev Sishu Vidya Niketan (SVN) New Syllabus & Updated Book
Get comprehensive preparation for Class 7 Science (বিজ্ঞান) with this complete Textual Solution & MCQs package.
Includes Chapter-wise textbook solutions, additional Q&A, and MCQs precisely structured as per the latest SVN syllabus and new book.
Perfect for building a strong foundation and mastering your school assessments! Download as an easy-to-use ZIP file.
শংকৰদেৱ বিদ্যা নিকেতন, সপ্তম শ্ৰেণী: বিজ্ঞান
আঁহৰ পৰা কাপোৰলৈ
পাঠভিত্তিক প্রশ্নোত্তৰ
১ । তোমালোকে তলত দিয়া প্রাক্সাথমিক শ্ৰেণীৰ পদ্যটোৰ লগত বোধহয় পৰিচিত।
(i) Baa-baa black Sheep, have you any wool
(ii) Mary had a little lamb, whose fleece was white as snow.
তলত দিয়াসমূহৰ উত্তৰ দিয়াঃ
(ক) Black Sheep ৰ কোনটো অংশত উণ আছে।
উত্তৰঃ ছালৰ একেবাৰে কাষত থকা কোমল তৰপটোত ঊণ পোৱা যায়।
(খ) ভেড়া পোৱালীৰ বগা নোমবোৰে ইহঁতৰ ঊণী আৱৰণ থকা বুজায়।
২ । পাটপলু মানে এটা (ক) কেটাৰ পিলাৰ (খ) লাৰভা। এতিয়া তলৰ কোনটো শুদ্ধ।
(i) ক
(ii) খ
(iii) ক আৰু খ দুয়োটা
(iv) ক আৰু খ এটাও নহয়।
উত্তৰঃ (iii) ক আৰু খ দুয়োটা
৩ । তলত দিয়া কোনটোৱে উণ নিদিয়ে-
(ক) উট
(খ) নোমাল কুকুৰ
(গ) ছাগলী
(ঘ) য়াক
উত্তৰঃ (খ) নোমাল কুকুৰ
৪ । কোনটো প্ৰাণীৰ পৰা এংগোৰা উণ পোৱা যায়-
(ক) উট
(খ) ভেড়া
(গ) ছাগলী
(ঘ) এংগোৰা শহাপহু
উত্তৰঃ (গ) ছাগলী
৫ । লহী, মাৰবাড়ী আৰু নালী কিহৰ প্ৰজাতি –
(ক) উণ
(খ) ভেড়া
(গ) পাট পলু
(ঘ) কাপোৰ
উত্তৰঃ (খ) ভেড়া
৬ । তলৰ কোনটো শব্দই পাটপলু পোহা আৰু উৎপাদন কৰা বুজায় –
(ক) ৰেচম বা পাট শিল্প
(খ) পুষ্পোদ্যান বিজ্ঞান
(গ) অৰণ্য বিজ্ঞান
(ঘ) মৌ পালন
উত্তৰঃ (ঘ) মৌ পালন
৭ । পাট পলুৰ খাদ্য
(ক) নিম গছৰ পাত
(খ) নুনীগছৰ পাত
(গ) কঁঠাল গছৰ পাত
(ঘ) ওপৰৰ সকলোবিধ
উত্তৰঃ (ঘ) নুনী গছৰ পাত।
৮ । তলত দিয়া শব্দবোৰে কি বুজায়
(ক) ৰিয়েৰিং বা পালন
(খ) শ্বিয়েৰিং বা নোম খুৰোৱা
(গ) ৰেচম বা পাটশিল্প
উত্তৰঃ
(ক) ৰিয়েৰিং বা পালন: আৰ্থিক লাভালাভৰ উদ্দেশ্যে যিকোনো জীৱক প্ৰতিপালন কৰা কাৰ্যকেই ৰিয়েৰিং বা পালন বুলি জনা যায়। ইয়াৰ এক উপযুক্ত উদাহৰণ হ’ল, ঊণ উৎপাদনৰ স্বাৰ্থত ভেড়া পোহা।
(খ) শ্বিয়েৰিং বা নোম খুৰোৱাঃ উণ আহৰণৰ উদ্দেশ্যে ভেড়াৰ শৰীৰৰ পৰা নোম কাটি উলিওৱাকে শ্বিয়েৰিং বোলে। এই প্ৰক্ৰিয়াত ভেড়াৰ দেহৰ পৰা নোমখিনি ছালৰ এক অতি পাতল আৱৰণৰ সৈতে কাটি আঁতৰোৱা হয়। এই কাৰ্যটোক শ্বিয়েৰিং বা জন্তুৰ নোম খুৰোৱা প্ৰক্ৰিয়া বুলিও আখ্যা দিয়া হয়। এই কামৰ বাবে সাধাৰণতে নাপিতে চুলি কাটিবলৈ ব্যৱহাৰ কৰা সঁজুলিৰ দৰেই যন্ত্ৰ প্ৰয়োগ কৰা হয়।
(গ) ৰেচম বা পাটশিল্প: আমি প্ৰাণীৰ পৰা পাটৰ আঁহসমূহ লাভ কৰোঁ। মূলতঃ পাটপলুৰ পৰাই এই পাটৰ আঁহবোৰ আহৰণ কৰা হয়। ব্যৱসায়িকভাৱে পাটসূতা উৎপাদনৰ বাবে পাটপলু পোহা কাৰ্যটোক ৰেচম বা পাটশিল্প বুলি কোৱা হয়।
৯ । পাটপলুৰ লেটা বুলিলে কি বুজা?
উত্তৰঃ আকাৰত ডাঙৰ হোৱাৰ পিছত পাটপলুৱে প্ৰথমে নিজৰ দেহৰ চাৰিওকাষে এখন জাল বনাই লয়। ইয়াৰ পাছত সিহঁতে নিজৰ মূৰটো অসমীয়া ‘৪’ সংখ্যাটোৰ দৰে ঘূৰাবলৈ ধৰে। ঠিক এই সময়খিনিতে পলুৱে এবিধ বিশেষ প্ৰ’টিনযুক্ত আঁহ নিৰ্গত কৰে, যিবোৰ বতাহৰ সংস্পৰ্শলৈ আহি কঠিন আঁহলৈ ৰূপান্তৰিত হয়। এই আঁহবোৰৰ জৰিয়তে পাটপলুৱে নিজৰ শৰীৰটো সম্পূৰ্ণৰূপে ঢাকি পেলায়। এনেদৰে সৃষ্টি হোৱা আৱৰণটোকেই লেটা বুলি জনা যায়।
১০ । ৰেচম বা পাটশিল্প কি?
উত্তৰঃ পাটৰ সূতা উৎপাদন কৰিবলৈ পাটপলু পোহা বা পালন কৰা কাৰ্যকে ৰেচম বা পাটশিল্প বুলি কোৱা হয়।
১১ । গুজৰাটত পোৱা ভেড়াৰ প্ৰজাতিৰ নাম লিখা।
উত্তৰঃ গুজৰাট ৰাজ্যত উপলব্ধ হোৱা ভেড়াৰ প্ৰজাতিসমূহ হৈছে- (ক) মাৰৱাড়ী আৰু (খ) পটৱাড়ী।
১২ । চমু উত্তৰ লিখাঃ
(ক) উণ উৎপাদন কৰা জন্তুসমূহৰ নাম লিখা।
উত্তৰঃ যিবোৰ জন্তুৰ পৰা ঊণ আহৰণ কৰা হয়, সেইবোৰৰ নাম হৈছে- ভেড়া, এংগোৰা ছাগলী, চমৰীয়া গাই (য়াক), উট, লামা, আলপাকা, আৰু এংগোৰা শহাপহু আদি।
(খ) ভেড়াৰ দেহৰ কোন অংশত উপ থাকে?
উত্তৰঃ ভেড়াৰ শৰীৰৰ ছালৰ একেবাৰে বাহিৰৰ বা ওপৰৰ স্তৰটোত ঊণ পোৱা যায়।
(গ) উপ উৎপাদনৰ বৃত্তিগত প্রতিবন্ধকতা কি?
উত্তৰঃ ভাৰতবৰ্ষত বহুসংখ্যক লোকৰ বাবে ঊণ উদ্যোগটো জীৱিকা নিৰ্বাহৰ এক প্ৰধান মাধ্যম। পিচে, ঊণৰ আঁহবোৰ পৃথক কৰা কাৰ্যটো যথেষ্ট শংকাৰ কাৰণ হ’ব পাৰে, কিয়নো এই প্ৰক্ৰিয়াত শ্ৰমিকসকল ‘এনথ্ৰাক্স’ নামৰ এবিধ ভয়ংকৰ বেক্টেৰিয়াৰ দ্বাৰা সংক্ৰমিত হোৱাৰ আশংকা থাকে। এই জীৱাণুবিধৰ পৰা ‘চৰ্টাৰচ ৰোগ’ নামৰ এবিধ মাৰাত্মক তেজৰ ৰোগ হয়। বিভিন্ন উদ্যোগত কাম কৰা বনুৱাসকলে এনেদৰে নিজৰ কৰ্মক্ষেত্ৰত সন্মুখীন হোৱা স্বাস্থ্যজনিত বিপদ বা ভাবুকিকেই বৃত্তিগত প্ৰতিবন্ধকতা বুলি আখ্যা দিয়া হয়।
(ঘ) উণ সূতাৰ পৰা কিদৰে উণৰ কাপোৰ প্ৰস্তুত কৰা হয়।
উত্তৰঃ ঊণৰ আঁহবোৰত ৰং সানি লোৱাৰ পাছত সেইবোৰ শুকুৱাই ফণিৰে আঁচুৰি পোন কৰি লোৱা হয় আৰু গুঁঠিব পৰাকৈ পকাই সূতালৈ ৰূপান্তৰ কৰা হয়। ইয়াৰ ভিতৰৰ দীঘল আঁহখিনিৰ পৰা চুৱেটাৰ বনোৱা হয় আৰু চুটি আঁহখিনিৰ পৰা পাঁজি কাটি ঊণী কাপোৰ বোৱাৰ বাবে সূতা তৈয়াৰ কৰা হয়। শেষত এই প্ৰস্তুত কৰা ঊণী সূতাৰ পৰাই বিভিন্ন ঊণৰ কাপোৰবোৰ উৎপাদন কৰা হয়।
(ঙ) লেটাৰ পৰা পাটসূতা প্ৰস্তুত কৰা পদ্ধতি বর্ণনা কৰা।
উত্তৰঃ পাটসূতা উৎপাদনৰ অৰ্থে প্ৰথমে যথেষ্ট পৰিমাণৰ লেটা একেলগে সংগ্ৰহ কৰা হয়। তাৰ পাছত এই লেটাসমূহ কিছুসময় ৰ’দত শুকুৱাবলৈ দিয়া হয় নাইবা গৰম পানীত সিজাই ভাপত ৰখা হয়। ইয়াৰ ফলত পাটৰ আঁহবোৰ সহজে এৰাই পৰে। লেটাৰ পৰা এইদৰে সূতা পৃথক কৰা প্ৰক্ৰিয়াটোক মহুৰা ফুৰা বুলি কোৱা হয়। এই মহুৰা ফুৰোৱা কামটো এবিধ বিশেষ যন্ত্ৰৰ জৰিয়তে কৰা হয়। এই প্ৰক্ৰিয়াত লেটাত লাগি থকা আঁহবোৰ খোল খাই আহে। পৰৱৰ্তী পৰ্যায়ত এই আঁহবোৰক পকাই সূতালৈ ৰূপান্তৰ কৰা হয়। শিপিনীসকলে পাটৰ সাজ-পাৰ ব’বলৈ এইবিধ পাট সূতাকেই ব্যৱহাৰ কৰে।
১৩ । উত্তৰ লিখা:
(ক) উপৰ আঁহৰ পৰা উণৰ কাপোৰ উৎপাদন কৰালৈকে বিভিন্ন দশাসমূহৰ এখন তালিকা প্রস্তুত কৰি লিখা।
উত্তৰঃ ঊণৰ আঁহৰ পৰা আৰম্ভ কৰি ঊণৰ কাপোৰ তৈয়াৰ কৰালৈকে প্ৰয়োজন হোৱা বিভিন্ন পৰ্যায়সমূহৰ তালিকা এখন তলত উল্লেখ কৰা হ’ল-
|
খাপ |
দশাসমূহ |
|
(i) প্ৰথম খাপ |
(i) মুণ্ডন |
|
(ii) দ্বিতীয় খাপ |
(ii) নিৰ্ঘৰ্ষণ বা পৰিষ্কাৰকৰণ |
|
(iii) তৃতীয় খাপ |
(iii) বিভাজনকৰণ |
|
(iv) চতুর্থ খাপ |
(iv) কার্ডিং |
|
(v) পঞ্চম খাপ |
(v) ৰং কৰা |
|
(vi) ষষ্ঠ খাপ |
(vi) ঘূর্ণীয়কৰণ, বোৱন আৰু বোৱা বা গোঁঠা |
(খ) চক্ৰৰীৰ পৰা পাটসূতালৈ বহলাই ব্যাখ্যা কৰা।
উত্তৰঃ মাইকী পাট চকৰীয়ে পৰা ক্ষুদ্ৰ ক্ষুদ্ৰ কণীৰ পৰাই পাটপলুৰ জীৱন পৰিক্ৰমা আৰম্ভ হয়। সাধাৰণতে শৰৎ কালত মাইকী চকৰীয়ে এই কণীবোৰ পাৰে আৰু বসন্ত কালৰ উমাল বতৰত কণী ফুটি পোৱালী ওলায়। কণীৰ পৰা ওলোৱা এই পোৱালীবোৰকেই পাটপলু বা কেটাৰপিলাৰ বোলা হয়। সময়ৰ লগে লগে পাটপলুবোৰ বৃদ্ধি হৈ জীৱন চক্ৰৰ পৰৱৰ্তী অৱস্থাত প্ৰৱেশ কৰে, যাক পলু বা পিউপা বুলি জনা যায়। এই দশাত সিহঁতে নিজৰ শৰীৰৰ চাৰিওকাষে এখন জাল বনাই লয়। ইয়াৰ পাছতে সিহঁতে নিজৰ মূৰটো অসমীয়া অংক ‘৪’ ৰ দৰে ঘূৰাবলৈ আৰম্ভ কৰে। মূৰটো এনেদৰে ঘূৰাই থাকোঁতে পলুৱে এবিধ প্ৰ’টিনযুক্ত পদাৰ্থ উলিয়ায়, যিটো বতাহৰ সংস্পৰ্শলৈ আহি কঠিন আঁহৰ ৰূপ লয়। এই আঁহেৰে পাটপলুৱে নিজৰ গোটেই গাটো ঢাকি ধৰে আৰু পিউপালৈ ৰূপান্তৰিত হয়। বাহিৰৰ এই আৱৰণটোকেই লেটা বোলে। লেটাৰ ভিতৰতে পিউপাৰ পৰা পূৰ্ণাংগ চকৰীলৈ বিকাশ ঘটি থাকে। এই লেটাবোৰৰ পৰা পোৱা আঁহৰ সহায়তেই পিছলৈ পাটৰ কাপোৰ বোৱা হয়।
(গ) ছবিসহ পাট চকৰীৰ জীৱনৰ বিভিন্ন দশাসমূহ বর্ণনা কৰা।
উত্তৰঃ এটা পাটপলুৰ জীৱন-চক্ৰ প্ৰধানকৈ চাৰিটা স্তৰত ভগোৱা হয়— কণী, পলু, লেটা, আৰু পূৰ্ণাংগ চকৰী। এজনী মাইকী পাট চকৰীয়ে একেবাৰতে এশৰো অধিক কণী পাৰে। এই কণীবোৰ কাগজ বা কাপোৰৰ টুকুৰাত অতি সাৱধানেৰে সংৰক্ষণ কৰি পলু পালন কৰা লোকসকলক বিক্ৰী কৰা হয়। পালকসকলে এই কণীবোৰ উপযুক্ত উষ্ণতা আৰু সঠিক আৰ্দ্ৰতাত স্বাস্থ্যসন্মত পৰিৱেশত ৰাখে। সঠিক সময়ত কণীসমূহ ফুটি কেটাৰপিলাৰ বা পলুবোৰ বাহিৰলৈ ওলায়।
এই অৱস্থাত পলুসমূহক সতেজ নুনীপাতৰ সৈতে ডলাত ৰখা হয়। পলুবোৰে দিন-ৰাতি অবিৰতভাৱে পাত খাই খাই আকাৰত যথেষ্ট ডাঙৰ হৈ পৰে। প্ৰায় ২০-৩০ দিনৰ মূৰত ইহঁতে পাত খোৱা বন্ধ কৰে আৰু বাঁহৰ ডলাৰ চুকবোৰলৈ গৈ লেটা বনাবলৈ আৰম্ভ কৰে। লেটাবোৰ ধৰি ৰাখিবলৈ ডলাখনত সৰু সৰু বাঁহৰ আগ বা ৰেক যোগান ধৰা হয়। এইদৰেই পলুবোৰে লেটা প্ৰস্তুত কৰে, যাৰ ঠিক ভিতৰতে পাট চকৰীটোৰ বিকাশ চলি থাকে।
(ঘ) নির্ঘৰ্ষণ বা পৰিষ্কৰণ (Scouring) প্রণালীটো বর্ণনা কৰা।
উত্তৰঃ ভেড়াৰ শৰীৰৰ পৰা নোম কাটি সংগ্ৰহ কৰাৰ পাছতে নিৰ্ঘৰ্ষণ বা পৰিষ্কাৰকৰণ প্ৰক্ৰিয়াটো আৰম্ভ হয়, যিটো ঊণ উৎপাদনৰ দ্বিতীয়টো পৰ্যায়।
এই পৰ্যায়ত ছালৰ সৈতে কাটি অনা নোমখিনি পৰিষ্কাৰকৈ ধুই তাত লাগি থকা ধূলি-মাকতি, তেল আৰু ময়লাসমূহ আঁতৰোৱা হয়। এই কাৰ্যটোক নিৰ্ঘৰ্ষণ বা পৰিষ্কাৰকৰণ (Scouring) বুলি জনা যায়।
এই প্ৰক্ৰিয়াত ব্যৱহাৰ কৰা প্ৰথমটো চৌবাচ্চাৰ পানীৰ সাধাৰণ উষ্ণতা ৬০° চেলচিয়াছ হোৱা প্ৰয়োজন। প্ৰাৰম্ভিক অৱস্থাত নোমবোৰ চৌবাচ্চাৰ চাবোন-পানীত ধুই লোৱা হয় আৰু তাৰ পাছত ঠাণ্ডা পানীৰে চাবোনখিনি ধুই পেলোৱা হয়। কেইবাৰমান এনেদৰে ধোৱাৰ ফলশ্ৰুতিত নোমত থকা তেলীয়া পদাৰ্থবোৰ নাইকিয়া হয়। পৰৱৰ্তী সময়ত পৰিষ্কাৰ হোৱা নোমখিনিৰ পৰা পানী চেপি উলিয়াই ড্রায়াৰ বা শুকুৱা যন্ত্ৰৰ জৰিয়তে শুকুৱাই লোৱা হয়। বৰ্তমান সময়ত এই সমগ্ৰ প্ৰক্ৰিয়াটো মেচিনৰ দ্বাৰাই সম্পন্ন কৰা হয়।
(ঙ) মুণ্ডন বা নোমখুৰোৱা (Shearing) পদ্ধতিটো লিখা। এই পদ্ধতিত কি যন্ত্র ব্যৱহাৰ কৰা হয়।
উত্তৰঃ শ্বল ব’বলৈ বা চুৱেটাৰ গুঁঠিবলৈ লগা ঊণসমূহ এক বিস্তৃত প্ৰক্ৰিয়াৰ মাজেৰে প্ৰস্তুত কৰা হয়। এই গোটেই প্ৰক্ৰিয়াটোক কেইবাটাও পৰ্যায়ত বিভক্ত কৰা হয়।
ভেড়াৰ নোমৰ পৰা ঊণ প্ৰস্তুতকৰণৰ একেবাৰে প্ৰথমটো পৰ্যায় হৈছে মুণ্ডন। এই পৰ্যায়তেই ভেড়াৰ গাৰ পৰা নোমখিনি সংগ্ৰহ কৰা হয়। এই প্ৰক্ৰিয়াত ভেড়াৰ দেহৰ পৰা ছালৰ এক অতি পাতল আৱৰণেৰে সৈতে নোমসমূহ কাটি উলিওৱা হয়। এই কাৰ্যটোকে মুণ্ডন বা জন্তুৰ নোম খুৰোৱা বুলি অভিহিত কৰা হয়। সাধাৰণতে গৰমৰ দিনত এই নোমবোৰ খুৰোৱা হয়, যাতে প্ৰাণীবোৰে গাত নোমৰ ডাঠ আৱৰণ নোহোৱাকৈয়ো সহজে জীয়াই থাকিব পাৰে। নোম খুৰোৱাৰ ফলত ভেড়াবোৰৰ কোনো দুখ বা অপকাৰ নহয়, কিয়নো ইহঁতৰ ছালৰ একেবাৰে ওপৰৰ স্তৰটো মৃত কোষেৰে গঠিত। এই কাটি অনা নোমখিনিয়েই ঊণৰ আঁহ হিচাপে কাম কৰে। পৰৱৰ্তী সময়ত এই ঊণৰ আঁহসমূহৰ পৰাই বিভিন্ন পদ্ধতিৰে ঊণী সূতা তৈয়াৰ কৰা হয়।
এই মুণ্ডন প্ৰক্ৰিয়াত নোম কাটিবলৈ, সাধাৰণতে চুলিকটা নাপিতে ব্যৱহাৰ কৰা সঁজুলিৰ নিচিনা মেচিন বা যন্ত্ৰ প্ৰয়োগ কৰা হয়।
১৪। ‘ক’ অংশৰ লগত ‘খ ’অংশ মিলোৱা
|
‘ক’অংশ |
‘খ’ অংশ |
|
১।নির্ঘর্ষণ (Scouring) |
(a) পাট সুতাৰ প্ৰকাৰ |
|
২।নুনীগছৰপাত |
(b) ঊণ উৎপাদন কৰা প্ৰাণী |
|
৩।য়াক |
(c) পাট পলুৰ খাদ্য |
|
৪।লেটা |
(d) ভেড়াৰ প্ৰজাতি |
|
৫।লোহী |
(c) মহুৰা ফুৰা |
|
৬।টাছাৰ |
(f) পাত সূতা উৎপাদন কৰে |
|
(g) ছালেৰে সৈতে কাটি লোৱা নোম পৰিষ্কাৰকৰণ। |
উত্তৰঃ
|
‘ক’অংশ |
‘খ’ অংশ |
|
১।নির্ঘর্ষণ (Scouring) |
(g) ছালেৰে সৈতে কাটি লোৱা নোম পৰিষ্কাৰকৰণ। |
|
২।নুনীগছৰপাত |
(c) পাট পলুৰ খাদ্য |
|
৩।য়াক |
(b) ঊণ উৎপাদন কৰা প্ৰাণী |
|
৪।লেটা |
(c) মহুৰা ফুৰা |
|
(f) পাত সূতা উৎপাদন কৰে |
|
|
৫।লোহী |
(d) ভেড়াৰ প্ৰজাতি |
|
৬।টাছাৰ |
(a) পাট সুতাৰ প্ৰকাৰ |
১৫ । খালী ঠাই পূৰণ কৰা –
ক) ____আৰু ____প্ৰাণীৰ পৰা পোৱা সূতা।
উত্তৰঃ পাট, ঊণ।
(খ) প্রাণীসমূহৰ ছালেৰে সৈতে নোম উঠোৱা পদ্ধতিটোক _____বোলে।
উত্তৰঃ মুণ্ডন।
(গ) এংগোৰা ছাগলীৰ পৰা _____ঊণ পোৱা যায়। উত্তৰঃ এংগোৰা।
(ঘ) আটাইতকৈ মূল্যবান উণ _____নামৰ প্ৰাণীৰ পৰা পোৱা যায়।
উত্তৰঃ এংগোৰা শহাপহু।
(ঙ) আলপাকা আৰু লামা ______ত পোৱা যায়।
উত্তৰঃ দক্ষিণ আমেৰিকা।
(চ) পাটপলুৰ_____ ৰ পৰা পাটসূতা পোৱা যায়।
উত্তৰঃ লেটা।
(ছ) পাটপলুৰ লেটাৰ পৰা পূর্ণাঙ্গ_______ হয়।
উত্তৰঃ চকৰী।
(জ) পাটপলুৰ লেটা ______ত দিয়াৰ পাছত লেটাৰ ভিতৰত থকা পলুটো মৰি যায় আৰু লেটাৰ সূতাবোৰ ঢিলা হৈ পৰে।
উত্তৰঃ ভাপ।
১৬ । সত্য নে অসত্য লিখা –
(ক) উণ আৰু পাট সূতা মানুহে উৎপাদন কৰা সূতা।
উত্তৰঃ অসত্য।
(খ) সকলোবোৰ প্ৰাকৃতিক সূতাৰ ভিতৰত পাটসূতাই আটাইতকৈ দৃঢ়।
উত্তৰঃ সত্য।
(গ) পাটপলুৰ কণীৰ পৰা পাট সূতা উৎপাদন কৰা হয়।
উত্তৰঃ অসত্য।
(ঘ) মেৰিণ’ এবিধ পাট সূতা।
উত্তৰঃ অসত্য।
(ঙ) উটৰ পৰা উৎপাদন কৰা উণ সূতা প্রাকৃতিক বৰণতে ৰখা হয়।
উত্তৰঃ অসত্য।
১৭ । নিমিলা শব্দটো কাৰণ দর্শাই আঁতৰ কৰা।
(ক) কপাহী সূতা, পাট সূতা, উণ সূতা।
উত্তৰঃ কপাহী সূতা। কাৰণ কপাহী সূতা উদ্ভিদৰ পৰা উৎপাদন কৰা হয়।
(খ) উট, ভেৰা, পাট পলু।
উত্তৰঃ পাট পলু। কাৰণ পাট পলুৱে পাট সূতা উৎপাদন কৰে আৰু উট, ভেৰাই ঊণ উৎপাদন কৰে।
(গ) মুণ্ডন, পৰিষ্কৰণ, মহুৰা ফুৰোৱা।
উত্তৰঃ মহুৰা ফুৰোৱা। কাৰণ মহুৰা ফুৰুৱা পাট শিল্পৰ লগত জড়িত। আনহাতে, মুণ্ডন আৰু পৰিষ্কৰণ উণ উৎপাদনৰ লগত জড়িত।
(ঘ) এংগোৰা, মেৰিণ’, টছৰ।
উত্তৰঃ মেৰিণ’; কাৰণ টছৰ আৰু এংগোৰা প্ৰাণীৰ পৰা পোৱা আঁহ। কিন্তু মেৰিণ নহয়।
