Class 7 Assamese Chapter 10 – সতৰ্কতাই সুৰক্ষা – All Textual Solutions | ASSEB Assam (Assamese Medium)

Class 7 Assamese Chapter 10 সতৰ্কতাই সুৰক্ষা Solutions | ASSEB Assam | Assamese Medium

সপ্তম শ্ৰেণী অসমীয়া (উন্মেষ) অধ্যায় ১০ – সতৰ্কতাই সুৰক্ষা সম্পূৰ্ণ পাঠ্যভিত্তিক প্ৰশ্নোত্তৰ আৰু সমাধান (ASSEB / SEBA Assam – Assamese Medium)

সপ্তম শ্ৰেণীৰ অসমীয়া ‘উন্মেষ’ পাঠ্যপুথিৰ দশম অধ্যায় ‘সতৰ্কতাই সুৰক্ষা’ ছাত্ৰ-ছাত্ৰীসকলৰ পথ সুৰক্ষা, ব্যক্তিগত নিৰাপত্তা আৰু সামাজিক সজাগতা বৃদ্ধিৰ বাবে ৰচিত এটা অতি ব্যৱহাৰিক আৰু গুৰুত্বপূৰ্ণ পাঠ। নতুন ASSEB (Assam State School Education Board) পাঠ্যক্ৰম আৰু নৱ্য শিক্ষা নীতিৰ (NEP) নিৰ্দেশনাৰ আধাৰত এই অধ্যায়ৰ সম্পূৰ্ণ পাঠ্যভিত্তিক প্ৰশ্নোত্তৰ (Class 7 Assamese Chapter 10 Textual Question Answer) প্ৰস্তুত কৰা হৈছে। এই বিশেষ সংকলনটিত পাঠভিত্তিক অতি চমু প্ৰশ্ন (VSA), চমু প্ৰশ্ন (Short Questions), দীঘলীয়া প্ৰশ্ন (Long Answers), MCQ আৰু ব্যাকৰণৰ পুংখানুপুংখ সমাধান অন্তৰ্ভুক্ত কৰা হৈছে। অস্পীন একেডেমী (Ospin Academy) ত এই সমাধানসমূহ সহজ, নিৰ্ভুল আৰু সম্পূৰ্ণ পৰীক্ষামুখীভাৱে উপলব্ধ কৰোৱা হৈছে।

‘সতৰ্কতাই সুৰক্ষা’ পাঠটিত দৈনন্দিন জীৱনত দুৰ্ঘটনাৰ পৰা ৰক্ষা পাবলৈ ল’বলগীয়া সাৱধানতা, যাতায়াতৰ নিয়ম আৰু সজাগতাৰ আৱশ্যকতা সুন্দৰভাৱে দাঙি ধৰা হৈছে। ছাত্ৰ-ছাত্ৰীসকলৰ সুবিধাৰ্থে আমাৰ এই পাঠ্যভিত্তিক সমাধানত (Textual Solutions) কেৱল পাঠ্যপুথিৰ অনুশীলনীৰ প্ৰশ্নসমূহেই নহয়, বৰঞ্চ পৰীক্ষাত আহিব পৰা অতিৰিক্ত গুৰুত্বপূৰ্ণ প্ৰশ্ন-উত্তৰ আৰু বহু-বিকল্পী প্ৰশ্ন (MCQs) সামৰি লোৱা হৈছে।

এই পাঠ্যভিত্তিক সমাধানৰ পৰা আপুনি কি কি শিকিব আৰু পাব:

• ‘সতৰ্কতাই সুৰক্ষা’ পাঠৰ মূল ভাৱ আৰু পথ নিৰাপত্তা নিয়মসমূহৰ বিশদ আলোচনা।
• শব্দাৰ্থ, ১ নম্বৰৰ অতি চমু (VSA objective type) আৰু চমু প্ৰশ্নৰ সহজ উত্তৰ।
• প্ৰসংগ সংগতি দৰ্শাই ব্যাখ্যা আৰু দীঘলীয়া প্ৰশ্নৰ মান্য সমাধান।
• পাঠভিত্তিক ব্যাকৰণ, বিপৰীত শব্দ, সমাৰ্থক শব্দ আৰু বাক্য গঠন।
• নতুন পাঠ্যক্ৰমৰ আৰ্হি অনুসৰি গুৰুত্বপূৰ্ণ অতিৰিক্ত প্ৰশ্ন আৰু MCQ সমাধান।

অস্পীন একেডেমীৰ এই প্ৰশ্নোত্তৰসমূহৰ বিশেষ সুবিধা:

• শেহতীয়া ASSEB নতুন পাঠ্যক্ৰমৰ আধাৰত প্ৰস্তুত কৰা সম্পূৰ্ণ পাঠ্যভিত্তিক সমাধান।
• ১০০% নিৰ্ভুল আৰু ছাত্ৰ-ছাত্ৰীয়ে মুখস্থ কৰিবলৈ সহজ হোৱাকৈ সৰল অসমীয়া ভাষাত লিখা উন্নত মানৰ নোটছ।
• পৰীক্ষাৰ পূৰ্বে দ্ৰুত ৰিভিজনৰ (Quick Revision) বাবে বিশেষভাৱে যুগুতোৱা সহজ-সৰল উত্তৰ।

ছাত্ৰ-ছাত্ৰীসকলৰ শৈক্ষিক উত্তৰণৰ প্ৰতি লক্ষ্য ৰাখি অস্পীন একেডেমীয়ে এই বিশেষ পাঠ্যভিত্তিক সমাধান আগবঢ়াইছে। আপোনাৰ পৰীক্ষাৰ প্ৰস্তুতি এতিয়াই আৰম্ভ কৰক আৰু অসমীয়া বিষয়ত সৰ্বোচ্চ নম্বৰ লাভ কৰাৰ দিশত আগবাঢ়ক।

 SCERT, অসম — সপ্তম শ্ৰেণী: অসমীয়া

অধ্যায়-10                                                            অস্পিন একাডেমী

সতৰ্কতাই সুৰক্ষা

পাঠভিত্তিক প্রশ্নোত্তৰ

পাঠভিত্তিক: ক্রিয়া-কলাপ

১। তলত বাঁওফালে দিয়া শব্দবোৰৰ অৰ্থ সোঁফালে খেলিমেলিকৈ দিয়া আছে। শব্দৰ লগত অৰ্থ মিলাই লিখোঁ আহা-

বাঁওফাল	সোঁফাল
ঠগ	ডাল-পাত নুগুচোৱা (বাঁহ আদি)
প্ৰতিকাৰ	থিতাতে নাইকিয়া হোৱা কাৰ্য
হৰলুকী	নষ্ট, শেষ
অকঁটলা	প্ৰতাৰক
শৰাধ	আপদ গুচাবলৈ কৰা উপায়

উত্তৰঃ

শব্দ	অর্থ
ঠগ	প্ৰতাৰক
প্ৰতিকাৰ	আপদ গুচাবলৈ কৰা উপায়
হৰলুকী	থিতাতে নাইকিয়া হোৱা কাৰ্য
অকঁটলা	ডাল-পাত নুগুচোৱা (বাঁহ আদি)
শৰাধ	নষ্ট, শেষ

২। তলত দিয়া প্রশ্নবোৰৰ উত্তৰ দিয়া।

(ক) কবিতাটোৰ বিষয়বস্তু কি?

উত্তৰঃ প্ৰস্তুত কবিতাটিৰ মূল বিষয়বস্তু হৈছে ‘সতৰ্কতাই সুৰক্ষা’।

(খ) অসাধু লোকে ইণ্টাৰনেটৰ জৰিয়তে কি কৰিব বিচাৰে? 

উত্তৰঃ ইণ্টাৰনেটৰ সুবিধা লৈ দুষ্ট বা অসাধু প্ৰকৃতিৰ লোকসকলে আন মানুহৰ ব্যক্তিগত তথ্যসমূহ চুৰি কৰি সেইবোৰৰ জৰিয়তে বিভিন্ন অপকৰ্ম কৰিব বিচাৰে।

(গ) চাইবাৰ সুৰক্ষা বুলিলে কি বুজা?

উত্তৰঃ একাংশ প্ৰতাৰক লোকে ইণ্টাৰনেটৰ জাল পাতি আনৰ গোপনীয় তথ্য সৰকাই তাৰ অপব্যৱহাৰ কৰে। ইয়াৰ পৰিণতিত নিৰীহ মানুহে কেৱল ধন-সম্পত্তি হেৰুওৱাই নহয়, বৰঞ্চ মান-সন্মানো লাঘৱ হ’বলগীয়া পৰিস্থিতিৰ উদ্ভৱ হয়। ইণ্টাৰনেটৰ জৰিয়তে হ’ব পৰা এনেধৰণৰ ভয়াবহ বিপদৰ পৰা নিজকে বচাই ৰখা ব্যৱস্থাটোকেই চাইবাৰ সুৰক্ষা বুলি কোৱা হয়।

(ঘ) অকঁটলা গোজ বুলিলে কি বুজা?

উত্তৰঃ ‘অকঁটলা গোজ’ মানে হৈছে ডাল-পাত বা ঠাল-ঠেঙুলি কাটি চাফা নকৰা গছৰ ডাল বা বাঁহৰ পুতি থোৱা খুঁটি।

৩। তলত দিয়া প্রশ্নবোৰৰ উত্তৰ ভাবা আৰু লিখা-

(ক) ইণ্টাৰনেট ব্যৱস্থাৰ দুটাকৈ সুফল আৰু কুফলৰ বিষয়ে লিখা।

উত্তৰঃ 

সুফলসমূহ: ইণ্টাৰনেটৰ জৰিয়তে আমি নিমিষতে পৃথিৱীৰ যিকোনো প্ৰান্তত থকা ব্যক্তিৰ সৈতে দ্ৰুত যোগাযোগ স্থাপন কৰিব পাৰোঁ।

বেংকৰ প্ৰয়োজনীয় কাম-কাজৰ লগতে বজাৰ-সমাৰ (শ্বপিং) আদি সকলো ঘৰতে বহি অনায়াসে কৰিব পাৰি।

কুফলসমূহ: অতিৰিক্তভাৱে ম’বাইল বা কম্পিউটাৰৰ স্ক্ৰীণত সময় কটালে দৃষ্টিশক্তিৰ ক্ষতি, নিদ্ৰাহীনতা আৰু মানসিক চাপৰ দৰে স্বাস্থ্যজনিত সমস্যাই দেখা দিয়ে।

ইয়াৰ উপৰি ইণ্টাৰনেটৰ জৰিয়তে চাইবাৰ অপৰাধ, ভুৱা বাতৰিৰ প্ৰসাৰ আৰু মানুহৰ গোপনীয় তথ্য চুৰি হোৱাৰ ভয়ংকৰ আশংকা থাকে।

(খ) কবিতাটোত জোনক চাই-চিতি খোজ দিবলৈ কিয় কোৱা হৈছে?

উত্তৰঃ ম’বাইল ফোনৰ অসতৰ্ক ব্যৱহাৰে যাতে ভৱিষ্যতে তাক কোনো ভয়াৱহ বিপদত নেপেলায়, তাৰ প্ৰতি আগতীয়া সাৱধানতা অৱলম্বন কৰিবলৈকে কবিতাটিত জোনক চাই-চিতি খোজ দিবলৈ পৰামৰ্শ দিয়া হৈছে।

(গ) চাইবাৰ অপৰাধীৰ পৰা নিজকে বচাই ৰাখিবলৈ কেনেদৰে সাৱধান হ’ব লাগে? 

উত্তৰঃ চাইবাৰ অপৰাধীৰ কবলৰ পৰা ৰক্ষা পৰিবলৈ হ’লে আমি আমাৰ একাউণ্টবোৰত অতি কটকটীয়া আৰু শক্তিশালী পাছৱৰ্ড ব্যৱহাৰ কৰা উচিত। লগতে, ম’বাইললৈ অহা সন্দেহজনক লিংকত ক্লিক কৰা, নিজৰ ব্যক্তিগত তথ্য আনৰ সৈতে শ্বেয়াৰ কৰা আদি কাৰ্যৰ পৰা বিৰত থকাৰ লগতে কেৱল নিৰাপদ ৱেবছাইটসমূহহে ব্যৱহাৰ কৰিব লাগে।

(ঘ) কবিতাটো পঢ়ি তোমাৰ ভাল লগা আন এটি নতুন শিৰোনাম দিয়া। 

উত্তৰঃ কবিতাটিৰ বিষয়বস্তুৰ প্ৰতি লক্ষ্য ৰাখি মই ইয়াৰ নতুন নাম ‘নিৰাপদ ইণ্টাৰনেট’ বুলি ৰাখিব বিচাৰিম।

৪। তলত দিয়া প্ৰশ্নটোৰ উত্তৰ আলোচনা কৰি কোৱা আৰু লিখা।

            “ভয়েই লাগে.                    যিহে দিন-কাল 

                        আমাৰ জোনটো সৰু, 

         নাজানি-নুবুজি                     ‘ক্লিক্’ কৰি দিলে 

                          নহ’বনে বিপদ বাৰু?”

জোন নামৰ সৰু ল’ৰাটিয়ে নাজানি-নুবুজি ইন্টাৰনেট ব্যৱহাৰ কৰিলে কেনে ধৰণৰ বিপদ হ’ব পাৰে বুলি আশংকা কৰা হৈছে?

উত্তৰঃ এটি সৰু ল’ৰাই ইণ্টাৰনেটৰ সঠিক ব্যৱহাৰ নজনাকৈ চলালে তলত বৰ্ণনা কৰা বিপদসমূহৰ সৃষ্টি হ’ব পাৰে বুলি আশংকা প্ৰকাশ কৰা হৈছে—

চাইবাৰ অপৰাধীসকলে সহজেই তেওঁলোকৰ পাছৱৰ্ড হেক কৰি ব্যক্তিগত তথ্য চুৰি কৰিব পাৰে, যাৰ ফলত অনলাইন বেংকিং বা ধনৰ লেনদেনত জালিয়াতি হোৱাৰ লগতে ডিভাইচটোত ভাইৰাছৰ আক্ৰমণ হ’ব পাৰে।

বিভিন্ন ক্ষতিকাৰক অনলাইন গেম আৰু বেয়া ৱেবছাইটৰ প্ৰভাৱত পৰি সৰু ল’ৰা-ছোৱালীসকল বিপথে পৰিচালিত হোৱাৰ পূৰ্ণ সম্ভাৱনা থাকে।

৫। প্রসংগ-সংগতি দর্শাই ব্যাখ্যা কৰা-

               কেওফালে আজি              বাঢ়িব ধৰিছে 

                                  চাইবাৰ অপৰাধ,

                সাৱধান নহৈ                   পাছৱর্ড দিলে

                                ধন-মানৰ শৰাধ।

উত্তৰঃ প্ৰসংগ: প্ৰদত্ত পদ্যফাঁকি আমাৰ পাঠ্যক্ৰমৰ অন্তৰ্গত ‘সতৰ্কতাই সুৰক্ষা’ নামৰ কবিতাটিৰ পৰা উদ্ধৃত কৰা হৈছে।

 সংগতি: বৰ্তমান সময়ত বৃদ্ধি পোৱা চাইবাৰ অপৰাধ আৰু ইণ্টাৰনেটৰ ব্যৱহাৰত ল’বলগীয়া সাৱধানতাৰ বিষয়ে সকীয়াই দিবলৈকে কবিয়ে এই পদকেইফাঁকিৰ অৱতাৰণা কৰিছে। 

ব্যাখ্যা: সাম্প্ৰতিক সময়ত আমাৰ চাৰিওফালে ইণ্টাৰনেটৰ জৰিয়তে সংঘটিত হোৱা অপৰাধ বা ‘চাইবাৰ ক্ৰাইম’ অতিমাত্ৰাই বৃদ্ধি পাইছে। এনে পৰিস্থিতিত আমি সকলোৱে নিজৰ ব্যক্তিগত তথ্য আৰু একাউণ্টসমূহৰ নিৰাপত্তাৰ ক্ষেত্ৰত যথেষ্ট সজাগ হোৱা প্ৰয়োজন। যদি আমি অসাৱধানতাবশতঃ নিজৰ পাছৱৰ্ড বা অন্য গোপনীয় তথ্য অচিনাকি ব্যক্তিক প্ৰদান কৰোঁ, তেন্তে প্ৰতাৰকৰ জালত পৰি আমাৰ সাঁচতীয়া ধন আৰু মান-সন্মান সমূলঞ্চে বিনাশ হোৱাৰ ভয় থাকে। সেয়েহে, কবিয়ে ইণ্টাৰনেট ব্যৱহাৰ কৰোঁতে পদে পদে সাৱধানতা অৱলম্বন কৰিবলৈ পৰামৰ্শ আগবঢ়াইছে।

৬। তলত দিয়া জতুৱা ঠাঁচৰ খণ্ডবাক্যকেইটা ব্যৱহাৰ কৰি একোটাকৈ বাক্য লিখা। 

  পানীত হাঁহ নচৰা (অভাৱে জুৰুলা কৰা)                   গাই বাই চা (চেষ্টা কৰি চা)

  জোন ওলায় (চন্দ্র উদয় হয়)                                   বেলি উঠে (সূর্য উদয় হয়) 

  খাই পাত ফলা (অশলাগী)                                      ভাত বাঢ়ে (কাঁহীত ভাত দিয়ে) 

  পানীৰ মিঠে (অসম্ভৱ বা অবাস্তব বস্তু)                      আঁঠু ল (শৰণাপন্ন হ)

উত্তৰঃ

পানীত হাঁহ নচৰা (অভাৱে জুৰুলা কৰা): ঘৰৰ একমাত্ৰ উপাৰ্জনকাৰী ব্যক্তিজনৰ অকাল মৃত্যুত পৰিয়ালটোৰ এতিয়া পানীত হাঁহ নচৰা অৱস্থাৰ সৃষ্টি হৈছে।

জোন ওলায় (চন্দ্ৰ উদয় হয়): আন্ধাৰ নামি অহাৰ লগে লগেই নিশাৰ আকাশত ধুনীয়া জোন ওলায়।

বেলি উঠে (সূৰ্য উদয় হয়): পুৱা পূব দিশত বেলি উঠাৰ লগে লগেই প্ৰকৃতিয়ে এক নতুন ৰূপ ধাৰণ কৰে।

খাই পাত ফলা (অশলাগী): বিপদলৈ চাই সহায় কৰিলেও খাই পাত ফলা স্বভাৱৰ মানুহে কেতিয়াও উপকাৰৰ শলাগ নলয়।

গাই বাই চা (চেষ্টা কৰি চা): অংকটো বৰ টান যেন লাগিলেও, এবাৰ গাই বাই চাচোন, নিশ্চয় কৰিব পাৰিবি।

ভাত বাঢ়ে (কাঁহীত ভাত দিয়ে): দেউতাক পথাৰৰ পৰা অহা দেখি মায়ে ততাতৈয়াকৈ কাঁহীত ভাত বাঢ়িবলৈ ধৰিলে।

পানীৰ মিঠৈ (অসম্ভৱ বা অবাস্তৱ বস্তু): বিনা পৰিশ্ৰমেৰে পৰীক্ষাত প্ৰথম স্থান লাভ কৰাৰ কথা ভবাটো পানীৰ মিঠৈ খোৱাৰ দৰে অবাস্তৱ কথা।

আঁঠু ল (শৰণাপন্ন হ): পৰীক্ষাৰ ফলাফল ওলোৱাৰ আগদিনা তাই নামঘৰত গৈ ভগৱানৰ ওচৰত আঁঠু লৈছে।

৭। কাষৰ বাকচত দিয়া উপযুক্ত যুৰীয়া শব্দৰে তলত দিয়া দফাটো সম্পূৰ্ণ কৰা।

(ইফালে-সিফালে, লগে লগে, উটি-ভাহি, যাৰে-তাৰে, চাই-চিতি, গুণী-জ্ঞানী, দেহা-বেহা, নজনা-নুবুজা, কা-কা, ভাবি-গুণি)

উত্তৰঃ জালত পৰি থকা হৰিণজনীৰ চকুলৈ চাই কাউৰীয়ে ক’লে- “তোমাক মই আগতেই সঁকিয়াইছিলোঁ যে অলপ চাই-চিতি চলিব লাগে। যাৰে-তাৰে লগত মিত্ৰতা কৰিলে দেহা-বেহাৰ ক্ষতি হ’বই। তুমি নজনা-নুবুজাকৈ শিয়ালটোৰ লগত মিত্রতা কৰিছিলা। মােক অলপ সময় দিয়া। ভাবি-গুণি কিবা এটা বুদ্ধি উলিয়াব লাগিব। শিয়ালটো কল্পনাত উটি-ভাহি থাকক, তাক সফল হ’ব নিদিওঁ, এতিয়া ধৈর্য ধৰি থাকা। ধৈৰ্যই পৰম বল বুলি গুণী-জ্ঞানী লোকে কয়। মই গছৰ ওপৰত বহি ইফালে-সিফালে চাই থাকিম। খেতিয়কজন অহা দেখিলেই মই কা-কা কৈ চিঞৰি দিম। তুমি লগে লগে মৰাৰ ভাও জুৰি জিভা উলিয়াই পৰি থাকিবা।”

৮। ‘সতর্কতাই সুৰক্ষা’ পদ্যটোত অনুসন্ধান (অনু + সন্ধান), দুৰ্বলতা (দুৰ্‌ + বল + তা প্রত্যয়) আদি উপসর্গযুক্ত শব্দ পাইছা। এতিয়া অনু, দুৰ আৰু অসমীয়া আও উপসৰ্গ যোগ কৰি তিনিটাকৈ নতুন শব্দ গঠন কৰা।

উত্তৰঃ

উপসৰ্গ	মূল শব্দ	গঠিত নতুন শব্দ
অনু	প্ৰেৰণা	অনুপ্ৰেৰণা
অনু	তাপ	অনুতাপ
অনু	কাৰ	অনুকাৰ
দুৰ্	গতি	দুৰ্গতি
দুৰ্	ভেদ্য	দুৰ্ভেদ্য
দুৰ্	নাম	দুৰ্নাম
আও	কাঠ	আওকাঠ
আও	কাৰ	আওকাৰ
আও	গুণ	আওগুণ

৯। তোমালোকে কবিতাটোত চাইবাৰ সুৰক্ষাৰ বিষয়ে পাইছা। চাইবাৰ সুৰক্ষাৰ বাবে কি কি ব্যবস্থা লোৱা উচিত, দলত আলোচনা কৰি লিখা।

উত্তৰঃ চাইবাৰ জগতখনত নিজকে সুৰক্ষিত কৰি ৰাখিবলৈ আমি তলত উল্লেখ কৰা ব্যৱস্থাসমূহ গ্ৰহণ কৰাটো অতিকৈ প্ৰয়োজনীয়—

ইণ্টাৰনেটৰ প্ৰতিটো একাউণ্টৰ বাবে বেলেগ বেলেগ আৰু সহজে অনুমান কৰিব নোৱাৰা কঠিন পাছৱৰ্ড প্ৰয়োগ কৰিব লাগে।

• মোবাইল বা কম্পিউটাৰৰ ছফটৱেৰ, ব্ৰাউজাৰ আৰু এণ্টিভাইৰাছসমূহ সময়মতে আপডেট কৰি ৰাখিব লাগে।

• ই-মেইল, অনলাইন বেংকিং আৰু সামাজিক মাধ্যমৰ একাউণ্টসমূহ অধিক সুৰক্ষিত কৰিবলৈ ‘টু-ফেক্টৰ অথেনটিকেচন’ (2FA) ব্যৱস্থা সক্ৰিয় কৰিব লাগে।

• ষ্টেচন বা বজাৰৰ দৰে ৰাজহুৱা স্থানত উপলব্ধ বিনামূলীয়া ৱাই-ফাই (Wi-Fi) ব্যৱহাৰ কৰাৰ পৰা বিৰত থকা উচিত, বিশেষকৈ বেংকৰ ধন লেনদেনৰ ক্ষেত্ৰত।

• কোনো অজ্ঞাত বা সন্দেহজনক নম্বৰৰ পৰা অহা লিংকত কেতিয়াও ক্লিক কৰিব নালাগে আৰু এপ ডাউনলোড কৰিব নালাগে।

• বেংক বা ডাকঘৰৰ নাম লৈ অহা ফোন কল, মেছেজ আদিত বিশ্বাস কৰি নিজৰ ব্যক্তিগত তথ্য, একাউণ্টৰ সবিশেষ বা অ’টিপি (OTP) কাকো শ্বেয়াৰ কৰিব নালাগে।

• যদি কেতিয়াবা চাইবাৰ প্ৰতাৰণাৰ বলি হয়, তেন্তে লগে লগে চৰকাৰী চাইবাৰ ক্ৰাইম পোৰ্টেলত বা আৰক্ষীক অভিযোগ দাখিল কৰিব লাগে।

১০। (ক) তলত দিয়া জাননীখন পঢ়া আৰু তলৰ প্ৰশ্নকেইটাৰ উত্তৰ দিয়া- (পাঠ্যপুথিৰ জাননীখন ছাত্ৰ-ছাত্ৰীসকলে পঢ়িব।)

(খ) জাননীখন কোনে, কিয় প্ৰচাৰ কৰিছে? 

উত্তৰঃ উক্ত জাননীখন মানকাচৰ আৰক্ষী থানাৰ তৰফৰ পৰা প্ৰচাৰ কৰা হৈছে। শেহতীয়াকৈ মানকাচৰ এলেকাত চাইবাৰ অপৰাধৰ লগত জড়িত ঘটনাৰ সংখ্যা অস্বাভাৱিকভাৱে বৃদ্ধি পোৱাৰ প্ৰতি লক্ষ্য ৰাখি জনসাধাৰণক সজাগ কৰাৰ উদ্দেশ্যেই আৰক্ষীয়ে এই জাননীখন জাৰি কৰিছে।

(গ) জাননীখনত কি সমস্যাৰ কথা কোৱা হৈছে? 

উত্তৰঃ এই জাননীখনত ঘাইকৈ সামাজিক মাধ্যমযোগে প্ৰতাৰণা, বিত্তীয় জালিয়াতি, বেংকৰ একাউণ্ট হেক কৰা আৰু মানুহৰ গোপনীয় তথ্য চুৰি হোৱাৰ দৰে ভয়াৱহ চাইবাৰ সমস্যামূহৰ বিষয়ে উল্লেখ কৰা হৈছে।

(ঘ) জাননীখন কোন তাৰিখে জাৰি কৰা হৈছিল?

 উত্তৰঃ এই জাননীখন ২০২৫ চনৰ ১০ অক্টোবৰ তাৰিখে প্ৰকাশ কৰা হৈছিল।

(ঙ) চাইবাৰ অপৰাধ সংঘটিত হ’লে কি নম্বৰত অভিযোগ দাখিল কৰিবলৈ কোৱা হৈছে?

 উত্তৰঃ চাইবাৰ অপৰাধৰ বলি হ’লে তাৎক্ষণিকভাৱে চৰকাৰী হেল্পলাইন নম্বৰ ১৯৩০-ত যোগাযোগ কৰি অভিযোগ দাখিল কৰিবলৈ কোৱা হৈছে।

(চ) জাননীখনত কি কি চাইবাৰ অপৰাধৰ কথা কোৱা হৈছে? 

উত্তৰঃ জাননীখনত মূলতঃ ধন-সম্পত্তিৰ জালিয়াতি, ছ’চিয়েল মিডিয়াৰ যোগেদি কৰা প্ৰতাৰণা, ই-মেইল আৰু বেংক একাউণ্ট হেক হোৱা, লগতে ব্যক্তিগত তথ্যৰ অপহৰণ আদি ভিন ভিন চাইবাৰ অপৰাধসমূহৰ কথা অন্তৰ্ভুক্ত কৰা হৈছে।

(ছ) তোমাৰ পৰিয়ালৰ সদস্য বা চিনাকি লোকে এনে পৰিস্থিতিৰ সন্মুখীন হ’লে তুমি কি কৰিবা? লিখা।

উত্তৰঃ যদি মোৰ কোনো চিনাকি ব্যক্তি বা পৰিয়ালৰ সদস্য এনে চাইবাৰ প্ৰতাৰণাৰ বলি হয়, তেন্তে মই লগে লগে চাইবাৰ হেল্পলাইন নম্বৰ ১৯৩০-লৈ কল কৰিম আৰু ওচৰৰ আৰক্ষী থানাত গৈ তৎকালীনভাৱে এজাহাৰ দাখিল কৰিম।

V