Class 7 Social Science Chapter 15 ভূ-অৱয়ৱ Solutions | AJB Assam
সপ্তম শ্ৰেণী সমাজ বিজ্ঞান অধ্যায় ১৫ – ভূ-অৱয়ৱ সম্পূৰ্ণ পাঠ্যভিত্তিক প্ৰশ্নোত্তৰ আৰু সমাধান (AJB Assam)
সপ্তম শ্ৰেণীৰ সমাজ বিজ্ঞান (Social Science) পাঠ্যক্ৰমৰ পঞ্চদশ অধ্যায় ‘ভূ-অৱয়ৱ’ ভূগোলৰ এক অতি গুৰুত্বপূৰ্ণ পাঠ। অসম জাতীয় বিদ্যালয়ৰ (AJB) শেহতীয়া নতুন পাঠ্যক্ৰমৰ আধাৰত এই অধ্যায়ৰ সম্পূৰ্ণ পাঠ্যভিত্তিক প্ৰশ্নোত্তৰ (Class 7 Social Science Chapter 15 Textual Question Answer) প্ৰস্তুত কৰা হৈছে। এই বিশেষ সংকলনটিত অনুশীলনীৰ সকলো প্ৰশ্নোত্তৰৰ লগতে অতিৰিক্ত প্ৰশ্ন (Additional Questions) আৰু বহু-বিকল্পী প্ৰশ্ন (MCQs) অন্তৰ্ভুক্ত কৰা হৈছে। অস্পীন একেডেমী (Ospin Academy) ত এই সমাধানসমূহ অতি সহজ আৰু নিৰ্ভুলভাৱে উপলব্ধ কৰোৱা হৈছে যাতে ছাত্ৰ-ছাত্ৰীসকলে ঘৰতে বহি সুন্দৰভাৱে সমাজ বিজ্ঞানৰ অনুশীলন কৰিব পাৰে।
‘ভূ-অৱয়ৱ’ নামৰ এই পাঠটিত পৃথিৱীৰ উপৰিভাগৰ বিভিন্ন অবয়ব যেনে—পৰ্বত-পাহাৰ, মালভূমি, সমভূমি, নদী উপত্যকা আদিৰ সৃষ্টি আৰু ইয়াৰ শ্ৰেণীবিভাজনৰ বিষয়ে বিতংভাৱে আলোচনা কৰা হৈছে। ছাত্ৰ-ছাত্ৰীসকলৰ ভূগোলৰ ভেটি সৱল কৰিবলৈ এই পাঠৰ মূল ধাৰণাসমূহ বুজি পোৱাটো অতি প্ৰয়োজনীয়। আমাৰ এই পাঠ্যভিত্তিক সমাধানত কেৱল পাঠ্যপুথিৰ অনুশীলনীৰ প্ৰশ্নসমূহেই নহয়, বৰঞ্চ পৰীক্ষাত আহিব পৰা অতিৰিক্ত গুৰুত্বপূৰ্ণ প্ৰশ্ন-উত্তৰসমূহো সামৰি লোৱা হৈছে।
এই পাঠ্যভিত্তিক সমাধানৰ পৰা আপুনি কি কি শিকিব আৰু পাব:
- পৃথিৱীৰ বিভিন্ন ভূ-অৱয়ব যেনে—পৰ্বত, মালভূমি আৰু সমভূমিৰ গঠন তথা বৈশিষ্ট্যৰ স্পষ্ট বিশ্লেষণ।
- পাঠ্যপুথিৰ অনুশীলনীৰ প্ৰতিটো চমু আৰু দীঘলীয়া প্ৰশ্নৰ পৰীক্ষামুখী নিৰ্দোষ সমাধান।
- পৰীক্ষাৰ বাবে প্ৰয়োজনীয় অতিৰিক্ত প্ৰশ্ন (Additional Questions) আৰু তাৰ সহজ উত্তৰ।
- নতুন আৰ্হি অনুসৰি গুৰুত্বপূৰ্ণ বহু-বিকল্পী প্ৰশ্নৰ (MCQs) সম্পূৰ্ণ সমাধান।
অস্পীন একেডেমীৰ এই প্ৰশ্নোত্তৰসমূহৰ বিশেষ সুবিধা:
- শেহতীয়া AJB নতুন পাঠ্যক্ৰমৰ আধাৰত প্ৰস্তুত কৰা সম্পূৰ্ণ পাঠ্যভিত্তিক সমাধান।
- ১০০% নিৰ্ভুল আৰু ছাত্ৰ-ছাত্ৰীয়ে সহজে বুজিব পৰাকৈ সৰল ভাষাত যুগুতোৱা উন্নত মানৰ সমাজ বিজ্ঞানৰ নোটছ (Class 7 Samaj Bigyan Notes)।
- পৰীক্ষাৰ পূৰ্বে দ্ৰুত ৰিভিজনৰ (Quick Revision) বাবে বিশেষভাৱে প্ৰস্তুত কৰা সহজ-সৰল উত্তৰ।
- ভূগোলৰ প্ৰতি আগ্ৰহ বঢ়াবলৈ ব্যৱহাৰিক উদাহৰণৰ সহায়ত বুজোৱা সমাধান।
ছাত্ৰ-ছাত্ৰীসকলৰ শৈক্ষিক উত্তৰণৰ প্ৰতি লক্ষ্য ৰাখি অস্পীন একেডেমীয়ে এই বিশেষ পাঠ্যভিত্তিক সমাধান আগবঢ়াইছে। আপোনাৰ পৰীক্ষাৰ প্ৰস্তুতি এতিয়াই আৰম্ভ কৰক আৰু সমাজ বিজ্ঞান বিষয়ত সৰ্বোচ্চ নম্বৰ লাভ কৰাৰ দিশত আগবাঢ়ক।
Class 7 Social Science (সমাজ বিজ্ঞান) Textbook Solutions & MCQs | AJB New Syllabus
New Updated Version!
According to Latest AJB New Syllabus & Updated Book
Get comprehensive preparation for Class 7 Social Science (সমাজ বিজ্ঞান) with this complete Textual Solution & MCQs package.
Includes Chapter-wise textbook solutions, additional Q&A, and MCQs precisely structured as per the latest AJB syllabus and new book.
Perfect for building a strong foundation and mastering your school assessments! Download as an easy-to-use ZIP file.
অসম জাতীয় বিদ্যালয়, সপ্তম শ্ৰেণী: সমাজ বিজ্ঞান
ভূ-অবয়ৱ
পাঠভিত্তিক প্রশ্নোত্তৰ
১। উত্তৰ লিখাঁ:
(ক) পর্বত বুলিলে কি বুজা?
উত্তৰঃ গছ-গছনিৰে আৱৰি থকা আৰু সাগৰপৃষ্ঠৰ পৰা সাধাৰণতে ৯০০ মিটাৰতকৈ অধিক উচ্চতাৰ শিলাময় ভূ-ভাগক পৰ্বত বুলি কোৱা হয়।
(খ) পৃথিৱীৰ দুখন ভংগিল পৰ্বতৰ নাম লিখাঁ
উত্তৰঃ পৃথিৱীৰ দুখন উল্লেখযোগ্য ভংগিল পর্বত হৈছে— এছিয়া মহাদেশৰ হিমালয় পর্বত আৰু ইউৰোপ মহাদেশৰ আল্পছ পর্বত।
(গ) তা ভাৰতৰ স্তুপ পর্বতটো আৰু গ্ৰস্ত উপত্যকাটোৰ নাম লিখাঁ।
উত্তৰঃ ভাৰতবৰ্ষৰ স্তুপ পর্বতটোৰ নাম হৈছে সাতপুৰা পৰ্বত আৰু গ্ৰস্ত উপত্যকাটোৰ নাম হৈছে নর্মদা নদীৰ উপত্যকা।
(ঘ) ভাৰতৰ দুখন পর্যটন কেন্দ্ৰৰ নাম লিখাঁ।
উত্তৰঃ ভাৰতবৰ্ষৰ দুখন প্ৰধান পর্যটন কেন্দ্ৰৰ নাম হ’ল- ছিলং আৰু ছিমলা।
(ঙ) পৃথিৱীৰ ভিতৰত উচ্চতম আৰু বৃহত্তম মালভূমি দুটাৰ নাম লিখী।
উত্তৰঃ পৃথিৱীৰ আটাইতকৈ উচ্চতম মালভূমিটো হৈছে “পামিৰ মালভূমি” আৰু বৃহত্তম মালভূমিটো হ’ল “তিব্বত মালভূমি”।
২। চমু টোকা লিখা:
(ক) সঞ্চয়জাত পর্বত
উত্তৰঃ আগ্নেয়গিৰিৰ উদ্গিৰণ ঘটিলে পৃথিৱীৰ অন্তৰ্ভাগৰ পৰা নিৰ্গত হোৱা লাভাসমূহ জ্বালামুখৰ চাৰিওপিনে সঞ্চিত হৈ যি পৰ্বত বা পাহাৰৰ সৃষ্টি কৰে, তেনেবোৰ পৰ্বত-পাহাৰক সঞ্চয়জাত পর্বত হিচাপে জনা যায়। ইয়াৰ উদাহৰণ হৈছে— জাপানৰ ফুজিয়ামা, আফ্ৰিকা মহাদেশৰ কিলিমাঞ্জাৰো পর্বত ইত্যাদি।
(খ) তৃতীয় বৰ্গৰ ভূ-অৱয়ব
উত্তৰঃ প্ৰাকৃতিক কিছুমান শক্তিৰ ক্ৰিয়াৰ বাবে পৃথিৱীৰ উপৰিভাগ বা ভূত্বকৰ ৰূপ সঘনাই পৰিৱৰ্তিত হৈ থাকে। পৃথিৱীপৃষ্ঠৰ এই ভূ-অৱয়ৱসমূহক ঘাইকৈ তিনিটা ভাগত ভগাব পাৰি। ইয়াৰ ভিতৰত তৃতীয় বৰ্গৰ অন্তৰ্ভুক্ত ভূ-অৱয়ৱসমূহ হৈছে— পর্বত-পাহাৰৰ ভিন ভিন অংশ যেনে শৃংগ, হিমগহ্বৰ, গিৰিখাত, লগতে সমভূমি অঞ্চলৰ উপত্যকা, ব-দ্বীপ, প্লাৱনভূমি আৰু জলভাগত থকা দ্বীপসমূহ।
৩। পার্বত্য অঞ্চল উদ্যোগত পিছপৰি থকা কাৰণ কি?
উত্তৰঃ পৃথিৱীৰ ভূ-অৱয়ৱসমূহে মানৱ জীৱনত যথেষ্ট প্ৰভাৱ বিস্তাৰ কৰি আহিছে। প্ৰাচীন কালত মানুহে পানীৰ সুবিধাৰ বাবে নদীৰ পাৰত বাসস্থান গঢ়ি তুলিছিল আৰু পৰ্বত-পাহাৰসমূহক কেৱল এখন ঠাইৰ ভৌগোলিক সীমা হিচাপেই গণ্য কৰিছিল। পাৰ্বত্য অঞ্চলসমূহৰ ভূ-প্ৰকৃতি অসমান হোৱাৰ বাবে ইয়াৰ যাতায়াত ব্যৱস্থা অতিশয় দুৰ্গম আৰু অঁকা-বঁকা হয়। তেনে অঞ্চলত ৰেলপথ স্থাপন কৰাটোও যথেষ্ট কঠিন কাম। যাতায়াত আৰু যোগাযোগ ব্যৱস্থা সুচল নোহোৱাৰ বাবেই পাৰ্বত্য অঞ্চলসমূহ উদ্যোগৰ ফালৰ পৰা পিছপৰা। উদ্যোগৰ বাবে প্ৰয়োজনীয় গধুৰ যন্ত্ৰপাতিসমূহ তালৈ কঢ়িয়াই নিয়াটো কষ্টকৰ আৰু অত্যন্ত ব্যয়বহুল হৈ পৰে। ইয়াৰ উপৰি, পাহাৰীয়া অঞ্চলসমূহত বৰষুণৰ মাত্ৰা অধিক হয়। বৰষুণৰ পানীয়ে মাটিৰ উপৰিভাগৰ সাৰুৱা অংশ খহহাই নিয়াৰ ফলত মাটিখিনি কৃষিৰ বাবে অনুপযোগী আৰু অনুৰ্বৰ হৈ পৰে। খেতি-বাতিৰ বাবে সুবিধাজনক নহ’লেও এনে অঞ্চল বনজ আৰু খনিজ সম্পদৰে ভৰপূৰ। সেইবাবেই ইয়াত মাজে-সময়ে দুই-এটা ক্ষুদ্ৰ উদ্যোগ গঢ় লৈ উঠা দেখা যায়।
৪। মালভূমি অঞ্চলে জনজীৱনত কেনেদৰে প্ৰভাৱ পেলায়?
উত্তৰঃ মালভূমি অঞ্চলসমূহেও জনসাধাৰণৰ জীৱনযাত্ৰাৰ ওপৰত গভীৰ প্ৰভাৱ পেলায়। পৃথিৱীৰ সকলো মালভূমিৰে উচ্চতা আৰু ভূ-প্ৰকৃতি সমান নহয়, যাৰ বাবে এই অঞ্চলসমূহত বাস কৰা লোকসকলৰ অৰ্থনৈতিক কাৰ্যকলাপো ভিন ভিন হোৱা দেখা যায়। সমতল পৃষ্ঠৰ মালভূমি অঞ্চলৰ সাৰুৱা মাটি আৰু অনুকূল জলবায়ুৰ বাবে খেতি-বাতি বৰ ভাল হয়। উদাহৰণস্বৰূপে, ভাৰতৰ দাক্ষিণাত্য মালভূমি কপাহ খেতিৰ বাবে বিশ্বজুৰি পৰিচিত। তেনেদৰে, ঘাঁহনিৰে আৱৰি থকা মালভূমিসমূহ পশুপালনৰ বাবে অতি উত্তম। পৃথিৱীৰ বেছিভাগ মালভূমিতেই ন্যূনাধিক পৰিমাণে খনিজ সম্পদ মজুত থাকে। এনে খনিজ সম্পদৰ প্ৰাচুৰ্য থকা মালভূমি অঞ্চলসমূহত বিভিন্ন ধৰণৰ শিল্প-উদ্যোগ প্ৰতিষ্ঠা হৈছে। ভাৰতৰ দাক্ষিণাত্য মালভূমিত মেংগানিজ, লো, সোণ আদি মূল্যৱান ধাতু আহৰণ কৰা হয়। একেদৰে, অষ্ট্ৰেলিয়াৰ মালভূমিত সীহ, সোণ আৰু দস্তা পোৱাৰ লগতে দক্ষিণ আফ্ৰিকাৰ মালভূমিত তাম, সোণ আৰু হীৰা পোৱা যায়। মালভূমিসমূহ সাগৰপৃষ্ঠৰ পৰা যথেষ্ট উচ্চতাত অৱস্থিত হোৱাৰ বাবে ইয়াৰ জলবায়ু স্বাস্থ্যসন্মত হয়। ইয়াৰ যাতায়াত ব্যৱস্থাও পাহাৰীয়া অঞ্চলতকৈ উন্নত। সুচল যাতায়াত ব্যৱস্থা আৰু খনিজ সম্পদৰ উপলব্ধতাৰ বাবে মালভূমি অঞ্চলত জনবসতি আপেক্ষিকভাৱে ঘন হয়। কিছুমান মালভূমি অঞ্চল আকৌ ফল-মূল উৎপাদনৰ বাবেও জনাজাত। ইয়াৰ উপৰি, মালভূমিৰ ঢাল থিয় হ’লে তাৰ পৰা জলবিদ্যুৎ প্ৰকল্পৰ জৰিয়তে শক্তি উৎপাদন কৰাৰ সুবিধাও থাকে।
৫। সমভূমি অঞ্চলত জনবসতি ঘন কিয়?
উত্তৰঃ প্ৰাচীন কালৰে পৰাই সমভূমি অঞ্চলসমূহে মানৱ সমাজৰ ওপৰত বিশেষ প্ৰভাৱ বিস্তাৰ কৰি আহিছে। সাধাৰণতে, পাৰ্বত্য অঞ্চলৰ পৰা বৈ অহা নদীসমূহ সমতল ভূমিৰ মাজেৰে প্ৰৱাহিত হৈ শেষত সাগৰত মিলিত হয়। নদীৰ বানপানীয়ে কঢ়িয়াই অনা পলসে সমভূমি অঞ্চলৰ মাটি সাৰুৱা কৰি তোলে, যাৰ ফলত ইয়াত খেতি-বাতি অতি সুন্দৰ হয়। সমভূমি অঞ্চলৰ যাতায়াত আৰু যোগাযোগ ব্যৱস্থাও যথেষ্ট সুচল আৰু উন্নত। সৰু সৰু উপনৈসমূহ সমভূমিৰ মাজেদি বৈ গৈ প্ৰধান নদীৰ লগত লগ লাগে। প্ৰধান নদীখন গৈ সাগৰত পৰাৰ বাবে সাগৰীয় পথেৰে অহা মালবাহী জাহাজসমূহ মূল নদী হৈ উপনৈৰ জৰিয়তে নিৰ্দিষ্ট স্থানত উপস্থিত হ’ব পাৰে। ইয়াৰ লগতে, সমান ভূ-প্ৰকৃতি, সাৰুৱা কৃষিভূমি আৰু জলসিঞ্চনৰ সুব্যৱস্থা থকাৰ বাবেই সমভূমি অঞ্চলত প্ৰাচীন কালৰে পৰা জনবসতি ঘন হৈ আহিছে। বিশ্বৰ প্ৰায়বোৰ প্ৰধান সমভূমি অঞ্চলতেই অধিক জনসংখ্যা দেখা যায়। সামগ্ৰিকভাৱে ক’বলৈ গ’লে, মানৱ জীৱন নিৰ্বাহৰ বাবে প্ৰয়োজনীয় সকলোবোৰ সুবিধা উপলব্ধ হোৱাৰ বাবেই সমভূমি অঞ্চলসমূহত বৃহৎ চহৰ-নগৰ গঢ় লৈ উঠিছে আৰু জনবসতিও ঘন হৈছে।
